تطبيق قـانـون الوافـديـــن 13 ديسمبر

[الزعفراني]

واذا "الأجنبي" عليه التزامات/ديون؟؟؟

أي ديون عليه للبنك أو للناس الكفيل ما يتحملها وهالشي من زمان مش من اليوم

أما اذا المكفول يسرق الكفيل ويتحايل عليه فاعتقد المشكلة في الكفيل اللي ما قدر يضبط علاقة العمل بينه وبين المكفول

لذلك الدولة حطت مثل هالقانون .. لان مع الاسف الكثير من الكفلاء مجرد اسم في الشركة والمكفول العربي او الاجنبي يخيط ويبيط فيها

والكفيل ياخذ نهاية الشهر المقسوم وحسب الاتفاق وهالشي طبعا مخالف وفيه تستر ..

يا انك تكون كفيل وشريك اساسي وفعلي في الشركة مش مجرد ع الورق .. يا انك من الاساس ما تخالف وتورط نفسك وتقعد تراكض في المحاكم

من القضايا المرفوعة على الشركة اللي انت فيها شريك ع الورق

[الزعفراني]

أعتقد القانون فيه جوانب ايجابية كثيرة .. وتنظم العلاقة بينا وبين المكفولين .. لان اللي صاير حاليا خربطيشن .. ( اقصد الشركات ) .. ومشاكل كثيرة تصير لان الموضوع مش مرتب .. وأكثر ناس متخوفين من القانون هم اللي مخالفين .. وهم اللي عندهم مشكلة في تنظيم علاقتهم بالمكفولين عندهم .. والبعض وهم قلة ان شاء الله .. اللي عندهم حب التسلط على مكفولينهم واستعراض عضلاتهم عليهم .. بحكم انه هو كفيله ويتحكم فيه .. يحجز جوازه .. يمنعه من السفر .. راتب مافيه بالشهرين والثلاثه .. مافي خروجيات .. يجيبه بوظيفة سايق لكن يكتشف المسكين انه لازم يسقي الزرع ويقهوي الناس ويتعلم الطبخ ويباري الحلال في العزبه

أعتقد مسألة العقود حلوه ومنظمة للشغل وتحدد بالضبط العلاقة بينك كشخص مستقدم وبين المكفول اللي جاي يسترزق وبمهام محددة له ..

وغير كذا تخلي بعض الناس تغيّر ثقافتها ومفاهيمها في كثير من المواضيع اللي متعلقة بالعلاقة بين الكفيل والمكفول ..

وبس والله

[CH Engineer]

الحين الواحد ينتبه من السرقات،، بتكثر السرقات

بالنسبه للرواتب ترا يشتغلون فالمحلات والدكاكين على 800 ريال
زيده 200 ريال و وقع معاه عقد سنتين
اقل دريول ياخذ 1200 هذا وهو للحين مايعرف يسوق ولا يدل مكان
احسن من المكاتب

[MaRuKoO]

القانون تم تطبيقة قبل التاريخ الموضح

والدليل واحد من الربع عنده سايق طلع ثاني يوم العيد ومارجع

قدم في بلاغ هروب

بعد سبوعين جاه مسج إلقاء إقامة ومسج بعدة تصريح سفر

وبعد ثلاث ايّام جاه مسج مغادرة السائق خارج البلاد من غير الرجوع الى الكفيل أو الاتصال به

اول ماجاء المسج راح قسم الأبعاد يستفسر عن هل صحيح تم مغادرة السائق

لان كان يتوقع ان يتم الاتصال به أو طلب جواز السائق

ومع العلم قبل تقديم بلاغ الهروب راح سال عنه في المستشفى يمكن صار على شي وراح قسم الشرطة يتأكد يمكن ممسوك على قضية

بعدها تقدم لتقديم البلاغ وتفاجأ ان بعد فترة غادر البلاد

كان متوقع ان قسم الأبعاد يتصل عليه يطلبون تذكرة ويطلبون جوازه

بس الرجال تفاجأ كيف غادر البلاد وماتواصلو مع الكفيل وإلا دفع قيمة التذكرة والجواز عنده

المهم راح قسم الأبعاد وسلم جواز السائق وقالو له خلاص انت ماعليك شي

طيب الغريب كيف طلع له جواز

ليش مأتم التواصل مع الكفيل لطلب الجواز وقيمة التذكرة على الأقل

وعلى فكرة يقول توه ناجح من اختبار السواقة وماعنده اَي مشكلة مع السائق كلش

السائق بس حصل على أليسن واستلم الراتب شرد

حتى اغراض السائق الشخصية خلها في البيت

الغريب ان الحين يتصل على الكفيل من الهند يهدد في عطني جوازي

والجواز قسم الأبعاد سلمه لسفارة

لحظه في شي غريب الحين حتى لو كان اوردي طبقوا القانون على حد علمي السايق يقدر يسوي جذي مع القانون الجديد بس بعد ما يخلص عقده مش قبل !!!!! صح ولاغلط!!!!!حد يفهمنا يا جماعه حطو نقاط واضحه لنا ككفلاء

يعني يقدر يسافر بدون اذن كفيله بعد ما يخلص الخمس سنوات مش قبل لانه لو قبل كذا بتكون سلطه يعني اجيب خدامه ولا دريول واعلف فيه واعلمه واصرف عليه ويتعلم عندي كم شهر وياكل ويشرب ويسكن ببلاش مع راتب بعد وفنفس الوقت يدور غيري ويلقى ويطقها سفره ويرجع للبديل وعلى هالحال !!!!معقول ؟ ولا انا فاهمه غلط ولا شالسالفه ؟

[وليف الشوق]

أعتقد القانون فيه جوانب ايجابية كثيرة .. وتنظم العلاقة بينا وبين المكفولين .. لان اللي صاير حاليا خربطيشن .. ( اقصد الشركات ) .. ومشاكل كثيرة تصير لان الموضوع مش مرتب .. وأكثر ناس متخوفين من القانون هم اللي مخالفين .. وهم اللي عندهم مشكلة في تنظيم علاقتهم بالمكفولين عندهم .. والبعض وهم قلة ان شاء الله .. اللي عندهم حب التسلط على مكفولينهم واستعراض عضلاتهم عليهم .. بحكم انه هو كفيله ويتحكم فيه .. يحجز جوازه .. يمنعه من السفر .. راتب مافيه بالشهرين والثلاثه .. مافي خروجيات .. يجيبه بوظيفة سايق لكن يكتشف المسكين انه لازم يسقي الزرع ويقهوي الناس ويتعلم الطبخ ويباري الحلال في العزبه

أعتقد مسألة العقود حلوه ومنظمة للشغل وتحدد بالضبط العلاقة بينك كشخص مستقدم وبين المكفول اللي جاي يسترزق وبمهام محددة له ..

وغير كذا تخلي بعض الناس تغيّر ثقافتها ومفاهيمها في كثير من المواضيع اللي متعلقة بالعلاقة بين الكفيل والمكفول ..

وبس والله

احسنت

[الشفق الحالم]

لحظه في شي غريب الحين حتى لو كان اوردي طبقوا القانون على حد علمي السايق يقدر يسوي جذي مع القانون الجديد بس بعد ما يخلص عقده مش قبل !!!!! صح ولاغلط!!!!!حد يفهمنا يا جماعه حطو نقاط واضحه لنا ككفلاء

يعني يقدر يسافر بدون اذن كفيله بعد ما يخلص الخمس سنوات مش قبل لانه لو قبل كذا بتكون سلطه يعني اجيب خدامه ولا دريول واعلف فيه واعلمه واصرف عليه ويتعلم عندي كم شهر وياكل ويشرب ويسكن ببلاش مع راتب بعد وفنفس الوقت يدور غيري ويلقى ويطقها سفره ويرجع للبديل وعلى هالحال !!!!معقول ؟ ولا انا فاهمه غلط ولا شالسالفه ؟

لا تزعلي لو طفش لانج ( علفتيه ) !! استعوضي ربج دام انج عاملتيه بالمعروف ولوجه الله ولعله خير بدال لا يأذيج ويأذي اهل بيتج

[مرتبش]

علف!!
المهم
اتمنى قانون العمل (ايا كان) تكون نتيجته تخفيض عدد الاجانب بالنصف او اكثر.. اللي صاير حاليا نجيب اجانب اكثر من اللي نحتاجه ونجيب اجانب ثانيين يخدمون الاوليين .. والدائرة ماتنتهي.

[الشفق الحالم]

علف!!
المهم
اتمنى قانون العمل (ايا كان) تكون نتيجته تخفيض عدد الاجانب بالنصف او اكثر.. اللي صاير حاليا نجيب اجانب اكثر من اللي نحتاجه ونجيب اجانب ثانيين يخدمون الاوليين .. والدائرة ماتنتهي.

ايه والله لك حق تستغرب مثلي ،طاحت عيني ع الكلمه ضغطي ارتفع وبالاخير يشتكون ليش العماله الوافده تشرد منهم !!

[شيخ الديرة]

الصورة أعلاه من جريدة الراية

سؤالي, هل ال 5 سنين هي من بداية العمل أم من بداية تطبيق هذا القانون؟

[شيخ الديرة]

الصورة أعلاه من جريدة الراية

سؤالي, هل ال 5 سنين هي من بداية العمل أم من بداية تطبيق هذا القانون؟

وجدت الجواب

ويجوز للوافد للعمل، بعد موافقة الجهة المختصة ووزارة العمل والشؤون الاجتماعية، الانتقال إلى صاحب عمل آخر فور انتهاء مدة عقد العمل محدد المدة، أو بعد مضي خمس سنوات على اشتغاله مع صاحب العمل إذا كان العقد غير محدد المدة