>> رسالة للجننس الناعم الي يسوقون <<

[شبح الصمت]

السلام عليكم ورحمة الله وبركاته ،،،

(( البعــــــــــــــض ))
(( البعـــــض ))
(( البعض ))


أمس موقف واليوم موقفين ( للجنس الناعم )

امس وحده طالعه من الاشارة وما مداها افتحت وتضرب ليتات حق الي قدامها احشرته يوم فتح لها طارت
احسنا الظن يمكن مستعجله
وصلت الاشارة الي بعدها الا عاددي مب ذاك الشيء الي يستوجب انها تدعس عقب خفت وممشاها الطبيعي ..

ليش يعني ليش حشرتي الرجال مسكين زين ما دخل في الي جمبه !!!


الموقف الثاني اليوم الصبح
على لفه وحده طالعه وواقفه طبعاً الصح الشارع حق الي جاي لانه شارع مفتوح له
طلعتي خلاص اشله توقفين في نص الشارع وتآخرين العالم وتفتحين الجامه واطلعين يدج وتهاوشين مع الرجال
خلاص حركي لازم يعني تروين العالم إنج بطله !!


الموقف الثالث
بعد اليوم الصبح

امشي اقصى اليمين ما اشوف الا موتر طامر من فوق الرصيف داش علينا ويبي يتجاوز والموتر مخفي ..
المهم اشوي الا يمر علي طليت وركزت الا وحده وولدها ورى !!

الحين يالحريم مع احترامي لكم اش خليتم للشباب وين احترام قوانين المرور واحترام الشارع ..


هذه رسالة
السيارة مب ريس وبريك ترى حطي في بالج ..

السيارة سلاح قاتل للي ما يعرف يستخدمه ..

والي خايف منه انه يصير موقف قدامي وحده تنزل وتضرب واحد وانا اتم اطالع ماقدر احرك ساكن ..

بتم بس على هالوضعية






وشكراً ..

[Abdulraman]

ههههههههههههههههههه
مره كنت طالع من اللفه واجباري ادخل الشارع الرئيسي صوب الاشارات وطلعت جدام وحده بكل سهوله وبدون ازعاج واتفاجأ اللي كانت وراي جات جدامي وحفصت وارفعت يدها وهي رايحه
والله ضحكت عليها

[راجي الْعفو]

وعليكم السلام و رحمة الله و بركاته

يصبحك بالنور

انا قلتها و اكررها : أصبح الشباب اكثر حياءا من البنات !

هالصنف على بالهم ان الحشمة و الستر بس انها تلبس قطعة تغطي شعرها و قطعة تغطي جسمها و باقي الاشيا عادي

تر حشمة المراة و سترها في كل شي :

كلامها - مشيتها - حركاتها - قيادتها للسيارة -

مثل هالمواقف انا استحي على ويهي يوم اشوفها، شلون هي ما تستحي ؟!

بس الشرهة على قيادة الرجال لحريمهم الله يصلحهم كلهم ..

[MAZEN37]

سبحان الله الذوق لا ينباع ولا ينشرى
في كثير مواقف من الجنسين وهذة التصرفات تعبير مباشر عن اخلاق السائق مباشره
الله يهدي الجميع

[شبح الصمت]

ههههههههههههههههههه
مره كنت طالع من اللفه واجباري ادخل الشارع الرئيسي صوب الاشارات وطلعت جدام وحده بكل سهوله وبدون ازعاج واتفاجأ اللي كانت وراي جات جدامي وحفصت وارفعت يدها وهي رايحه
والله ضحكت عليها

في وحده كل ما اطلع من مدرسة بنتي سبحان الله يومين ورى بعض وهي وراي وشكلها توصل اليهال ومستعيله

كل ما شفاتني قادمها تعلق الهرن احشرتني صراحة تنرفزت بس طنشت لها قلت خلها تتجاوز في الانتر لوك قلعتها اهي بتتحسف لو طلع موتر قدامها

لانه وين تبيني اروح يعني اطير مثلا!!


مستعيله تبين توصلين اليهال طلعي من وقت لا تحشرين العالم وتسبيين ازعاج لنا

[R 7 A L]

اذا غاب رجل المرور وش تنتظر ؟

[شبح الصمت]

وعليكم السلام و رحمة الله و بركاته

يصبحك بالنور

انا قلتها و اكررها : أصبح الشباب اكثر حياءا من البنات !

هالصنف على بالهم ان الحشمة و الستر بس انها تلبس قطعة تغطي شعرها و قطعة تغطي جسمها و باقي الاشيا عادي

تر حشمة المراة و سترها في كل شي :

كلامها - مشيتها - حركاتها - قيادتها للسيارة -

مثل هالمواقف انا استحي على ويهي يوم اشوفها، شلون هي ما تستحي ؟!

بس الشرهة على قيادة الرجال لحريمهم الله يصلحهم كلهم ..

والله يا راجي اني ما جبت كلام من الخيال .

مواقف حصلت قدامي ..
اسمهم جنس ناعم ..
حتى لو ساقت والا اطلعت
مفروض تحافظ على هدوها وشخصيتها .
لا تعرض نفسها للكلام والاحراجات .

[ضوى]

اتفق معاك ياشبح ، الحريم صايرين غرانديزيرات في السيارات ، تطامر وتركب رصيف وتتجاوز وتليت كانها واحد من الشباب عبالها انه فله ، أنا اشوف هالشي يقلل من انوثتها ، المفروض تكون عاقلة ومتزنة في الشارع وماتتجاكر مع الرياييل ، لازم الامور تصير بسلاسة حتى مانتعطل ولا نعطل غيرنا ، صادفتني هالمواقف اللي تقول عنها بس شاقدر اقول غير الله يهديهم

[راجي الْعفو]

وحطها في بالك:

كل ما أكثرت المرأة الخروج من المنزل واختلاطها بالتجمعات العامة
كل ما قل حياءها ..
والواقع خير شاهد ..

[شبح الصمت]

سبحان الله الذوق لا ينباع ولا ينشرى
في كثير مواقف من الجنسين وهذة التصرفات تعبير مباشر عن اخلاق السائق مباشره
الله يهدي الجميع

صحيح الذوق يشمل الجنسين ..
والا هو بمقتصر على جنس معين ..

لكن هالتصرفات ما نبي نشوفها ونتمنى انه تخف