للأمانة أنا اخذت من هذا الزعفران وقارنته بالزعفران الله اخذته من تركيا وايران وبسعر غالي مهب رخيص زعفران تاولين رائع بمعنى الكلمة والله وبالله اني يوم حطيته بالشاي الكل سألني عنه والكل مدحه وقالوا لي بالحرف احلى زعفران مر علينا
انا والله ماسوي دعاية لكن هذي شهادة حق ، وهذي عرض وطلب وتجارة اللي يبي يطلب واللي مستغلي السعر لا يطلب بهالبساطة الموضوع
الله يرزقك من وسع ويبارك لك بتجارتك اخوي الكريم
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
السلام عليكم ورحمة الله وبركاتهالمشاركة الأصلية كتبت بواسطة احساس غريب
مساء الخير اخوي او اختي إحساس غريب..
مب عارفة وين المشكلة في انك تأخذ الزعفران من صاحب المزرعة ب 12 ريال للجرام الواحد..
وانا مثلك بعد وصلني من المغرب كيلو زعفران وكنت وسيطة ومن غير إضافة الربح وصلني للدوحة تكلفته كاملة
12 ريل مع الشحن.. مع توصية حلوة في السعر..
طيب
الحين لو الجرام هذا بينباع.. ما يبي له تغليف؟
ما يبي له دعاية.؟
ما يبي له تسويق؟
كل هذا ترى محسوب ضمن التكلفة..
وعقب تحسب الربح الصافي من البيعة..
واخونا رجل تعليم.. حسب ما هو واضح انه يترك بيته
ويتنقل بالكيلومترات علشان يشتري هالزعفران.. ومن ثم يرجع البيت
يفرزه ويوزنه بميزان حساس يحتاج تدقيق.. ويكيسه.. والكيس مب مجاني..
ومن ثم يحسب تعبه فوق مصاريف سفره وسكنه وهو مسافر.
يعني حتى قلاص الماي اللي بيشربه من حقه يحسبه ضمن سعر الجرام..
وهالشي معروف عند التجار..
فلو باع الجرام على 21 ريال.. اشوف ان هالشي من حقه.. خاااصة انه قاعد يبيعنا منتج فاخر
والشهادة لله.. ان الزعفران اللي خذته من اخونا سعيد.. ريحته طيبه خليت كم كيس في كبت ملابسي
وربي الشاهد
اني لما افتح الكبت تفوح الريحة.. واخوي نفس الشي قال لي..
واحنا اللي عندنا اجود أنواع الزعفران الاصفهاني الغالي( ركز على كلمة الغالي)
يعني كيس فيه ما ادري كم مثقال.. يندفع فيه 700 ريال او اكثر..
واستخدم الكثير من أنواع الزعفران في الاكل والحلويات
وبالفعل شفت جودة زعفران اخونا سعيد لما كنت انقع الزعفران ..
فإذا انت عندك الاستطاعة انك توفر هالنوع من الزعفران وبسعر اقل وتحسب تعبك وتكلفة الشحن وغيره
الله يوفقك يارب وتربح..
والسوق عرض و طلب.. وكل يقيم السعر حسب مجهوده وتعبه..
فعني ما اشوف السعر غالي ف 10 جرامات بتطلع على 210 ريالات
والإيراني الرخيص اللي مافيه الا شكل الزعفران ينباع على ال 10 جرامات منه على 100 ريال
فالمقارنة مابين الجودة والسعر يختلف باختلاف نوعية المنتج..
والله يفتح عليك يا اخوي رجل تعليم ويرزقك الرزق الحلال ..
واحد يثبت وواحد يشووت. انا ياجماعه قلت ان سعره غالي بس. انا ماتاجر في الزعفران نهائي. والي يبي يشتري حلاله وكيفه. وابداء الرأي شي صحي.
اخوي رجل تعليم
الزعفران موجود !؟؟
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
اللهم آمين والله يسهل لك ولأحبتك وأهلك أموركم كلها .
شهادة فخر من واحدة من أعمدة المنتدى وأهراماته وسأعتز بشهادتك دوما ان شاء الله.
جزاك الله خيرا
قامة أخرى وشمعة أضاءت فضاء المنتدى لسنوات وستبقى جاءت لتترك شهادة أخرى
شكرا لك أم السعف على كل هذه الكلمات وهذا التوضيح والله يجعلنا دوما عند حسن ظنكم بنا.
سررت كثيرا بالتعامل الرائع معك الله يسهل لك أمورك كلها ويحفظك وأحبتك من كل سوء
شنهو انثبت وشنهو نشوت......> قاعدين في ملعب اخوي إحساس غريب؟
انت قاعد تبخس الرجال حقه وتقلل من قيمة سعر الزعفران اللي يبيعه مب لأن الزعفران فيه عيب
ولكن لأنك تشوفه غالي..
هات الزعفران اللي عندك.. وبيعه بالسعر اللي تقول عليه....> تراني شراية..
ابي زعفران مكيس بالجرامات ..
بيوصلني قطر الجرام على 11 ريال والله اشتريه وارد اكيسه وابيعه بكبره على 13 ريال
لأني ما تعبت عليه ولا تحركت ولا رحت ولا ييت.... حتى تعبي ما ابي احسبه!!
روح خذ لك لفة على أسعار الزعفران وشوف الجرام منه كم ينباع ولا تبخس اخونا رجل تعليم حقه..
فاحنا مالنا أي صلة فيه غير ان نشوفه عضو معانا في المنتدى قاعد يسترزق بالحلال..
فأذا انت تشوف سعره غالي.. اعرض زعفرانك جدامنا وخلنا نعاينه ونشوفه ،، فاشعرفنا انك صج عندك زعفران؟
هذا لو مشينا على مبدئك في واحد يثبت والثاني يشوت.. فاحتمال قاعد تثبت وتشوت حق عمرك .. ( اعذرني مع اني ما احب
سوالف ثبت وشوت. بس قلت خلنا نمشي على هوا مودك)
التعديل الأخير تم بواسطة يمامـة ; 13-12-2016 الساعة 04:42 PM
اخوي رجل تعليم.. كلمة الحق كتبتها لله وفي الله..
انت لما وفرت كمية الزعفران اللي وصلتني... ما لقيتك انسان جشع ولا لقيتك انسان تبحث عن الربح بأي طريقة
لدرجة انك رضيت باللي يوصلك من راعي الزعفران..
فلو واحد ثاني( وياما شفنا نماذج) كان خذ اللي يشرط عليه ويطلب ويزيد ويفاصل بعد..
فالدفاع اهنيه مب دفاع عنك كثر ما هو دفاع عن كلمة الحق .. وانت اخوي صاحب حق
فمن حقنا نوقف معاك و نوقف مع أي شخص يتعرض لمثل موقفك..
وما بالك من الأساس لي تجربة وساطة معاك من كم سنة ما لقيتك الا انسان كريم ونفسه عزيزة
و وفوقه ما شفت الجشع في رفع الأسعار او طلب الربح.
وللأمانة اني ما ادري عن هالقسم خير شر .. ولكن لما وصلني ما يفيد ان رجل تعليم تعرضت بضاعته للبخس
من احد الأعضاء.. دخلت اعبر عن اللي اعرفه وادافع عن كلمة الحق...
مرحبا أختي ضوى
بيكون موجود يوم الإثنين ان شاء الله لأنني سأسافر لتالوين يوم الجمعة ان أطال الله العمر
الله ينور طريقك أختي القديرة ويسعدك دنيا وآخرة
شكرا جزيلا لك على كل هذا والله يرزقك من واسع فضله
ضوابط المشاركة
رد مع اقتباس