رحت اليوم جددت إقامة الدريول بدون أي مشاكل مع ان مافي عقد بينا .. والدريول صار له معانا 5 سنوات؟؟؟
فالأكيد ان القانون ماينطبق على عمال البيت!!!
رحت اليوم جددت إقامة الدريول بدون أي مشاكل مع ان مافي عقد بينا .. والدريول صار له معانا 5 سنوات؟؟؟
فالأكيد ان القانون ماينطبق على عمال البيت!!!
شفت الخبر امس ، هذا قطاع خاص وهو اكثر حرص على فلوسه من الحكومة
لو الشخص بوستين سنة مالهم حاجة فيه بيفنشونه بدون الحاجة للقانون هذا ولو هم محتاجينه راح يمددون له اما موضوع التأشيرة أتوقع لان الشخص الموجود في البلد وشغال ما يحتاج تأشيرة اما الشخص الجاي من بره فشي طبيعي محتاج تأشيرة
وكل كسر فإن الدين يجبره ...... و ما لكسر قناة الدين جبران
الله يسلمك تعديل التاشيرة
اذا شخص داخل البلد بتأشيرة كهربائي أو محاسب أو اَي مهنه وحاب ينقل لشركة أو مؤسسة اخرى ومافيها النشاط اللي راح ينقل
النظام مايقبل
لازم لما تنقل الى مؤسسة أو شركة يكون عندها نفس النشاط
يعنى شركة ماعندها في سجلها التجاري نشاط كهربائي أو سباك أو محاسب ممنوع ينقل لها
وبعدين موضوع عمر الستين اذا المواطن يحال الى التقاعد في هالعمر كيف الأجانب
وهل تتوقع ان ماراح يصير في استثناء لبعض الأشخاص مستحيل
أكيد في استثناء
المشكلة اكثر المتضرر في هالقوانين هو المواطن
بوستين لازم بيراجع المستشفيات وهذا يسبب زحمة في المواعيد الشي الثاني بوستين أكيد عائلته معاه طيب عيالها يبي لهم مقاعد في المدارس
وغير وغير من الخدمات إللى توفرها الدولة
في ناس قاعدة من غير عمل بس مايبي يرجع بلادة
وإذا تجي تبحث حالت الدولة اللي جاي منها مافيها مشكل تمنع رجوعه الى وطنه
انا ماتكلم عن الأجانب اللي في دولهم حروب أو مشاكل أو مجاعة
في جاليات دولهم فيها افضل الخدمات بس مايبي يرجع حتى حالته المالية ممتازة سوى في قطر أو في بلادة
ومع هذا يتمتع بجميع الخدمات اللي تقدمها الدولة بالمجان وهذا يسبب عبء على الدولة
التعديل الأخير تم بواسطة Azizuk ; 15-01-2017 الساعة 08:50 PM
صدقت يا بو سعود
أمس أشوف واحد متعنتل في سكان الهوندا القديمة ويحاول يشوف اللفة وين 30 وكل شوي كع بريك وهو يطالع يسار بيقطع الطريق اللي من مسار في كل اتجاه بيلف حق بيت يبغيه الظاهر .. ما ابالغ 30 في شارع 80 غير عن البريكات المفاجئة .. هالسلحفاة شمعيشها في قطر ووين الشرطة عنه يشوفون نظره وقواه العقلية قبل ليهدونه في الشارع
فضلا لا امرا اضغط على الرابط الموجود في مشاركة اخونا شيخ الديرة وراح تلاحظ انه مكتوب الشي هذا
برامج وورش مكثفة للتعريف بقانون الوافدين
مشاركة رجال أعمال وممثلين عن شؤون العمال بالسفارات
تعريف رؤساء الجاليات وممثلين عن الشركات والعمال بأحكام القانون
مسؤول بوزارة التنمية: إجراءات شاملة لدعم حقوق العمال الوافدين
أحكام القانون يستفيد منها العمالة المنزلية وجميع فئات الوافدين
لجنة تظلمات الوافدين تبت في طلب الخروج خلال 3 أيام