اقتراح ل قطر للبترول والشركات التابعه لها يحد من الكثافه السكانيه

[راجي الْعفو]

وعليكم السلام و رحمة الله و بركاته

الله يعين .. الظاهر كل عصارات مخوخنا بنحطها في كيفية إيجاد الحلول المناسبة لتفادي الزحمة

هل بنقول ان الموظفين اللي استقدموهم ، الشركات محتاجه لهم و بالتالي ترضخ لمطالبهم ؟

[معماري قطري]

بو محمد الدوسري

على الاقل هذيلا عندهم رواتب يصرفونها في الدوحة

تبي تحل المشكلة لا تعطي اقامات حق أسر اللي يشتغلون على 3000-4000 ريال ويطرون من الجمعيات الخيرية على ايجاراتهم ودراسة عيالهم وعلاجهم

هذيلا مب قادرين يعيشون ويجيبون اسرهم يضغطون على مرافق الدولة، وهم سبب مشكلة تقسيم الشقق والبيوت والزحمة والعمالة السائبة والدلالين العشوائيين

لا تقوم القانون ما يسمح لهم يسوون اقامات حق أسرهم

رواتبهم 3 و 4 الاف وشركاتهم تعطيهم شهادات مزورة حق الداخلية برواتب على 10 - 15 الف، وعندي عشرات الامثلة اشوفها في شغلي

صحيح وحالياً بعد تحويل الرواتب للبنوك يفترض كل شيء مكشوف واللي مسلم شهادة مزورة يتم التحقيق معاه ومع جهة عمله

[بوخميس]

صحيح وحالياً بعد تحويل الرواتب للبنوك يفترض كل شيء مكشوف واللي مسلم شهادة مزورة يتم التحقيق معاه ومع جهة عمله

من يشيك وراهم

والله شايف واحد جايب الأسرة الكريمة على أساس ان راتبه 15 ألف والراتب اللي يحول للبنك 1000 ريال

[راجي الْعفو]

بو محمد الدوسري

على الاقل هذيلا عندهم رواتب يصرفونها في الدوحة

تبي تحل المشكلة لا تعطي اقامات حق أسر اللي يشتغلون على 3000-4000 ريال ويطرون من الجمعيات الخيرية على ايجاراتهم ودراسة عيالهم وعلاجهم

هذيلا مب قادرين يعيشون ويجيبون اسرهم يضغطون على مرافق الدولة، وهم سبب مشكلة تقسيم الشقق والبيوت والزحمة والعمالة السائبة والدلالين العشوائيين

لا تقوم القانون ما يسمح لهم يسوون اقامات حق أسرهم

رواتبهم 3 و 4 الاف وشركاتهم تعطيهم شهادات مزورة حق الداخلية برواتب على 10 - 15 الف، وعندي عشرات الامثلة اشوفها في شغلي

ليتهم بس عند الجمعيات الخيرية

المشكلة ان الموضوع يمتد لاستخدام امور غير مشروعه عشان يعيشون

قلت هالسالفه قبل و لا باس بالاعادة للتنبيه و التذكير ،

قابلت عامل يبيع عطور ويحن علي اشتري منه ، قلت له انت وين تشتغل ؟

قاللي ما اشتغل مكان و انا حالتي تعبانه فاشتري مني هالعطر - وهو كاشخ بجينز و جل و حركات -

قلت له اذا ما ضمنت لك شغلة في قطر ليشش جيت ؟

قاللي بمعنى كلامه : الله كريم و بنحصل شغل !!

كم عددهم اللي جاين مع اهاليهم اعتمادا على : عالبركة ؟!