هل تقطير الوظايف صعب مع انخفاض اسعار البترول ؟!

[Al-Kuwari]

كلامك يا حمد يدل على نظرة قاصره

توظيف الاجنبي مكلف اكثر من القطري وبمراحل

على عجالة فقط بعطيك مثال بسيط

انت لما توظف شخص ما تشوف فقط الراتب الشهري اللي يستلمه كتكلفه لا هناك الكثير من التكاليف الغير ملموسة بالكاش

كمثال لما توظف اجنبي راح تتكفل بتذاكره هو واهله كل سنة
راح تتكفل بدفع راتب له
راح تتكفل بدراسة اطفاله
راح تتكفل بتأمينه الصحي هو واطفاله

الكثير من العوامل تدخل تحت بند الامتيازات وهي مكلفة في حالة الاجنبي اكثر من القطري

الكاش المدفوع = المواطن اكثر
الامتيازات المقدمة = الاجنبي اكثر

فلما تجمع التكلفة كامله تجد ان الاجنبي يكلف الدولة اكثر من المواطن ولو ان المواطن يستلم كاش اكثر لكن بالمجمل التكلفة تميل لجانب الاجنبي

[حمد 2002]

عليكم السلام ورحمة الله وبركاته

يا اخوي من اقرأ مقالاتك وتقول هل وهل اتخيل فيصل القاسم في برنامج الهواش ماله نسيت اسمه كالعادة

ههههه

ياليت تشاركنا برايك يالذيب

[حمد 2002]

كيف اوفر للدولة ممكن توضيح مع breakdown

من وجهه نظري اوفر ماديا فقط ..
لانك براتب قطري توظف كذا شخص اجنبي ..

ولكن اذا قسناه بالمستقبل ومن نواحي اخرى القطري توظيفه افضل ..

لانه هو الي بيخدم البلاد في السراء والظراء لاقدر الله ..

شكرا لك ..

[بوحارب]

التوظيف شغال ومستمر بسك تأليف يا حمد

روح وزارة التنمية الأدارية وانشدهم كم شخص وضفوا خلال الشهرين الماضيه

وكان سعر البترول داون

يلا قوم قشر بصل للغدا

[حمد 2002]

مواضيعك فيها تخبط
ماقامت تيوزلي

شكرا لك اختي المحاميه ..

[حمد 2002]

ماهي الحلول المطروحه لحل تلك المشكله ! ، أن كانت هناك مشكله بالفعل !! ؟ وماهي النتائج المتوقعه بالمستقبل ؟

الحل انك عدم وضع مواضيع هابطه

في الحياه قد لانتقبل شخص ما .. وغيرنا يتقبله ..

وفي القنوات التلفزيونيه قد لانتقبل قنوات معينه .. وغيرنا يتقبلها ..

وفي المواظيع كذلك ..

(هكذا علمتني الحياه )

شكرا لك يالذيب ..

[حمد 2002]

اذا قدروا يسون جبل في كتارا ما اعتقد يعجزون عن التقطير

اها .. يعني حسب وجهه نظرك انه الدوله مب عاجزه عن التقطير ..

عيل ليش البعض ايتشكى انه ماعنده ومب محصل وظيفه ؟! ..

وليش نجوف بعض الاجانب للحين في بعض الوزارات والقطاعات ..

شكرا لك ..

[حمد 2002]

كلامه صحيح مثلا براتب قطري مدرس يمكن توظيف ثلاث اجانب مدرسيين

اما بالبترول والغاز فالعكس صحيح

وبالنسبه لاسألتك ان شاء الله يجيبون عليها الاعضاء

حتى في البترول اخوي ..

في بعض شركات النفط ..

وفي بعض الجنسيات ..

اتحصل راتب اسيوي عنده ماجستير و خبره وعبقري 15 الف و 18 الف والقطري الجامعي بالبترول اكيد فوق 40 الف او اكثر .. وعلى حسب اءا مهندس او لا ..

وبعض الجنسيات الاخرى بالبترول اتحصل رواتبهم خياليه ..

يعني كذا وكذا ..

شكرا لك يالذيب ..

[حمد 2002]

لي عده لبقيه الردود بعد قليل ..


تحياتي ..

[غموضي محيرهم]

التوظيف صار صعب جدا وحتى التنميه اذا مارضيت بالوظيفهً المتاحه تتأجل سنه ثانيه..