ماهو الحل مع شارع 22 فبراير؟

[معماري قطري]

المشكلة تكمن في شيئين أكثر شيء .. السواقة البليدة وضيق عدد الحارات

السواقة البليدة حلها في يدر المرور .. وعدد الحارات مأساة صراحة لسبب بسيط وهو ما لاحظته في دول عديدة الخطوط السريعة البعيدة سعتها مسارين وكل ما قربت تزيد المسارات .. لأن عدد السيارات يزداد مع كل تجمع سكني على الطريق .. اللي يتعدى الخور يحصل الخط شبه فاضي ومع ذلك عدد المسارات كبير بدون داعي .. توصل للدوحة تكون داخل عنق الزجاجة

اللي يزيد الزحمة ويكدر الدوحة مداخلها ضيقة وبعضها مسار واحد وتتكرر المشكلة مشكلة اللي يجي قبل ليلف لازم يضرب بريك مع إن اللفة انسيابية ويعرقل الناس وراه .. نفس الشيء اللي بيدخل الشارع يدخل وهو يمشي 40 لأن المرور حاطين لافتة 40 ونفس الشيء على الطريق 80 والمفروض تكون عندهم مصداقية

الطريق صعب ترقيعه حتى خيار طريق علوي خربوه بالتحويلات الجديدة ( الجسور ) على التقاطعات .. المفروض ينبني بناءً على معلومات احصائية وينعمل بتوازن بين عدد المسارات .. خاطري أعرف المشرف على تصميمه والمصمم الفذ اللي صممه

[معماري قطري]

الحل شارع موازي له فوق

جسر بنفس الطول ويكون فوق شارع 22 فبراير من الغرافه الى دوار العبيدلي لانه الشارع لايتحمل التوسعه الافقيه نحتاج توسعه عموديه

وغيره الدعاء فقط

خلنا على الدعاء خلاص صعبوا الوضع بالتحويلات اللي على التقاطعات ولو بيسوونه بيحتدون يرفعونه وايد .. كان الأسهل عمله أول وبعدين أو أثناء عمله عمل التحويلات مرتفعة .. هندسياً غلط وهو من أساسه غلط

التوسعة تحتاج تضحية كبيرة وللأسف ما لوا مساحة فاضية حق قابلية التوسعة وسووا الجسور دوارات صغار وأنفاق هذي مكلفة وهدمها وتوسعتها مشكلة ثانية على شغلهم بتاخذ سنوات

[بوحارب]

لو سوو الطريق اللي من فريج نعيم بأتجاه الجنوب هاي وي كان شفنا الزحمه خفت بس ذاك الطريق نكبه

كل اشارات وتتكدس فيه السيارات

ولو كان هاي وي لأصبح جميع السيارات القادمة من الشمال بتروح له دايركت وبيخف الضغط على 22 فبراير

[معماري قطري]

لو سوو الطريق اللي من فريج نعيم بأتجاه الجنوب هاي وي كان شفنا الزحمه خفت بس ذاك الطريق نكبه

كل اشارات وتتكدس فيه السيارات

ولو كان هاي وي لأصبح جميع السيارات القادمة من الشمال بتروح له دايركت وبيخف الضغط على 22 فبراير

طريق 22 فبراير من بعد العسيري ينقسم قسمين بمخرج سهل لو طريق الشمال ينعمل عليه مخرج بجسر ينزل على الطريق اللي شرقي الدحيل أكيد بتخف الزحمة .. بس بعد هذا الطريق يرقونه لهاي وي صحيح ومرتب .. الشغل الارتجالي مشكلة كبيرة .. أشغال تشتغل بدون خطة واضحة وبقوانين طرق غريبة ما مرت عل بلد في العالم .. دوار وجسر ونفق واشارات في تقاطع واحد 4 في 1

ألحين بعض السواقين الشارع ماشي ودهم يوقفون فيه شلون تقاطع يوقف السيارة .. المفروض أي تقاطع يكون وقوفلس

[R 7 A L]

الحل
شيئين اثنين لاثالث لهم

الاول : مثل ماقال اخوي بوحارب يزيدون الحارات الى خمس مسارات ويوسعون الشارع ويعوضون هل البيت الي جنب الشارع ويستخدم قانون ( نزع الملكة ) للفائدة العامة

الثاني : مثال ماقال اخوي لبيه يكون فية شارع موازي لهذا الشارع

[بوحارب]

طريق 22 فبراير من بعد العسيري ينقسم قسمين بمخرج سهل لو طريق الشمال ينعمل عليه مخرج بجسر ينزل على الطريق اللي شرقي الدحيل أكيد بتخف الزحمة .. بس بعد هذا الطريق يرقونه لهاي وي صحيح ومرتب .. الشغل الارتجالي مشكلة كبيرة .. أشغال تشتغل بدون خطة واضحة وبقوانين طرق غريبة ما مرت عل بلد في العالم .. دوار وجسر ونفق واشارات في تقاطع واحد 4 في 1

ألحين بعض السواقين الشارع ماشي ودهم يوقفون فيه شلون تقاطع يوقف السيارة .. المفروض أي تقاطع يكون وقوفلس

صادق والله 4 في 1 ومع ذلك تشوف زحمه كبيرة

بس اشرايك في فكرة تحويل الشارع من فريج نعيم بأتجاه الجنوب الى هاي وي !

[معماري قطري]

صور حق جسور وشوارع وتقاطعات نفذت في مصر وصدقوني بأسعار رخيصة مقارنة بما ينفذ لدينا ولا يسوى

[معماري قطري]

أما هذي الطرق ما عجبتني كلها دوارات والمفروض يتخلصون منها بس شكلهم مثل ربعنا وفيين للدوارات

[ولد البدر]

مطلوب توسعة المداخل والمخارج بشكل أكبر حتى لا تتكدس السيارت بداخلها مما يسبب الازدحام

[شيخ الديرة]

زيادة عدد الحارات لا ينفع، لان المشكلة في اختناق المخارج وعدم انسيابيتها في تصريف التكدس داخل ذلك الشارع.

بإختصار، ليس هناك حل لكل مشكلة

من الناحية العملية، خذ مسار آخر قد يكون أطول ونفس المدة، لكن توصل بمستوى ارتياح مقبول