لما تكون شابك على الواير لس روح الاعدادات وطفي الفور جي
لان اذا كان شغال وانت شابك على الواير لس وتحمل فيديو وكان الواير لس ضعيف فيتحمل على الواير لس وعلى الفور جي يعني مثل المساعد شيلني واشيلك ((اتمنى اني عرفت اشرح))
المشاركة الأصلية كتبت بواسطة عقرب
نفس الشي صار معاي بس أنا مشترك في باقة الشهري ( مكالمات غير محدودة + أنترنت غير محدود + 1000 دقيقة مكالمات خارجية + رسائل غير محدودة )
أتفاجأ كل شهر أو شهرين علي فاتورة غير المبلغ الشهري من 700 إلى 900 ريال
يوم أكلمهم يتخبطون في الرد وأغلب الأوقات يقولون أنت تجاوزت الحد الأعلى من استخدام الأنترنت , قلت شلون وهو غير محدود حسب العقد وحسب كلام موظفة أوريدو يوم قلبت تلفوني على الشهري وحتى في برنامج أوريدو يوم أدش على الحساب يظهر لي غير محدود النت , قال نعم هو غير محدود بس له سقف 60 قيقاحلو اللغز أنتوا عاد ... هاي غير التناتيف الشهرية الي يقولون أنها خدمة ترفيه
وأنا ماشتركت لا في ترفيه ولا غيره
المهم مع المعايا ويمين يسار قلت للموظف بس 60 قيقا شيخلصها وأنا قبل الشهري كنت هلا وكنت أعبي 6 قيقا وتكفيني لين آخر الشهر وتزيد بعد والحين أكثر الأوقات على الواير لس , قالي نفس كلام أخوي شبح الصمت أن الآيفون سواء كنت شابك على الوايرلس ولا بيانات التلفون يسحب من بيانات التلفون أو يسحب من الأثنين ولازم تصك الخاصية الي تكلم عنها أخوي شبح الصمت عشان مايحسب من البيانات وأنت شابك مع الواير لس .
ومره بسافر كلمتهم أبي أفعل جواز أوريدو قالوا لي مايصير لأن خطك عليه IN ROMING ولازم أروح أقرب فرع عشان ألغي هالشي , المهم مارحت وسافرت وصكيت تلفوني هناك , ويوم رجعت التلفون مقطوع وعليه مبلغ , كلمتهم ليش قالوا أنت مستخدم نت خارج البلاد , قلت بس أنا ماستخدمته قالوا يبين عندنا أنك مستخدم , قلت له أنا حاولت أفعل جواز أوريدو وقلتوا لي أنه مايصير قالي نعم مايصير على خطك لأنه IN ROMING قلت له يعني شنهو هاي , قالي يعني ماتقدر تستخدم البيانات الخلوية ( النت ) خارج البلاد
ملاحظة : دايماً يطرشون المسج الخاص بأنك تعديت اللمت بعد مايضيفون المبلغ الزايد عليك , وحزات مايطرشون , يعني يجيني مسج أني أستخدمت 80% من البيانات الي عندي يعني باقي لي 20% ويوم ادخل على حسابي أحصل الفاتورة واصلة للحد الأئتماني الي أنا حاطه والخط مقطوع , وهالشي إلي الحمدلله بسبته يشيلون عني الفواتير دايماً وأثبت أن الخطأ منهم
يعني شيكوا على فواتيركم 80% منها خطأ ولحد يسكت عن حقه لأن أغلب فواتيرهم خطأ في خطأ وأنا تعبت معاهم يمكن الحين خلال سنة 8 مرات مشتكي على سالفة الفواتير والحمدلله دايماً الحق يطلع معاي ويلغون المبالغ الزايدة
هذا الي ابي اقوله
|
رد مع اقتباس
