حدود الخصوصية بين الزوج والزوجة

[غريب الدّار]

انا افترض ان الطرفين من حقهم النظر في جهاز الاخر
هاي اذا افترضنا ان كل واحد واثق في نوايا وافعال صاحبه
وعلى افتراض ان محد فيهم شايل اسرار الدوله في جهازه

نتكلم هنا عن الظروف والاحوال العادية اما اذا دخل الشك والتخوين فقل سلاما على الأمر برمته.

مشكورة اختي طلعة الروح (او اخوي مادري والله )

المهم

يعني من ناحية المبدأ المفروض مافي شي ينخش على الطرفين

ولا انا غلطان ؟

[غريب الدّار]

صدقني ما يمنع الزوج ويزعل ان زوجته شافت جواله الى فيه شي
ولو ما فيه اي شي غلط ما راح يزعل ويشتط يعني يزعل ويطلع من البيت وقد يطلق انها شافت جواله لوه واثق وانه ما عليه اي شي يزعل زوجته ما زعل وشتط
بعض الرجال يدور سبه على خلق المشاكل
انا عن نفسي جوالي ليس عليه باس ورد واهلى يستخدمونه للاتصال في اهلها خارج قطر وفيه واتس اب
لكن واثق من نفسي انه ما فيه شي غلط او يأثر على حياتنا

هذي ام عيالك كاتمه اسرارك

والله ياخوي يمكن (والله اعلم كلامك صحيح ) لان صاحبة القصة ماذكرت انها صادت شي بس تقول انه زعل من مجرد انها شافت جواله

والف شكر على ابداء وجهة النظر اخوي

[راجي الْعفو]

هلا والله شيخ راجي

يعني لو طبقنا كلامك على القصة نفسها :
يحق للزوج ينبش في جوال زوجته تنبش وهي مايحق لها تلمس جواله ؟

ممكن نقول هذا ، في حال كان الزوج طبيعي و ما وراه شكوك واحتاج يجيك ع جوال زوجته ليتطمن و يتأكد من شي مثلا

لكل شخص و حاله تعامل يخصه ولا نقدر نعمم

ونقول تعال كل شوي و جيك

ولكن مثل ما قلت لك القاعدة هذي لازم تنتبه لها الزوجه

مع استصحاب طبعا ان التعامل بينهم هو تعامل حياة زوجية مبني على الثقة و المحبة

والحقيقة ان اللي خاف ربه و حشم نفسه و جواله

الله راح يحفظ له زوجته و جوالها

[نوفا91]

يعني هو يحق له يفتش وهي لا !

على أساس اللي متزوجته معصوم من الخطأ !!

على أي أساس يحق له ومايحق لي ؟؟

على العموم أشوف كل واحد له خص بنفسه لايمسك تلفونها ولاتمسك تلفونه

[khalid525]

مجرد تفكير اي واحد فيهم بانه يشوف جوال الثاني معناته انه شاك في الطرف الثاني ، شنو المفروض يستوي هني يختلف الفعل باختلاف وعي الزوجين ، مافيه تصرف واحد مثالي .

[ريم الشمال]

الحياة الزوجية لابد أن تبنى على قواعد بين الطرفين لتحقيق الاستقرار لهم .

في حالة الخيانة تختفي القواعد وتتم المصارحة لأن الرجل المحصن ونفس الشئ المرأة لا يقبل منهم الخيانة وتهدم الاسرة لذلك كان عقابهم كبير ...

[طلعة الروح]

مشكورة اختي طلعة الروح (او اخوي مادري والله )

المهم

يعني من ناحية المبدأ المفروض مافي شي ينخش على الطرفين

ولا انا غلطان ؟

اي نعم هاي اللي قصدته من ناحية المبدأ انا اتزوج واحد أثق ويثق فينى ومصالحنا مشتركه ماجات على مكالمات ومسجات فأقل شي ان ما اتفاجئ تطلع عنده أسرار كبيره ما اعرفها ولا هو يعرفها عنى ، اما بالنسبه لمسأله الخصوصيه في لها حدود وضوابط وصدقنى لو الزوج واثق من أن اموره فالسليم ماراح يزعل ويغضب الا اذا عنده اسرار الشغل والدوله في تلفونه وممنوع ان حد يطلع عليها فهذا موضوع ثانى تماما

[حليتان*]

الحدود بين الزوجين هي الحدود الشرعيه فقط


اما موضوع التلفون والتفتيش فيه فهو مربوط بالشك وان كان الزوج زعل فزعل من الشك
واذا بنتعمق فالموضوع بقولك ان الزوجه اذا ماكان سامح لها الزوج انها تمسك تلفونه المفروض ماتمسكه
لان ممكن يكون في اسرار ربعه وماتمنينه عليها او اسرار الدوام فمايصير هي تعرفهم
والزوجه كذلك مايحق للزوج يشوف تلفونها ممكن عندها اسرار ربعها او صورهم وهالشي حرام حرام من الناحية الامانة او كشف العورة

[MAZEN37]

اغلب الزوجات عندها فضول لدرجة حب التملك فكرة التفتيش غير مقبوله بالعقل الشريك الاخر ما هو طفل براقب تصرفاته وبقوم سلوكه ولو هو حاب يراوي الطرف الاخر شيء براويه في امور وكلام مايصير اطلع عليها الطرف الاخر ونكون واقعين اكثر في كلام يجيب مشاكل وجرح للطرف الاخر اي زوج او زوجه في اشياء يخبيها حبا ومراعاة لمشاعر الطرف الاخر واعتقد الكل فهمني
لكن دايما الزوج يقارب والزوجه تقارب اغلب الحريم قبل لا تكمل الكلمه تكون دليت الرجال مافيهم هالطبع فهالحاله شتقول ليش يشطبون طبيعي في كلام بينهم وخاص والزوج العاقل ما يرضى ولا تسمح له نفسه يقلب بجوال الزوجه وحتى لو اعطته اياه مايجوز يا جماعه والعكس صحيح بالشرع اصلا حرام اسئلوا
الزواج رابط مقدس وقايم على الاحترام والحب والمودة والتضحيه وووو لكن لازم يكون في ذوق ومساحه كافيه
لازم موضوع التغافل وتبسيط الامور
فكرة انه لو مافي شي غلط بالجوال ما يزعل
هذا شىء ثاني هذه الامور ربك يحاسب عليها واذا كان صيحيح فهو ذنب يستحي منه وسترة دليل خوفه من ربه ولازم يرجع ويتوب اما نتصيد للطرف الثاني ممكن يكون عكسي ويوم نكشفه يواقح ويباجح
الامور كثيرة ومتشابكه

[غريب الدّار]

ممكن نقول هذا ، في حال كان الزوج طبيعي و ما وراه شكوك واحتاج يجيك ع جوال زوجته ليتطمن و يتأكد من شي مثلا

لكل شخص و حاله تعامل يخصه ولا نقدر نعمم

ونقول تعال كل شوي و جيك

ولكن مثل ما قلت لك القاعدة هذي لازم تنتبه لها الزوجه

مع استصحاب طبعا ان التعامل بينهم هو تعامل حياة زوجية مبني على الثقة و المحبة

والحقيقة ان اللي خاف ربه و حشم نفسه و جواله

الله راح يحفظ له زوجته و جوالها

مرحبا شيخ راجي

علشان التأكيد بس :
كلامك ومداخلاتك تعني (حسب فهمي المتواضع) ان الرجل يحق له يفتش جوال زوجته وهي مايحق لها في كل الأحوال
يعني هو يحق له في كل الأحوال وهي مايحق لها في كل الأحوال

هل هذا الكلام صحيح ؟. ولا فهم اخوك المتواضع ما اسعفه ؟