رحلة حق البنات ،،، عجببببي !!

[عطر فرنسي]

لا حول ولا قوة الا بالله

احنا في 2016 زمن الانفتاح

[جبر ال جبر]

الشرهه مب عليهم ... الشرهه على الخبيث صاحب الفكره ولا بذمتكم بنات شيوديهم هذاك الصوب وكله شباب وعنن وشلهم حاجه اصلن ماشوف فيها متعه التطعيس والسواقه بين الكثبان الرمليه الجبليه هي هوايه خاصه بالشباب بحت

[سعود.]

السنع كل ماله في نزول . مدري لين وين بنوصل .
افكار غربية ( منظمات حقوقية ) انفتاحية خربوطية شغاله ليل نهار على الخليج . ومدعومين من الداخل من اهل الخراب واللهو . وكل همهم المرأة
( الاسلام ) هو من حمى المرأة وليس الغرب .

[بوحارب]

موتري ال 96 جاهز اذا يبون سواقين ماهرين وذو خلق كبير

[بوحارب]

الشرهه مب عليهم ... الشرهه على الخبيث صاحب الفكره ولا بذمتكم بنات شيوديهم هذاك الصوب وكله شباب وعنن وشلهم حاجه اصلن ماشوف فيها متعه التطعيس والسواقه بين الكثبان الرمليه الجبليه هي هوايه خاصه بالشباب بحت

[راجي الْعفو]

هتون تايم

حلوة منك يا سعود ^_^

__________________

هالمواضيع ما يعرف أبعادها و أخطارها الا الرجال الغيوريين

أما غيرهم فنظرهم بتحصل فيه قصور ، وخاصة النساء لأنهم ما يستوعبون شلون نظرة الرجل للمرأة في المحافظة عليها

ولذلك تجد انهم يتساهلون الشي لان في الظاهر: سنحافظ على التقاليد- ولن نسمح بالاختلاط ..الخ الفقاعات


والصنف الثاني: الرجل ( مضروب ) الغيرة ، هذا اسحب عليه ولو في يدك شي هفّه على راسه لعله يتعدل ^_^



تذكرت جواب سمو الامير الاب الشيخ خليفة الله يرحمه لما اسالوه عن اختلاط جامعة قطر و رفضه لذلك..

وتذكرت كلمة الشيخ علي الله يرحمه الحاكم السابق في رسالته الى وزير المعارف ، وفيها الامر الشديد بجلب المدرسين اصحاب المعتقد و الفكر و المنهج الصحيح ورفض كل من يخالف ذلك في فكره و معتقده ومن كلامه - و هو يكتب بماء الذهب -


" وإن بقاءهم على الفطرة -أي الطلاب- أفضل من تعليم يجرهم للفساد و الإلحاد"


كلام عظيم من حاكم عظيم ..

..

[راجي الْعفو]

موتري ال 96 جاهز اذا يبون سواقين ماهرين وذو خلق كبير

أنا العبري دايما ^_^

[Bo jassim 33]

الحين فعلا على قولتكم : صاحب الفكره خبيث

انزين البنات مغصوبات اللي يبون يروحون ولا بأرادتهن ؟؟



المهم ...


انا لازم اروح واشوف الوضع بنفسي

[المحاميه]

سوو ضجه كبيره ف تويتر .. على هالموضوع

زين وبعدين؟

مادري ليش التفسير والتحليل وهالربط العجيب للموضوع بمخيلة نفس كل واحد ..


مب عاجبكم .. ماجازلكم ... طيب مب لازم تشاركون ولا تروحون

انتهى الموضوع ..

اللي حاب يروح يروح واللي مش حاب كيفه

هم بعد ماقالوا غصب ..

[Bo jassim 33]

كلامج طيب اختي المحاميه ..



الوعد هناك لمناقشه حيثيات الموضوع بعين مجهرية