افضل مكان للعلاج الطبيعي

[Qtrـطر]

افضل مكان للعلاج الطبيعي
السلام عليكم ورحمة الله وبركاته

اخواني بغيت منكم مساعدة ضرورية

الوالد جاه نزيف في المخ والحمدلله اموره في تحسن

تم الموافقة على العلاج بالخارج وحطيت امريكا بس يمدي اغير

شنو نصيحتكم ( امريكا او المانيا ) ؟؟ وشكراً

العلاج الطبيعي والاعصاب

[مستثمر رشيد]

مايشوف شر الوالد ....

مدينة بشتني في سلوفاكيا تعتبر من أشهر المدن في المصحات والعلاج الطبيعي ناس كثير راحوا واستفادوا

[بوخالد911]

الف سلامة
ما يشوف شر.

[أبو~يوسف]

الله يشفيه ويزيل عنه كل سوء ومكروه
أجر وعافية .

[بوحارب]

سلامته وما يشوف أن شاء الله

[معماري قطري]

سلامته وما يشوف شر وأجر وعافية

حصلت واحد اماراتي في ألمانيا يقول ما كنت امشي وعالجوه زين بس يبي له صبر

وفي أي بلاد حسب المستشفى لكن صراحة ما شفت علاج مثل مستشفى وج ثاني في بانكوك .. يومياً وحول 3 ساعات واهتمام منقطع النظير ووايد من المعالجين مسلمين ( كلهم إناث الا واحد رجال )

عالجت فيه اسبوعين بس وتحسنت حالتي حول 50% .. عندي عضلة الفخذ الخارجية واحتكاك في مفصل الحوض والرقبة وأسفل الظهر والكتف والركبتين وفي قطر يقولون ما نعالج الا شيء واحد وهناك ما يخلون شيء وبمتابعة الطبيب والمستشفى فيه كل التخصصات

كانت تجي سيارة المستشفى الفندق وترجعني .. وصمدت كل مرة 3 ساعات وأوقات 3 ونص حتى نوم انام .. تبغي رقمهم وموقعهم باطرشه لك والا زين حصلته في ملف التقرير 6627340000 + كانوا يحاولون يفتحون فرع في قطر والظاهر القوانين معقدة ما وافقوا هم

باقي التخصصات متوفرة بعد عندهم بس اتصل واطلب حد عربي يحولونك سيده

[معماري قطري]

انا عضلة الفخذ عالجتها في أمريكا حول شهرين وكنت كايروبراكتك وعلاج طبيعي وعلاج رياضي بس ما يتقارن بعلاج بانكوك وقال لي الطبيب يبي لك علاج 8 شهور متواصل .. وكنت في مهمة شغل 6 شهور وما رحت لهم الا متأخر لكن علاج بانكوك في اسبوعين حسيت بتحسن كبير

[بوخالد911]

انا عضلة الفخذ عالجتها في أمريكا حول شهرين وكنت كايروبراكتك وعلاج طبيعي وعلاج رياضي بس ما يتقارن بعلاج بانكوك وقال لي الطبيب يبي لك علاج 8 شهور متواصل .. وكنت في مهمة شغل 6 شهور وما رحت لهم الا متأخر لكن علاج بانكوك في اسبوعين حسيت بتحسن كبير

خارج من الشر.

[Qtrـطر]

جزاكم الله خير ( استقرينا على جون هوبكنز في امريكا )

بيض الله وجيهم وماتشوف شر يامعماري قطر

[معماري قطري]

خارج من الشر.

جزاكم الله خير ( استقرينا على جون هوبكنز في امريكا )

بيض الله وجيهم وماتشوف شر يامعماري قطر

الله يجيركم من الشر .. جون هوبكنز للعمليات اعتقد للعظام لكن علاج طبيعي ما ادري عنه

الله يوفقكم ويشفي مريضكم