هذي روابط لقنوات في اليوتيوب ( توعوية )
لمعرفة الصح والغلط في عالم البناء .
المهندس / عبدالغني الجند
من أشهر المهندسين ( الانشائين ) في السعودية
https://youtu.be/HCzsjWbBHvM
العراب / شاب سعودي نشيط
( الحلفاء للمقاولات )
https://youtu.be/QF9oUR-iR34
ماجد المحميد / مختص في تنفيذ المشاريع السكنية ويوجد له كتب في البناء .
( مؤسسة للبناء فنون )
https://youtu.be/4bGOS2-PEDU
جهد تشكر عليه ماقصرت ياخوي
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
جزاك الله خير ياسعود
اخواني قاعدين يبنون و الى الان ما وقفت على شغلهم الا مرة وحدة
و لاشك ان اليوتيوب مليان معلومات بس كيف تلقى الشيء المناسب وما شاء الله جبت المفيد
اللهــــــم ارحم أخي فايز واسكنه فسيح جناتك وسائر أموات المسلمين
العفو اخويالمشاركة الأصلية كتبت بواسطة النهار
[B]هلا اخوي سالم .
صحيح كلامك اليوتيوب في قنوات كثيرة وانا حطيت روابط اظن والله اعلم بأنهم الافضل .
المهندس / عبدالغني
مختص انشائي يعني من حفر الارض الى استلام العظم بلاستر
العراب / بتاع كلوه
ماجد المحميد / ايضآ له مقاطع انشائية والاغلبية تشطيبات
بس نصيحية الي يلتبس علية موضوع يناقش الاستشاري فيها والمهندس المشرف او احد الاصدقاء من له خبرة في البناء او يطرح موضوعة هنا الاخوان مشاء الله خبرة
( معماري + شموخ + azizuk )
ولايهنون البقية .
وانا للامانة صرت ما اثق في الاستشاري ولا مهندس المقاول .
الكل يبي يمشي الشغل اذا شفت خطء يحاول يمشية بقدر المستطاع . اكيد فيه منهم شرفاء بس ماتوفقت في اختيارهم . بسبب عدم معرفتي بسوق عندنا .
تشكر اخوي سعود على هالمجهود الطيب
وخاصه ان الاخوان اللي ذكرتهم في قنوات اليوتيوب ممتازين وشرحهم وافي ودقيق
ماقصرت وانت من الأعضاء النشطين في المنتدى
بالنسبة للمهندس والاستشاري يبي يخلص اَي كلام ويروح حق غيرك
معظم الاستشاريين والمهندسين مادين يركضون وراء الفلوس من غير منفعه وكله ينصحونك بمحلات وأشخاص بعد يستفيدون منهم ومنك
على سبيل المثال اذا حيت تشتري بلاط أو اَي سلعه
ينصحك البائع انك تتعامل مع شخص معين ويمدحه لك وان هو الوحيد اللي يعرف يسوي هالشغلة
وتكتشف في الاخر ان يأخذ من الشخص اللي مدحه لك مبلغ على حسابك
يعني شربت بلاط وأعطاك اسم شخص يركب لك خلنا نقول شريت 300 متر مربع يأخذ من شغل التركيب 5 ريال على كل متر
شرح بسيط اتفقت سعر التركيب ب 80 ريال
تعال فصلها وين تتوزع
راعي المجموعة يأخذ 60 ريال شامله مادة الغراء والعمال
العمال 30 ريال
ومادة الغراء بين 8 ريال الى 12 ريال
والباقي الى راعي المجموعة
باقي 20 ريال من ال 80
15 ريال حق بوكرفته و 5 ريال حق اللي باعك البلاط في المحل
وإذا حاولت تتفق مع الفورمن اللي هو راعي المجموعة يرفض وإذا بعد تحاول تتفق مع العامل اللي يركب البلاط بعد يرفض
وإذا تسأله ليش ماتتعامل معاي على طول بيرد عليك وبيقول لك انت بيت واحد بعدين راح اخسر بوكرفته هو اللي يجيب لهم الشغل
وإذا بتجيب عمال من برآء اول شي تخليهم يجربون في الملحق وأول شي حمام وغرفة السائق وإذا شغلهم زين تكمل معاهم بس عاااد عليك انك توفر لهم كل شي
شغل البناء يبي له طولت بال وصبر
والله يعين كل شخص يبني
الفيديو الأول يوضح الدفان المغربل والمتدرج وهذا اللي يسرقونه كثير من المقاولين من المواقع ويقنعون الملاك بالبودرة
مشكور إخوي سعود باتابع انا من هواة اليوتيوب ولو حصلت معلومة مشكوك فيها بابين الأفضل
صدقت
مالعوزنى الى ابوكرفتة . ولي مواقف كثيرة معهم بذكر لك قصة . المبلط عندي صار لي مدة اسالة عن مقاس الدرج الداخلي كم متر يحتاج ( بسطة + بوردر او وزرة +النعلة + استراحة الدرج ) وتم يماطل الاخ لين خلص البلاط كامل على اساس هو بيجيب عينات رخام في الدرج نفس ماسوى في بيت اخوي . وفعلا قالي انا بجيب لك عينات وقلت له سلامتك عطني الامتار المطلوبة وانا اشتري الرخام بنفسي وانت عليك التركيب فقط . لو بذكر لك المواقف ماراح نخلص . ومثلك عارف عندي فلتين اشطبهم حاليا من غير فيلا اخوي متابعها وشايف سوالفهم .
إختصرها بالكامل وخل عقدك مفصل وكامل مع مقاول قادر يكمل الشغل كامل .. أما تروح تدور بو كرفته لازم بتتعرض حق نصب وشغل ما فيه خير
تقدر أثناء التصميم تقرر شبتسوي وشبتحط من مواد .. مثلاً الجبس مب لكل مكان ولكل مكان ممكن تحدد درجة معينة .. حتى المكان اللي بتحط فيه جبس ما فيه داعي للبلاستر ولا لتشطيب الخرسانة تشطيب جيد .. بعض الخرسانات حتى تقدر تصبغ عليها مباشرة وتقدر تشترط تكون مرتبة صح حتى تكون جاهزة للصبغ بدون بلاستر
أكيد عقد الجبس بيكون غير وبعد بيكون عن طريق شركة وعمال لهم خبرتهم .. الإتفاق مع أشخاص عاديين هو المشكلة ودوم بو كرفتة يكون سمسار
ضوابط المشاركة
رد مع اقتباس
