محتاج مشورتكم بخصوص مشروع أصباغ

[Aozomblue]

السلام عليكم ورحمه الله وبركاته ،،،

عندي استفسار بسيط لاهل الخبره اللي ممكن يفيدونا.

قبل كم شهر التقيت مع شخص عنده شركة أصباغ ديكورية

الشركة اشتغلت عندنا و عند الاهل و الاصحاب و شغلهم كان ما شاء الله تمام

الشركة عندهم فنيين و عمالة حوالي 13 عامل و فني من الفلبين و النيبال

الحين صاحب الشركة يبي يبيعها لعدم التفرغ .....

اتفقت معاه على السعر و التفاصيل و الامور طيبة ان شاء الله

لكن المشكلة الوحيدة هي كيفية تسويق الشركة ؟

من وين ممكن اني احصل عملاء او مشاريع تسد رواتب العمال وسكنهم ومصاريف السيارات والمعدات

أعرف انه دائما البدايه صعبه جدا و تحتاج صبر و ارادة

ما عندي فكرة او خبره في تسويق الشركة في السوق المحلي فأرجو من اهل الخبرة انهم يفيدوني

[معماري قطري]

الله يوفقك اخوي اوزمبلو

شركات الخدمات والمقاولات دوم دعايتها فيها .. حاول تاخذ مشروع بسيط بسعر معقول بس يكون محدد وبعقد واضح واعتمد هذي الطريقة دوم .. وحذر اللي عندك لازم يسوون الشغل على أفضل وجه وبعدها شوف شلون تجيك المشاريع

الطريقة الثانية تتواصل مع المقاولين وفيه شركات كبيرة تحتاج فنيين جيدين ويدفعون زين للشغل بالباطن .. خصوصاً للمشاريع الكبيرة ودوم خل عقودك واضحة وقانونية .. مهما يكون لتسوي شيء مب قانوني .. مثال يجيك واحد يقول انا بالبس عمالك ثياب شركتي وبيشتغلون في مشروع احنا نسويه ولا حد بيدري .. إنتبه هذي مشكلة كبيرة ويفترض أما إعارة أو اتفاق بينك وبين المقاول وبعلم المالك ومن يمثله إنك بتكون شغال بالباطن

البعض يتهربون من تأمين العمال وانا انصحك شوف شركة تأمين تأمنهم أما سنوي وتفتك أو حسب المشروع

أصباغ سفاري كانوا يستوردون نوعيات خاصة وغالية وكان سوقهم ماشي مع اني ما اقتنعت ببعض النوعيات خصوصاً الربرية لأنها تيبس من الشمس وبعضها خشنة تمسك الغبار

الصبغ عالم ثاني ويحتاج دقة ونسب خلط صحيحة حتى بعض الشركات عندنا ما تعطيك خلطات نفس اللون 100% وانتبه للعب العمال بالبودرة مع الصبغ الأبيض والبيج .. خلهم يستخدمون آلات فحص وقياس دقيقة وسقالات جيدة .. شفت عمال يشتغلون يمكن 3 صبغوا مجمع كامل بسيارة ترتفع لين 4 أدوار واللي فوق هو يحركها وهو يصبغ ومدخلين كم لون بس لأن عندهم معدات جيدة صبغهم من أفضل ما يمكن وبسرعة

[شموخ دائم]

,

,


مرحبا


اخوي الكريم

الله يوفقك يارب

( لعدم التفرغ ) ....

مشكله مع الكفيل

الشركاء مختلفين

ال 3 أسباب

في قطر يعني خسرانه وماتربح بطريقه مغريه للمشتري

محد يترك الربح واذا الكل يكسب ( الكل مبسوط وماتصير مشاكل )
مادام اخر السنه يجيه شيك يطيب خاطره

المشاكل تصير لسبب واحد ( مافي ربح )

لازم أكون صريح معاك في نشاطات ( سوقها مضروب ) وخربان جدا
ومن الصعب انه يربح
الموضوع ( تعدى المنافسه ) المنافسه مقدور عليها

لكن

الكل متروك بالشارع يصبغ ويسوي جبس

الحين انا لو اكتب ( هندي يصبغ تمام )
الاكثريه بيروحون له والكل يتبادل رقمه

لاعنده محل لا عنده مصاريف لاعنده ايجارات لاعنده شغل بذمه ولا أصول الصنعه ويجيب ارخص أنواع المعجون وارخص جبس
وارخص المنيوم للتعليق وارخص مسامير
ولا استشاري يراقبه

يخلط جبس ومعجون يخلطون مواد أي كلام ويصبغ بكل اتجاه ولا يعمل الانسيابيه بحركه الفرشاه

هذا كيف تقدر ( تنافسه )؟؟؟؟؟؟؟؟

70% من الشغل عند ذولا الهنود والبنقال الي بالشارع
شغل رخيص وسريع ومش حالك


بصريح العباره هذا ( بزنس ) مضروب بسوق قطر

في شغل كثير لكن مافيه ( ربح ) بالنسبه للشركات

مربح للافراد الي الناس تتناقل رقمهم

ولو كان مربح ( ما ينباع ) ولا يسكر محله

من الواجب الكلام بصراحه

حتى لو كان ردي شوي قاسي لكن هذا هو السوق من واقع معرفه

جرب و حاول واتعب وشوف السوق بنفسك واشتغل اول شي بربح بسيط جدا
حتى تنشر اسمك فقط

جيب شي جديد ولا تشتغل عادي

او روح على شي ( اكبر ) جيب مصمم ديكور ( محترف )

راح يمشي المحل ويمشي الصبغ والجبس

,

,

[Aozomblue]

الله يوفقك اخوي اوزمبلو

شركات الخدمات والمقاولات دوم دعايتها فيها .. حاول تاخذ مشروع بسيط بسعر معقول بس يكون محدد وبعقد واضح واعتمد هذي الطريقة دوم .. وحذر اللي عندك لازم يسوون الشغل على أفضل وجه وبعدها شوف شلون تجيك المشاريع

الطريقة الثانية تتواصل مع المقاولين وفيه شركات كبيرة تحتاج فنيين جيدين ويدفعون زين للشغل بالباطن .. خصوصاً للمشاريع الكبيرة ودوم خل عقودك واضحة وقانونية .. مهما يكون لتسوي شيء مب قانوني .. مثال يجيك واحد يقول انا بالبس عمالك ثياب شركتي وبيشتغلون في مشروع احنا نسويه ولا حد بيدري .. إنتبه هذي مشكلة كبيرة ويفترض أما إعارة أو اتفاق بينك وبين المقاول وبعلم المالك ومن يمثله إنك بتكون شغال بالباطن

البعض يتهربون من تأمين العمال وانا انصحك شوف شركة تأمين تأمنهم أما سنوي وتفتك أو حسب المشروع

أصباغ سفاري كانوا يستوردون نوعيات خاصة وغالية وكان سوقهم ماشي مع اني ما اقتنعت ببعض النوعيات خصوصاً الربرية لأنها تيبس من الشمس وبعضها خشنة تمسك الغبار

الصبغ عالم ثاني ويحتاج دقة ونسب خلط صحيحة حتى بعض الشركات عندنا ما تعطيك خلطات نفس اللون 100% وانتبه للعب العمال بالبودرة مع الصبغ الأبيض والبيج .. خلهم يستخدمون آلات فحص وقياس دقيقة وسقالات جيدة .. شفت عمال يشتغلون يمكن 3 صبغوا مجمع كامل بسيارة ترتفع لين 4 أدوار واللي فوق هو يحركها وهو يصبغ ومدخلين كم لون بس لأن عندهم معدات جيدة صبغهم من أفضل ما يمكن وبسرعة

مشكور اخوي معماري على الرد المشجع ...

كلامك مزبوط 100% الشغل العدل هو اللي يعمل دعاية للشركة وان شاء الله لو صار نصيب و خديت الشركة حيكون من اولوياتي
كنت بفكر اعمل دعاية في المنتدى و سوي خصم خاص حق الأعضاء مثلا 20-30 % من سعر السوق أيش رأيك ؟

وباقي النقاط اللي ذكرتها نحاسب منها ان شاء الله .
مرة ثانية اشكرك على الرد .

[Aozomblue]

,

,


مرحبا


اخوي الكريم

الله يوفقك يارب

( لعدم التفرغ ) ....

مشكله مع الكفيل

الشركاء مختلفين

ال 3 أسباب

في قطر يعني خسرانه وماتربح بطريقه مغريه للمشتري

محد يترك الربح واذا الكل يكسب ( الكل مبسوط وماتصير مشاكل )
مادام اخر السنه يجيه شيك يطيب خاطره

المشاكل تصير لسبب واحد ( مافي ربح )

لازم أكون صريح معاك في نشاطات ( سوقها مضروب ) وخربان جدا
ومن الصعب انه يربح
الموضوع ( تعدى المنافسه ) المنافسه مقدور عليها

لكن

الكل متروك بالشارع يصبغ ويسوي جبس

الحين انا لو اكتب ( هندي يصبغ تمام )
الاكثريه بيروحون له والكل يتبادل رقمه

لاعنده محل لا عنده مصاريف لاعنده ايجارات لاعنده شغل بذمه ولا أصول الصنعه ويجيب ارخص أنواع المعجون وارخص جبس
وارخص المنيوم للتعليق وارخص مسامير
ولا استشاري يراقبه

يخلط جبس ومعجون يخلطون مواد أي كلام ويصبغ بكل اتجاه ولا يعمل الانسيابيه بحركه الفرشاه

هذا كيف تقدر ( تنافسه )؟؟؟؟؟؟؟؟

70% من الشغل عند ذولا الهنود والبنقال الي بالشارع
شغل رخيص وسريع ومش حالك


بصريح العباره هذا ( بزنس ) مضروب بسوق قطر

في شغل كثير لكن مافيه ( ربح ) بالنسبه للشركات

مربح للافراد الي الناس تتناقل رقمهم

ولو كان مربح ( ما ينباع ) ولا يسكر محله

من الواجب الكلام بصراحه

حتى لو كان ردي شوي قاسي لكن هذا هو السوق من واقع معرفه

جرب و حاول واتعب وشوف السوق بنفسك واشتغل اول شي بربح بسيط جدا
حتى تنشر اسمك فقط

جيب شي جديد ولا تشتغل عادي

او روح على شي ( اكبر ) جيب مصمم ديكور ( محترف )

راح يمشي المحل ويمشي الصبغ والجبس

,

,

هلا اخوي شموخ نورت الموضوع

اشكرك على الرد " قاسي لكن واقعي "

الشركة اخوي متخصصة بالشغل الداخلي الديكوري اصباغ ايطالية و اصباغ الجزيرة لكن بيكون السعر ان شاء الله ارخص من المصادر و بنفس الجودة
يعني ان شاء الله نشتغل بذمه و أصول الصنعه ونجيب افضل أنواع الصبغ الديكوري الايطالي " ورق دهب , كدورو , ماركو بولو ......الخ "

بالنهاية هي توفيق و رزق من رب العالمين
مع ادارة و تسويق جيد ان شاء الله خطوة خطوة ننطلق ....

جزاك الله خيرا كفيت ووفيت اخوي شموخ وهذا العشم من طرح الاستشاره.

[مضارب مستثمر]

اذا انت غيرت رايك انا أعرف شخص يشتريها,,,,,,بشرط معرفة التفاصيل

وربي يوفقك في الشروه وتلاقي اللي يناسبك

[الوطنيه]

بالتوفيق