المتقاعدين الافضل ان يبادروا بالتطوع او انشاء عمل تجاري ، الحكومة من وجهة نظري مب مطلوب منها توفر للمتقاعدين اي نشاط يعملون فيه ، المطلوب من الحكومة ان توفر لهم مرافق خاصة بكبار السن تصلح للمشي والرياضة وتوفير الخدمات الصحية الراقية
المتقاعدين الافضل ان يبادروا بالتطوع او انشاء عمل تجاري ، الحكومة من وجهة نظري مب مطلوب منها توفر للمتقاعدين اي نشاط يعملون فيه ، المطلوب من الحكومة ان توفر لهم مرافق خاصة بكبار السن تصلح للمشي والرياضة وتوفير الخدمات الصحية الراقية
بالعكس الي اشوفه الحين ان الدوله معطيه المتقاعدين خاصة العسكريين فرض افضل مما كانوا عليه
ف من بعد ماكان وكيل اصبح رئيس قسم او مسئول بالاضافة الى راتبين حتى يتقاعد من وظيفته الجديدة
ارتقوا فإن القاع مزدحم
المتقاعد مسكين ما صدق يتقاعد ويرتاح وانتوا تبون تشغلونه
معليش استشاري لشغلات معينة مستعدين نخدم أما تعال أول الصبح واطلع آخر الدوام وات از ذا بنفيت مثل ما يقول حسين باقريان
صدقت وحكومتنا ما قصرت في كل مكان حديقة ومكان مخصص للمشي وللسياكل .. انا مشي اوصل اسباير والطرق مخططة للسياكل
اللي اتمناه شيء واحد بس تركيب دبات خاصة لإزالة الغازات الضارة من العوادم اللي في السيارات والدراجات النارية .. بعض الأماكن تمشي فيها تمرض بدل ما تخف .. سمعت معلومة خطيرة عن مكينة البوغاتي .. يقولون تتنفس في ساعة ما يتنفسه الشخص العادي في 5 أيام من الأُكسجين وما شاء الله عندنا بعض السيارات تتنفس أكثر وفاتحين شهيتها للتنفس بالفلاتر الحديثة والعوادم اللي تصدر شتى أنواع الملوثات
وين خبراء البيئة عن التلوث الجوي الكبير عندنا؟
مادام انهم طاقات وطنيه ومن أصحاب الخبرات وفي سن العطاء ليش تم تحويلهم للتقاعد الاجباري(التخلص منهم)؟؟؟؟
المفروض انهم يرجعون لوظائفهم لخدمة بلادهم وخاصة الجامعيين!!
انا سمعت ان في قطريين من أصحاب الماجستير والدكتوراه تم تحويلهم للتقاعد (او التخلص منهم بند مركزي/عماله فايضه)وهم للحين مابلغوا سن التقاعد.. هل هالكلام صحيح؟؟
اتفق معاك..
واضيف اني ما راقت لي " نستفيد منهم" حسيتها مب راكبة على انسان ..
فالتقاعد يعني عمر يقل فيه العطاء.. ويمكن توفير فرص عمل ثانية للمتقاعد..
حسب خبرته في العمل اللي كان يقوم فيه..
فاقتراح في العمل التطوعي ونشر المنشورات وغيره( ما يصير هالشي ابدا ) لا يكون تكريم المتقاعد
بالطريقة هذي..
لكن ممكن
انشاء معاهد مهنية او تثقيفية او استشارية وترك المجال للمتقاعد
لاختيار ما يناسبه للانخراط في فعاليات وانشطة هالمعاهد او الورش..
والاستفادة من المقتراحات والدراسات او البحوث اللي ممكن يقدمونها للدولة..