الشايب يتكلم عن الواقع
والناس ماتحب الواقع
كل واحد عايش دور المثالية
|
الشايب يتكلم عن الواقع
والناس ماتحب الواقع
كل واحد عايش دور المثالية
ارتقوا فإن القاع مزدحم
أكيد يا اوي فيه أشياء ما تنشر وأشياء لازم الكل يعرفها .. بعض الدول تنشر اشاعات وأخبار عن قوة أقوى من اللي عندها حتى ترهب عدوهاالمشاركة الأصلية كتبت بواسطة حظيظ
أخي معماري قطري
اللي اعرفه انك من فئة الشياب ( امزح ياخوك )
ومثل ماقلت حضرتك الوعي ضروري صحيح وكلنا نطالب فيه لكن من اساس الوعي ان لا تنشر غسيلك يمين ويسار ( حسب مفهوم الشايب )
وأكيد أُمور الشغل المفصلة واتمانات الناس عند شخص معين مثلاً طبيب المفروض ما ينشرها الا هم موافقين .. قانون الخصوصية يشرحونه لك في المستشفيات المتقدمة والمربوطة كلها الكترونياً .. يقولون لك تبي معلوماتك نعطيها أي حد يطلبها أي وقت وقع وهذا يمكنك من طلبها عن طريق أي مستشفى في العالم وممكن المستشفى يطلبها باسمه لو وافقت .. لو تبغيها لجهة معينة بعد تختار .. عندنا معلوماتك حتى المستشفى اللي عالجت فيه ما يدري وينها
عن حكومتنا ما قصرت بفتح مجال كبير لحرية النقاش والرأي وهذا من أول ما حكم سمو الأمير الوالد الشيخ حمد بن خليفة الله يحفظه ويرزقه خير الدنيا والآخرة .. تم انشاء الجزيرة وتم الغاء وزارة الاعلام والرقابة على الصحف .. إستوت الثقافة العامة والمجتمعية ضرورة .. على النقيض كثير من الدول تدقق في كل حرف ينقال حتى في وسائل التواصل الاجتماعي .. شاركت في منتدى من زمان ومن بلد عربي شفت تطاول على قطر ورديت بعقل وكلام طيب .. تفاجأت إن كلامي كله تحرف وتغير الى هجوم على بلدي .. يعني المنتدى بروحه مسير وادارته يتدخلون ويكتبون اللي يبغون
النشر في الوتس أب مثلاً لأحاديث ضعيفة والا أُمور كثيرة لم يثبت صحتها مشكلة ثانية ولازم الواحد يعتمد المصادر الموثوقة .. المصادر الموثوقة أحياناً تكون مشجعة على نقاش غير موضوعي بسبب نقلها لخبر فيه الكثير من النواقص
صدقت أخي رحال
وعلى فكرة
كنت بأستشهد بتوقيعك على أحد الردود لكن مع الزحمة نسيت .
شرفني مرورك
الله يحفظ حكامكم وجميع حكام الخليج على راسنا من فوق .
كل حكومات الخليج تسمح بالتعبير عن الرأي بشروط منها
عدم اثارة الرأي العام
عدم التعرض للدين
عدم التعرض لرموز الدولة
وغيرها من الشروط الغير تعجيزية .
اما موضوع الواتس وماينشر فيه من احاديث باطله وغيرها من البدع فحدث ولا حرج
ويبي لها مواضيع تفتح وليس موضوع
ما قريت الموضوع للحين..
حبيت اسجل فيه حتى ارجع اقراه مرة ثانية في اقرب فرصة ان شاء الله..
كلام الشايب مب غلط.. فهو له وجهة نظره اللي اسمحت له ان ينظر للأمور من خلال زاويته الخاصة..
واحنا اليوم في هالعالم الرقمي.. نشوف اشلون كل مسوي عمره سياسي او عالم دين او طبال
فمع كل دقة تلقاه ينقز بثوب من الاثواب..
يدخل الصبح باذكار المساء.. والضحى بشاي الضحى.. والعصر بكيكة مافن مشربة ماي ورد.
والمغرب على مسويقى هادية.. و الليل غراميات هايج المشاعر.
وصرنا نشوف اشلون بنات ينصحون متزوجات.. وصرنا نشوف اشلون عديمات خبرة يقدمون خبرتهم
في الحياة الزوجية او العلاقات الاسرية.. وصرنا نشوف اشلون اسرار البيوت صارت فرجة للكل..
حتى ديكورات الحمامات صارت تنشاف!!
اذا مثل هالأمور تضايقنا.. فمن حق الشايب انه يرفض اللي يبي يرفضه بحكم
انه كان متعود يكلم رئيس قبيلته او من ينوب عن الحاكم فيس تو فيس من غير ما احد يوقفه او يطلب منه
يقدم كتابه ويضيع هالكتاب..
ولكن هل كلنا مطالبين بعدم مناقشة امورنا الخاصة في البلاد امام الناس؟
اعتقد لا.. لأن من حق المواطنين التعبير عن المشاكل العامة مالم يحصلون اذان صاغية من المسؤولين..
فالحاكم ولاهم لخدمة هالمواطنين.. فلما صوت المواطن يعلى.. ما بتخترب بيوت او بتنهار وزارت..
الا بينكشف الفساد والإهمال منهم..
محاولة جميلة بس اخوي حاول تبتعد عن العامية في القصة
ضوابط المشاركة
رد مع اقتباس