متى بنشوف باب مكتب الوزير مفتوح

[بوخالد911]

المشكلة تكمن في البطانة.

وللتو تذكرت مقطع فيديو لمحمد بن راشد
لما راح لمكاتب المدراء وأمر بخلع الأبواب.

[وحيد-الشوق]

جات عالوزير بس الحين مدير الهيئة او الادارة الفلانية وحتى رئيس القسم بابه مسكر والسكرتير يقولك مسافر، محد او عنده اجتماع وغيره من الكذب

انا استغرب هالناس مايخافون من الله ومن دعاوي الناس بأي حق انت ماتستقبل المراجعين وتصرفهم

[يمامـة]

اذا بدأ يغير اثاث مكتبه ان شاءالله..

[طلعة الروح]

لما نشوف ان العقليات تفتحت عن قبل وافهمت ان وظيفته تكليفية ومهام وظيفية مطلوب منه انجازها وليست الوظيفه تشريف وبرستيج وقالب المكتب مجلس وقهوة ع البحري نفس مانشوف حتى عند المدرا العاديين ورؤساء الاقسام الي كل واحد معتبر نفسه وزير مصغر في حد ذاته،، الوزير مهم ان يكون فاهم دوره وله نظره استشرافيه وعقليه تستوعب الاولويات والكماليات على double work طبعا بحكم انه ماسك إدارة وزاره كاملة

[طلعة الروح]

المشكلة تكمن في البطانة.

وللتو تذكرت مقطع فيديو لمحمد بن راشد
لما راح لمكاتب المدراء وأمر بخلع الأبواب.

بالضبط هاي اللي احنا محتاجينه وقبل خلع الابواب مطلوب غسل الأدمغة المتحجرة

[معماري قطري]

خلوا الأبواب مكانها نبي تواصل حضاري بالتلفون أو الايميل وردود واضحة وطيبة وحلول سريعة لمشاكل الناس

نبي هذا التواصل عند كل مسؤول وبسهولة نحصل ايميله وطرق التواصل معاه .. معالي رئيس مجلس الوزراء ما قصر في عدة شكاوي وكلموني بعدها البلدية وموظف يعرف إخواني وقلت له كل الحاصل ووضحت له المشاكل وكنت على وشك سفر ورحت وانا متطمن إن كل شيء بينحل لكن للأسف ولا شيء انحل مثل ما يقولون عيال العم سام مثل ما يسمون نفسهم توك از جيب Talk Is Cheap

[بوخالد911]

بنشوف بابه مفتوح اذا اللي حواليه طاروا.

[R 7 A L]

ااذا حصلت كل الموظفين يداومون ويخلون الوزير يتفرغ لمقابله المراجعين بتقدر تحصل بابه مفتوح
اما الحين صعب تخيل هو الي يقوم بكل اشغال الوزارة وين يلحق يقابل الناس

[khalid525]

احنا في زمن نبي الوزراء والمدراء هم اللي يلاحقون المراجعين وياخذون استبيانات عن مدى رضاهم وشلون يطورون الخدمات ويسرعونها ، بعض الوزراء فاتحين ابوابهم ويستقبلون الناس ويحلون بعض مشاكلهم زين والباقي شنو وضعهم ؟ فيه قطاع كبير من المراجعين يمشون ورا الاجراءات وصبرهم طويل وتتاخر حقوقهم بسبب الروتين والبيروقراطية هذا الصنف من البشر من ينصفه ؟

[بوحارب]

يا رجل خلنا نقابل مدير الأدارة وعقب نفكر في مقابلة سعادة الوزير