خبر غريب في جريدة الرأي الكويتية

[احلام الدوحة]

السلام عليكم
اترك لكم التعليق

[غريب الدّار]

راعي الاعلان عرف ان سموه مايرد حد وعطاياه غطت القريب والبعيد

هذا تفسيري

[مستثمر رشيد]

الله يفك كربته ....

ولكن اعتقد بأن هناك هدف مبطن من قيامه بنشر تلك المطالبة على صحيفة كويتية وخاصة في الصفحة الاولى

[شبح الصمت]

كجريدة مفروض يكون في بروتوكل
وما ينوضع نفس هالاعلان

اهو ما قاعد يطالب جهة معينه او شخص معين

قاعد يطالب سمو الامير حفظه الله
حاكم دولة ..

اشوف انه الشيء غلط

وهو حاط اعلان في الصحفة الاولى من الجريدة وشوف كم نسخة انزلت ..

وما عنده فلوس ..

اش هالتناقض !!!

[يمامـة]

الله يفك كربته..

وجود الإعلان في جريدة غير قطرية ( يثير الاستغراب بشكل عام)
وهذا لا يعني ما في قطري محتاج في قطر..

بس ليش الإعلان هناك ؟
وخاصة ان مثل هذا الإعلان لن تسمح به الجرايد القطرية..

ولكن هل ممكن لو حطه هناك الخبر يوصل للامير ويشوف شنهو موضوعه
على أساس انها حركة غريبة؟!!

العلم عند الله ..

[شموخ دائم]

,

,


مرحبا


شكرا على الموضوع

اهل الكرم والجود يوصل صيتهم كل الدول
ودوله قطر وصاحب السمو افعالهم تتحدث عنهم


والله يفك ضيقه صاحب الإعلان ويسهل عليه اموره


انا ضد وضع الإعلان بهذه الطريقه في دوله أخرى وفي وسائل الاعلام المختلفه
لاسباب كثيره تخيل لو كل يوم الجرائد كلها إعلانات وكل واحد يطلب من رئيس او امير او وزير

من الأفضل يتوجه الى الأماكن المعروفه في الكويت ومثل مانعرف جميعا
الكويت أيضا فيها الكثير من الجمعيات الخيريه وفيها من اهل الخير

والشكوى والطلب لها طرق أخرى لإيصالها ولها قنواتها المعروفه لإيصالها بطريقه صحيحه
مع المستندات الرسميه وما يثبت الحاله

والله يفك ضيقته وضيقه كل محتاج

والله يسهل امورهم

,

,

[راجي الْعفو]

الله يفرج عليه ان كانه محتاج

ولكن هالطريقه تسمى فوضوية

رؤساء الدول ما يُخاطبون مثل أي شخص

[JN000N]

نوع جديد من الطراره
حتى ولو محتاج بيموت من الحاجه
شدخل يطلب من الشيخ تميم؟ ماعندهم شيوخ ف الكويت والا شسالفه!
ومحد حوله من هله وربعه وجماعته وجيرانه يساعده؟ حبكت من الشيخ تميم!
مشكلة هالكيكه اللي كلن يبي يغرف منها

[شبح الصمت]

نوع جديد من الطراره
حتى ولو محتاج بيموت من الحاجه
شدخل يطلب من الشيخ تميم؟ ماعندهم شيوخ ف الكويت والا شسالفه!
ومحد حوله من هله وربعه وجماعته وجيرانه يساعده؟ حبكت من الشيخ تميم!
مشكلة هالكيكه اللي كلن يبي يغرف منها

في ناس في خاطرها بتقول الله يعطيه وان شاء الله موضوعه ينظر فيه

واقسم لج انه هالناس نفسها ما ندخل في انفسها بس متاكد من انها تقولها من ورى قلبها ..

لانه في ناس من اهلهم وربعهم عليهم ديون وودهم انها تسدد ويمكن اهم نفسهم بس عندهم عزة نفس ..
ويجيك ذي الغريب يبي يتساعد وهو بعيد

شوفي العالم اشلون اطر في الانستقرام يدخلون عليك تكفى وطلبتك وانا محتاج والا محتاجه

ياخي لا تحرج راعي الحساب الرجال او ايا ً كان بينك وبين نفسك ادخل عليه خاص وكلمه

لازم يعني اطيح وجهه قدام العالم واكتب له ساعدني واحرجه !!

استغفر الله العظيم

ترى اسمحو لي شيء يضايق

[ضليع التبريد]

المشكلة من الجريدة نفسها،، كيف توافق على نشر مثل هذا الموضوع ؟!

هذا دليل على سقوط صحفي غريب!!؟؟