اصبحت لا اصدق اي شي على مواقع التواصل

[بوخالد911]

لا تصدق الكلام
بس صدقني انا

وخلللك متابعني

يا بووووس

[khaldoon]

السلام عليكم


مع كثر الكذّابين واللي يألفون في المعلومات والناس اللي بس تنشر اي شي

صرت لا أصدق اي معلومة في مواقع التواصل او الأنترنت بشكل عام

حتى لو معلومة دينية او طبية او علمية

كلهم أحط عليهم أكس كبير ولا اعبرها

لأن شفنا كثير معلومات انتشرت سواء كانت دينية او طبية وتم تداولها بشكل كبير
وفي الأخير أهل الأختصاص نفوا هذي المعلومة وقالوا لا دليل عليها


المهم


انصحكم لاتصدقون اي شي حتى لو كان قريب للواقع والحقيقة
ترى اغلب اللي ينشرون هالكلام عمرهم 15 الى 17 سنة



من نفسي ؟

يا زلمة انا مو مصدق هالموضوع و حاسس بمبالغه و افتراء على بوستات الفيس بوك هههههه

[حبر وقرطاس]

انا نفس الشي غسلت ايدي من الاخبار من المواقع تلك واكره تسرب صور لحالات قتل وتعذيب وتشويه لاطفال وحيوانات وان كان الخبر لا يسرد الوقائع الحقيقيه ولكن اتاسف لازهاق روح خلقها الله عزيزه ..وادعو الله ولا اشك في دعواي انه العزيز المنتقم لكل مظلوم العادل القوي الجبار ..

[أبو راكان]

انا من بعد الفيديو حق القطو اللي يصلي قررت ارد لجوال بوليت

[الماريّة]

مرحبتين بوحارب

وانا من شماليك معاد اصدق اغلب هالاشياء
كلها خدع وكذب وجذب للناس على الفاضي

اخر كذبه السحاب الي نازل الارض اشكره صابون
باين انه صابون

اما مسجات الديييين انتبه انتبه انتبه لاترسل اي شي متشكك فيه
لين تتاكد من اهل العلم

ياكثر مسجات البدع الي تجينا الله يهديهم

فالافضل يتاكد الشخص قبل نشرها

والله يجزيك كل خير

؛
؛

[.قطر.]

وعليكم السلام
انا اصدق الاشياء اللي تدش المخ
اما يبوني اصدق اشياء تحس محشش مألفها انا مايجي من بنقال

[نجم سهيل]

وعليكم السلام والرحمة

صدقت .. بالذات بوصوت اللي كل يوم يطرشونه لنا هل تعلم وهل تعلم .. مرة فوائد كذا ومرة أضرار كذا

[معماري قطري]

زين اللي يبدأ بكذبة وينشرها تتوقعون على كم واحد بيكون كذب وشبيكون الإثم عليه؟

حتى المقاطع العلمية بعضها فيها اجتهاد وقريبة من الصح وبعضها بس مجرد دعاية وفيه بدائل ثانية .. في موضوع أتابع فيه واعتبره تثقيفي اللي هو يوتيوبيات البناء احاول قد ما اقدر احط يوتيوب نافع وصحيح واللي فيه معلومة متأكد انها غلط اكتب عنها واشرحها

[مخطط قطري]

كله هذا في كوم وموضوع احمد الي شايل مفاتيح الحرم في كوم ثاني وواحذر انك تمسح الرساله او تحذفها فيمزق الله تجارتك وانه في واحد ارسلها ل10 والله كتب له خير كثير المشكله لين يومك ناس ترسلها شرات الجرافه الي واقفه عند السيف وكاتبت تحتها سبحان الله جرافه تتوضاء!!! الله يعينا على بعض هلاشكال صغار العقول الي تصدق هلاشياء والحمقى الي تنشر

[المبرمج صلاح]

الحل ببساطة الواحد ما يتابع الا اهل الاختصاص
وما ينشر شي يوصله الا بعد ما يتاكد من صحته من المختصين كلا في مجاله

هذا اللي انا متبعه في برامج التواصل الاجتماعي اللي بدأت اقتنع اكثرها ما منها فايدة الا تضييع الوقت