السلام عليكم ورحمة اللة وبركاته
جماعة الخير .. عندي مشكله لا المسؤل يعرف وش حلها ولا الي نزل القرار يعرف حلها ..
مشكلتي اني مسجل في جامعه شهر 6 في في احد الدول الي كانت موجوده في القائمه السابقه لمعادلة الشهادات ومعترف فيها سابقا…
سجلت ف الجامعه واخذت موافقة الجامعه و دفعت الرسوم و خلصت كل اوراقي .. والاوراق تاخرت في الوصول لين شهر 8 وصلت انا كنت مسافر ..
المهم تاريخ 9-4 نزل قرار جديد مع قائمة جديده للجامعات وجامعتي. مهب من ضمن هذي الجامعات..
سمعت كلام ان الي مسجل في جامعه معترف فيها سابقا قبل القرار ما عنده مشاكل..
المهم خذت كتاب الموافقه من الدوام وباقي كل الاوراق علشان اقدمها لوزارة التربيه والتعليم قسم معادلة الشهادات علشان يعطوني موافقه مسبقه ..
قالوا لي احنا اسفين ماراح نعطيك الموافقه !!
لان جامعتك مب موجوده في القائمه الحاليه موجوده ف القائمه السابقه ..
قلت للمدير ان قبولي ف الجامعه قبل تاريخ القرار !! قال لي ليش تاخرت تجيب الاوراق !! قلت كنت انطر الاوراق توصل وكتاب الدوام يجهز !! قالي عيل هذا مشكلتك انك تاخرت !!
قلت لي مب مشكلتي وانا شعرفي انكم بتنزلون قانون جديد وثاني شي انا مسجل قبل القرار !! ما عنده اجابه تم ساكت
قلت يعني الحين الرفض لاني تاخرت في تقديم الطلب صح !! قال لي لا انا ما قلت.. المهم جامعتك غير مدرجة !!
يا شباب الحين انا وش اسوي في هذا الموضوع !!
الي الامير عطاهم ثقه وامانه يديرون التعليم بافضل صوره نتفاجئ انهم يحطون قرارات عشوائيه…
لا اجابه !!