افتتاح طريق روضة راشد اليوم

[طلعة الروح]

صرت أخاف من الشغل الشاكويتي مال أشعاف


صرت أخاف من الشغل الأي كلام تبع أشغال
يتصكر الشارع وبلفيت تضبط واخر شي تشوف كل انواع العاهات: انخفاضات ارتفاعات بواليع واشيا غريبه لا تخطر ع البال لذلك تنرحم شوارعنا السابقه بما فيها من مساوئ مقارنة مع ابداعات اشغال الحالية..تحس طول الوقت في تعمد غريب للتخريب باسم إعادة التجديد، مادري متى نتهنى بشوارع عدله
نفس العالم!!

[معماري قطري]

صرت أخاف من الشغل الشاكويتي مال أشعاف


صرت أخاف من الشغل الأي كلام تبع أشغال
يتصكر الشارع وبلفيت تضبط واخر شي تشوف كل انواع العاهات: انخفاضات ارتفاعات بواليع واشيا غريبه لا تخطر ع البال لذلك تنرحم شوارعنا السابقه بما فيها من مساوئ مقارنة مع ابداعات اشغال الحالية..تحس طول الوقت في تعمد غريب للتخريب باسم إعادة التجديد، مادري متى نتهنى بشوارع عدله
نفس العالم!!

دوم استشهد بالشارع شرق العزيزية من محطة الجزيرة للملعب .. هذا الشارع انعمل في ال 1976 للملعب وانعمل بالدفان المرتفع حول متر وأكثر في بعض المناطق ومن جنب الطريق .. والظاهر المقاول مستعجل حق اكمال الملعب وكان تصرف صحيح حيث تم رفع الطريق عن المياه وعمل سلوبات جانبية لتصريف المياه

طرقنا ألحين ما يخلون عقلية الحفار وعمل الطريق تحت مستوى الأرض ودكه لشهور ورصفه بما لذ وطاب من الحجارة وبعضها مستوردة .. لكن يتركونه ضحية حق المطر ينقع فوقه ويتسرب للطبقة المدكوكة ويخربها .. ما فيه داعي نعيد اختراع الطريق نرجع للطريقة السهلة ونسويها

[معماري قطري]

الطريق عيبه فيه ما بين 4 إلى 5 دواوير كأني شفتهم في خريطة أشغال بالتويتر البارحة.

يموتون على الدوار والعراقيل في الطريق

[معماري قطري]

حتى الآن ست دوارات وفي المرحلة الثالثة كم من دوار؟

صراحة مهزلة .. قلتها مرة يموت عندنا دوار وينولدون عشرة بداله

[معماري قطري]

أذكر أثناء عملي في المنطقة الشمالية من روضة راشد كنت اوصل سرعة 180 بسهولة واخفف لين وصلت المناطق المأهولة على هذا الوضع وكل شوي دوار بعض الأجانب سيارته صغيرة وعنده قانون لازم يوقف عند المطب مهما كان صغير ولازم يمشي في الدوار 20 خايف ينقلب

[بوخالد911]

يموتون على الدوار والعراقيل في الطريق

وليش السرعة أساساً ؟؟

خلوكم على السرعة المقررة
والله يحفظكم.

[معماري قطري]

وليش السرعة أساساً ؟؟

خلوكم على السرعة المقررة
والله يحفظكم.

ظهر وحر والضبان على طول الطريق يشجعونك تسرع وتبي تلحق تتغدى والطريق خالي .. ألحين يترسونه دواوير ليش؟

حق روضة راشد لازم السرعة 80 وحتى أقل 60 مناسبة وليش ما يسوون مخرج مثل الناس وجسر بدال الدوار والعراقيل لا حاطين ست دوارات .. بعدين ليش ما يكبرون مخهم ويفكرون لخمس سنين جدام ما اقول 10 ولا 20 المنطقة مناسبة تتحول قرية كبيرة أو مدينة والطريق اللي يمر وسطها يفترض سريع وحوله عدة جسور بعضها منفذ وبعضها مخطط له للمرور بدون قطع الخط السريع .. المبلغ مب بسيط بس تخطيطياً ما فيه بعد زمني

[بوخالد911]

ظهر وحر والضبان على طول الطريق يشجعونك تسرع وتبي تلحق تتغدى والطريق خالي .. ألحين يترسونه دواوير ليش؟

حق روضة راشد لازم السرعة 80 وحتى أقل 60 مناسبة وليش ما يسوون مخرج مثل الناس وجسر بدال الدوار والعراقيل لا حاطين ست دوارات .. بعدين ليش ما يكبرون مخهم ويفكرون لخمس سنين جدام ما اقول 10 ولا 20 المنطقة مناسبة تتحول قرية كبيرة أو مدينة والطريق اللي يمر وسطها يفترض سريع وحوله عدة جسور بعضها منفذ وبعضها مخطط له للمرور بدون قطع الخط السريع .. المبلغ مب بسيط بس تخطيطياً ما فيه بعد زمني

لاحق ع الغدى.
طول ع المكيف وأمورك طيبة.

[R 7 A L]

صرت أخاف من الشغل الشاكويتي مال أشعاف


صرت أخاف من الشغل الأي كلام تبع أشغال
يتصكر الشارع وبلفيت تضبط واخر شي تشوف كل انواع العاهات: انخفاضات ارتفاعات بواليع واشيا غريبه لا تخطر ع البال لذلك تنرحم شوارعنا السابقه بما فيها من مساوئ مقارنة مع ابداعات اشغال الحالية..تحس طول الوقت في تعمد غريب للتخريب باسم إعادة التجديد، مادري متى نتهنى بشوارع عدله
نفس العالم!!

الانترلوك مساحتة اكبر من مساحة الطريق
مادري و فايدة الانترلوك ليش مايخلون مساحته مواقف للطواري ؟!!!!

[.قطر.]

ست دوارات عاد