السلام عليكم ..
سؤال
لو بكاس العالم الي بيصير بقطر فريق فاز وقاموا جماهيرة يرقصون بالشوارع ويحذفون على بعضهم الخمر ويشربونه مم نقدر نمنعهم ؟
نفس كذا
العاب
السلام عليكم ..
سؤال
لو بكاس العالم الي بيصير بقطر فريق فاز وقاموا جماهيرة يرقصون بالشوارع ويحذفون على بعضهم الخمر ويشربونه مم نقدر نمنعهم ؟
نفس كذا
العاب
انا بانخش في البيت وقطع النت والتلفزيون وبشتري تموين حق شهر كامل
الله لايجيبهم بذاك اليوم
ويحفظنا ويحفظ بلادنا و عيالنا من بلاويهم
وان شاء الله وقتها يكون فيه رقابه شديده
حسبنا الله ونعم الوكيل في كل من أراد ببلادنا سوء
محد
اعتقد مافي ملعب قريب العديد صح ؟
بحطلي خيمه وبقعد هناك لين ماتخلص البطوله
ينطون يرقصون فرح ومسيرات هذي تصير حتى بدون كاس عالم
بس خمر !!!ا
في فرق بين االرقص وبين شغب الشوارع والملاعب
انت اليوم بوشهاب ... تبي اتسوي مشكلة
الموضوع يعتبر تحدي في جوانب كثيرة
القطري يبطل عيونه خاصّة المسؤولين و يحاول الواحد منهم يشوف وش فيه سلبيات ( إزدحامات , قصور في عمل جهة معينة ...الخ ) ويحاول يصححها لأجل قطر وبس
أما الخمر و الإحتفالات و الشغب ( فليش ننشد عن شيء نعرف انه بيصير ؟ ) لو بتقول لا ما راح يصير ؟ ما قلته يوم قدمت ملفّك في الفيفا !
خلنا نعترف بشيء اننا بثقافتنا ما نقدر نبني شيء نموذجي للعالم و العيب فينا و في مستوانا و اخلاصنا و ليس في ثقافتنا
وقطر تطمح لبناء نموذج عصري واي تجربة راح تقتبسها بتكون متأثرة بقواعد الاقتصاد و السياسة و بقية الأمور و اللي وضعها اليوم ما حط فيها محضورات الدين الإسلامي
لذلك أي نموذج عصري بيكون له سلبياته مثل الحرية و الفساد الاخلاقي و الكثير من الأمور .
بالمناسبة : انا ما ابرر لأحد و انا اقول الله يعدي كاس العالم على خير
ويحفظ قطر و ثراها و ماها و سماها و يحفظ لنا خليجنا و ديننا و عروبتنا و يكفينا شر المفسدين ..
,
,
مرحبا
شكرا على الموضوع
الامور السلبيه راح تصير بلاشك واكيد بتكون موجوده
والدول الكبيره مثل فرنسا وبريطانيا وامريكا ماقدرت تسيطر100% على الشغب والتخريب في الشوارع
وهذا ما شاهدناه في كاس اوربا الاخيره بفرنسا
الشغب لايحدث في الملعب ولكن يحدث في الساحات المفتوحه للجماهير
ايش هو الحل !!
الحل الوحيد ان احنا نقدر نخفف من هذي الحالات الى اقل حد ممكن
من خلال ابعاد الجماهير عن بعض
على سبيل المثال مباراه
البرازيل × انجلترا
الجماهير تتجمع من خلال اعلان عن مكان الشاشات المخصصه لجماهيرهم
جماهير البرازيل
وضع شاشات كبيره للمتفرجين في مناطق سهل السيطره عليها ومغلقه وبعيده عن السكان اهل قطر
مثل ( لوسيل) لها مداخل ومخارج وسهل الفرق الخاصه العسكريه السيطره على أي شغب
ممكن يحصل بسهوله ولهم ساعتين يتفرجون على مباراتهم من تخلص المباراه الفايز بيناقز له ساعه
وبعدها بيروح كل واحد لحاله
واخراجهم في باصات
وجماهير انجلترا
عمل شاشات كبيره لجماهيرهم في حديقه ( سباير ) على سبيل المثال
لتجنب تصادم الجماهير ومنعهم من الخروج في جماعات
والسطيره من خلال نشر القوات الخاصه حول محيط الحديقه
اهم شي يكون جماهير الفريقين ( بعاد عن بعض )
والي يسكر ويخربط يمسكونه الشرطه وثاني يوم على اول طياره
ان الله احيانا الى ذيك الساعه
انا باخذ اجازه شهر وبقعد في خيمه في ( العزبه ) لين تخلص البطوله
ههههه
,
,
التعديل الأخير تم بواسطة شموخ دائم ; 18-10-2016 الساعة 02:39 PM
في طريق كثيرة من ضمنها قرار الخدمة الوطنية و الإستدعاء لمدة اسبوعين كل سنة لمن تخرج
بالعكس اكونكاذب لو قلت ما بتصير او ما اتوقع
إلا بتصير و ألف فالمية بتصير.
الحل وقت الكأس كل الدوائر الحكومية تأجر ماع\ا خدمات الجمهور ببعض الأماكن.
تخصيص اماكن لمشاهدة المباريات مع تفير الخمور عطوهم الي يبونه بس حطوهم وين ما انتو تبون, قوة الإحتياط كلها اتكون متواجدة حاله من حال المتطوعين اي شي الواحد يقدر يخدم فيه بلاده بالي يقدر عليه كلنا يد وحدة. و ان شاء الله ايفينت يصير و ينتهي.
بنية تحتية شغالين عليها على احسن ما يكون و الأفظل بأنه في تكمله و خطة واضحه لما بعد كأس العالم و هذا الشي الي كنت خايف بأنه خلاص كل المشاريع راح تختلف بعد كاس العالم و السوق بيموت بس بالعكس المترو المرحلة الثانية بيبتدي العمل به بعد كاس العالم علطول و بعض المشاريع الأخرى.
لست من محبين الكورة و ايضا قبل كنت اقول لو ينسحب بأخر لحظة ايضا احنا بنينا فبلادنا و طورنا من نفسنا و الفوز بالإستضافه شي طيب خلى الكثير من المسؤولين يتحركون للأفظل.
بس الحين تغيرت نظرتي بالعكس على الخساير الي من بعض الجهات و تقليص مزانية جهات و اخرى لا تزال "حنفية مفتوحه" بالعكس ودي انه يصير و يصير بأحسن حله بإذن الله تعالى و يجون و يروحون و تبقى بلادنا استفادت من هالتحفيز الي حركهم لمدة عشر سنين و يا رب حتى بعد الحدث يكملون المسؤولين بنفس الحافز و أحسن للأفظل, بلادنا ما قصرت معانا هاي ابسط شي الواحد يدعم المسؤولين على هالشي بأنه يتم و يروح بأقل الخساير