هل انت تحب ان تساعد المحتاج شخصيا او عن طريق الجمعيات ..

[حمد 2002]

هل انت تحب ان تساعد المحتاج شخصيا او عن طريق الجمعيات الخيريه بالدوله ..


الي اعرفه انه ممنوع جمع التبرعات وفيه قوانين صارمه بالدوله ؟

لكن هل مساعده الشخص المحتاج مثلا :- انا عندي خير وابي اساعد المحتاجين بدون جمعيات خيريه ، هل ممنوع هالشيء ؟

وهل انت تحب ان تتوجه للشخص مباشره وتساعده او ترسل فلوسك للجمعيات وهي تتصرف ؟


شكرا جزيلا ..

[بوجبر]

لا باس من مساعدة الاقربون

[ابوالعبد]

بصراحه الي يشحن ويجيك مثلا بشوارع او بالمجمعات ما اعطيهم اعطي الجمعيات افضل تحت وصيه الدوله لكن ايش عرفني الي يشحت انه محتاج اكثرهم ماخذين شغله استثمار وهم بصحه وقدره بالعمل

[معماري قطري]

بالسؤال تعرف ناس محتاجين ولو وديت المساعدة لهم بيدك وايد أفضل والأقربون أولى بالمعروف

الناس كثير منهم في خير بس لو يجيهم شيء من بيت فلان أو غيره يدعون له دعوة صادقة ويذكرونه بالخير .. وأحياناً شيء متوفر ورخيص .. وعطية المحتاج بينك وبينه تفرق وحتى اللي يشتغلون عندك محتاجين .. والجمعيات للبعيد وهي مقصرة في حق القريب .. بالصدفة عرفت ناس من أهل فارس في قطر عايشين بدون مكيف ومعيلهم متوفي وعائلته بسيطة والأُم تخاف تروح الجمعيات لا بطاقة ولا جواز ولا راتب وبيتهم صغير ومكسر مكيف واحد يكفيهم ومبلغ بسيط يدخل الفرحة على قلوبهم

اللي يشتغل في الشمس والحر حق مبلغ 1000 ريال يسد حاجته وحاجة عائلة كاملة تنتظره هذا مستحق للصدقة ولا تكفي حاجته

[راعي الكورفت]

شخصيا أفضل لأنه يعطيك شعور جميل .

[كتكوت الوحش]

شخصيا افضل وأحس انها فعلا توصل للمحتاج والجمعيات أتقوم بدورها أيضا ولكن انا أيضا أحسن بسعاده اكثر لما أوصلها بيدي ومشكورين صراحه الجمعيات في قطر على جهودهم الجباره في ايصالهم المساعدات

[راعي الاصفر]

شخصيا وخصوصا اذا اعرف ناس متعففة وايتام

[khalid525]

اذا المحتاج تعرف اوضاعه وساكن هنا في الديرة وبتساعده مافيه مانع ، اما اللي يجمع تبرعات لاي جهه خارجية سواء عشان شخص او عشان يبني مشروع فلازم يكون عن طريق جمعية خيرية معتمدة ، افضل وأامن

[nooora]

شخصيا افضل وقلبك مطمن

[السيف5]

افضل شخصيا ولامانع عن طريق الجمعيات بين فترة واخرى