السلام عليكم و رحمة الله و بركاته ،،،
حبيت أستفسر عندي جبس السقف جديد ما كمل الشهر و ألا جاته تشققات في أماكن مختلفة في أكثر من غرفة ، جبت واحد قال لي لازم سنفرة و بعدين معجون و ينصبغ مرة ثانية ، و بعد فترة جات التشققات مرة آخرى ، في حد يعرف فني جبس يشوف أي السالفة ، و الحمدلله على كل حال ...
و جزاكم الله خير ...
و السلام عليكم و رحمة الله و بركاته ،،،
(( اللهُم إنكَ عفوٌ كريمٌ تُحِبُ العفوَ فأعفُ عني ))
عليكم السلام ورحمة الله وبركاته
سوء تنفيذ أكيد واحتمال ألواح الجبس مغشوشة أو طريقة تعليقها خاطئة
شوف حد فاهم وأكيد الشباب يعرفون ناس ومب مقصرين معاك .. عن معرفتي تعاملت مع رافكو وشغلهم كثير زين
واحد من الخبرا في البنيان قال اذا الجبس اخترب ما ينفع ترقع فيه لازم تغيره كامل
الله يعينك
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
حي الله إختنا الغايبة لها فترةالمشاركة الأصلية كتبت بواسطة sweet qatar
الجبس من أسهل مواد التشطيب وأخفها للأسقف وللجدران وحتى تكرمون للحمامات والمطابخ .. ممكن نركب عليها البلاط وندعمها بخشب عادي وتستعمل في غالبية الأبراج بدون طابوق .. يعني ممكن نسوي برج طابوقلس
اللي ذكر إن الجبس لازم يبدل صراحة مب متعمق أو يحاول يسوي شغل كبير .. الجبس من أسهل المواد لعمل رقعة وفيه طرق كثيرة للرقع وهذي وحدة منها
وأتوقع مشكلة صاحب الموضوع بسيطة ونحتاج صور حتى نعرف حدودها وأي فني جبس فاهم وعنده ذمة بيحلها له .. توقعاتي من نوعية الصبغ أو طريقة خلطه ويحتاج صنفرة ويمكن نفس الشبك الخفيف ولاصق وصبغ جديد
السلام عليكم
أشكرك أخوي على ردك ألي خلاني أتفاءل خير ، وبالنسبة للتشققات هي بسيطة تجيك مثل خط بالقلم الرصاص ، فإن شاء الله بألقى لها حل ...
فجزاك الله خير
و السلام عليكم ...
(( اللهُم إنكَ عفوٌ كريمٌ تُحِبُ العفوَ فأعفُ عني ))
العفو يا اخوي وانت في الغالب تحتاج صباغ زين يصنفر ويصبغ ولا تحتاج عامل أو فني جبس وكل واحد بيحب يبالغ حتى يحصل شغل أكثر
فيه طريقة حلوة كانت تستعمل ومنتشرة في أمريكا اللي هي الرش بحبات حجر صغيرة وهذي تخفي أي عيوب وتعطي طبقة طلاء حول 3 ملم ويعتبر طلاء جبسي في أغلب مكوناته .. بعض الوحوش اللي عندنا يخلطون بودرة حجر مع الصبغ وهذي من تيبس تتشقق .. إنتبه لمواد الصبغ وقت الخلط وابتعد عن العرب بتفلح لو تحصل باكستاني زين أو فلبيني أو هندي افضل .. هذي مخترعينها البنقال ثرى .. يوفر كثير في الصبغ ويبين الصبغ زين لكن بعدين يخترب
الطريقة اللي فوق فيه مكاين تسويها وبدرجات مختلفة لو تحب وحتى بعض المقاولين يستأجرون هذي المكاين
الله يحييك استاذ معماري
السموحة منك ومن بوسعد على المعلومة الخطأ
يمكن كان يقصد مشكلة ثانية وانا لخبطت بينها وبين الخدوش
الله يوفقك بوسعد والسموحة مرة ثانية
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
إنتي سامحينا بس المعلومة انا سامعها من زمان إن الجبس من أسهل المواد للصيانة ورخيصة وسهلة التشكيل وكان لازم اذكرهاالله يحييك استاذ معماري
السموحة منك ومن بوسعد على المعلومة الخطأ
يمكن كان يقصد مشكلة ثانية وانا لخبطت بينها وبين الخدوش
الله يوفقك بوسعد والسموحة مرة ثانية
ضوابط المشاركة
رد مع اقتباس