انا اخر مره رحت بانكوك في اجازة عيد الأضحى وكنت رايح تمشايه
وفحوصات في شهر 3 اللي راح وكان الفحص المستشفى الملكي
المستشفى ممتاز وفيه قسم خاص للعرب ومترجمين تايلنديين يتكلمون عربي
وقيمة الفحص تقريبا 2500 ريال شامل كل شي وفيه فحص اغلى وفيه ارخص انت ورغبتك
والأمور سهله جدا في المستشفى والكل متعاون معاك وفيه مكتب طبي هناك تابع لدولة قطر فيه
دكاتره مصريين في خدمة المرضى من دولة قطر
والمستشفى الأمريكي بعد ممتاز ورحت له مجرد استشاره لطبيب عام ويبين عليه ممتاز وفيه خدمات جيدة
بالنسبة للسكن دايما اسكن في فندق اماري بوليفارد في شارع العرب
والفندق جيد الصراحة وفي نص شارع العرب وكل شي تحتك مطاعم وقهاوي وسوق
وانصحك تسكن فيه
صحيح منطقة شارع العرب في مناظر مقززه بس كل شي متوفر حولك
ونفس ما قالوا الشباب التكاسي رخيصه يعني اغلى مشوار ب 200 بات 20 ريال فقط
والمطاعم في شارع العرب كثيرة ومتنوعه طب وتخير بس
وبالتوفيق ان شاء الله وماتشوفون شر
اللهم لك الحمد كما ينبغي لجلال وجهك وعظيم سلطانك
ونصيحة
لازم عقب الفحص تروح مكتب موسى البانكوكي وتحجز لك جولة سياحية
تغيير جو وتشوف بعض الأماكن السياحية
اللهم لك الحمد كما ينبغي لجلال وجهك وعظيم سلطانك
بوحارب سولي جدول لمده اسبوع ببانكوك ب 7 الاف ريال شامل كل شيء من تذاكر وفندق الى آخره ..
اللهم لك الحمد كما ينبغي لجلال وجهك وعظيم سلطانك