شركه اوريدو تسرق زبائنها

[JN000N]

ويه من زمان هم حرامية كلنا عارفين بالواقع المرير لاوريدو

عموما انا محوله من زمان ع فودافون
حولنا ست او سبع ارقام وفي كم رقم بيتحولون ان شاء الله
من قال الموظف ف اوريدو مردكم بترجعون لنا قلتله الله لا يعوزنا لكم
ومن كم شهر احين لين يومك هذيه واوريدو كل يومين متصلين يبونا نرجع لهم وكثر اتصالاتهم تخلينا نصر على موقفنا ومانفكر كلش ف الرجعه لهم
عقبال تنفتح شركة ثالثه مش مقيده وناخذ راحتنا اكثر

[AL_MUTAEM]

شي مهو غريب عليهم

[limited]

فيه خدمة في الشهري الغيها كل شهر ولابه فايده
ما يلغونها وتضيف في فاتورتي 83 ريال شهريا اللي هي
The fun and information

بس خلاص تعودت على النصب وربعنا في اوريدو مااااش

[راعي الكورفت]

وانا مادفعت لهم حق رقم مقطوع ومسحوب مني من عشر سنوات وعليه مبلغ 550 ريال ورفعوا علي قضيه وحطوني في البلاك لست.

حقهم مايضيعونه أما حق الزبائن فاسرقهم واشفطهم لين مايقولون بس

[CH Engineer]

اقسم بمن حل القسم بانه ماسيكتب الان حقيقي ولست مظطرا للقسم ولكن لكثره التبلى على خلق الله وجب القسم وانا اتحمل مسؤليه ماسوف اكتبه،،،،
ف البدايه عندي اكثر من تلفون واحد من هذي التلفونات هو بنظام خدمه مسبقه الدفع (هلا) ويتم تعبئته باستمرار نظرا لتفادي قطع الخدمه قبل اكثر من اسبوعين تفاجاءت برساله نصيه تفيد باشتراكي بخدمه لم اطلبها وتم خصم مبلغ من رصيدي بدون وجهه حق ف خدمه لااعرف ماهي ولم اشترك بها من الاساس فاتصلت على الكول سنتر 111 واخبرتهم ماحصل وانتي لم اشترك وتم الخصم فا افادت الموظفه بانه سيتم تسجيل شكوى بذلك وسالتها بكل احترام ماهي هذي الخدمه فكان الجواب الصاعق لا اعلم !!!! ويعدها بيومين وصلتني رساله اس ام اس تفيد بحل الشكوى ؟ شيكت ع رصيد الجوال الا هو نفسه مارجعو مبلغ الخصم ؟؟ وبعدها انشغلت ومافضيت لهم من يومين جاني خصم واكبر من الخصم الاول التلفون الي عندي بس للاتصال ماعمري فتحت النت فيه مسكر كل شي البيانات الخلويه مسكره من فتره طويله وييانات التجوال وكل شي يتعلق بالانترنت مغلق اذا حبيت استخدم النت واي فاي لمن كلمت الكول سنتر قالو سبب الخصم استخدام نت !!!!!!!! قلت اوكي وين دشيت اثبتولي من حقي اعرف في وين استخدمت كل هالمبلغ في انترنت وتم تسجيل شكوى من يومين واليوم وصلت رساله بحل الشكوى شيكت ع الرصيد الا هو نفسه بعد مارجعو المبلغ !!!
هالموقفين صارولي من تو اكيد وايد صارلهم هالموقف من اريدووو الي ماعاد تحترم عملاءها ومن فتره طويله كنت مشترك في جواز اريدو بنفس الرقم ومثبت يدويا الشبكه الي من ضمن جواز اريدو وعقب خصم كل رصيدي كلمتهم ليش ياريدووو انا في الشبكه وماغيرت واكلمكم من نفس الشبكه قالو لا جهازك حول على شبكه ثانيه غير الشبكات الي مع اوريدو وانا بطيب نيه صدقتهم بس من اليوم عرفت انه هاشركه نصابه وتخدع زباينها وعندي الدليل القاطع بالرسايل النصيه
هذا ماوجب التنبيه اليه والحذر منه الي عنده هلا او حتى فواتير شيك ع حسابك مع هالشركه مافيه ثقه

كل الي صارلك صارلي من قبل
في اندونيسيا وبالتحديد في بالي مشترك في جواز اوريدو و ماستخدمت نص البيانات وتفاجئت ان الفاتوره معديه ال2000 ريال!!
يقولون الشبكة اقلبت لأنك مخليها اتوماتيك وحملت بيانات من شبكة ثانيه غير مشتركه مع اوريدو وانسحب علي قريب ال 1700 ريال مقابل 30 ميجا
شكيت بالموضوع الشبكة اقلبت دقيقه حملت هالكمية البسيطة وأرجعت!!
اهم شي الكمية بسيطة بس المبلغ كبير قدمت شكوى وكالعادة تم إغلاق الشكوى!!

الاشتراك في الخدمه صارت على تلفون الوالده قلت يمكن بالغلط و بعد فترة صارت على جوالي والغريب ان اول ماشتركوا لي بالخدمة قلبوا فاتورتي الي توصل بالإيميل للغة العربية والاشتراك يُبين خصم ريال واسم الخصم مربعات وانا مشترك بتبرع بريال!!! كم شهر ماركزت ان في خصم ثاني لين انتبهت لمبلغ التبرعات طلع اكبر من ايام الشهر
اتصلت مره وكنسلت كل هالخصومات والتبرعات وكان من بينهم اشتراك الموظف نفسه ماعرف نوع الاشتراك!!
الشهر الي بعده تم هالاشتراك الوحيد!!! واتصلت لهم والموظف يقول مايتكنسل من عنده! ولا وصلني اشتراك بهالخدمة ولا طريقة الغائها لين ارسلت مسج لاغلاق جميع خدمات الرسايل المدفوعه والموظف كان يقولي يمكن هكرز!
طيب هكرز انت تحمل مسؤوليته ليش انا أتحمل! طيب ليش يتم تحصيل المبالغ للهكرز!!

و قدمت شكوى وتم إغلاق الشكوى كالعاده بدون جواب!

الشكوى الاولى قلت صعب يلعبون لان اي موظف يمكن يطّلع نن عندهم ويفضحهم!
بس الثانيه أتوقع في شلة موظفين لاعبين لعبتهم ويدخلون ذهب من ورا هالاشتراكات ""هكرز ويحصل له المبلغ!!"


بخصوص اخر شي صارلك وخصم البيانات عندي جهاز مجرب لمدة شهر خصم علي 40 ميجا وكنت مراقب استخدام البيانات للجهاز عشان اختار الباقه المناسبه
والشهر الي بعده تم سحب 100 ميجا في اول اسبوع!!!
وبهالطريقة على كل الأجهزة!!! وبنفس الوقت وشكله صادف سحب البيانات عندك عالعموم اشتركت مره ثانيه بدون ماتصلهم لان الاشتراك رمزي 10 ريال!!
بس متاكد هالجهاز مايبيله شي يشتغل عالجي بي ار اس!

[معماري قطري]

وانا دفعوني 2000 في بانكوك ما ادري شحابين في هالرقم وجواز اوريدو لعبة بس

[Riku3]

ضحكني العرض الي مسوينه على برنامجهم على الايفون .. يقولك تقدر تطلب 10 ميجا مجانية كل يوم مره وحده ..

قلت اسوي تجربه اطلب بدون وايرلس .. كان رصيدي 29 ريال ونص تقريباً ,,, دخلت الابلكيشن وطلبت الـ 10 ميجا المجانية وطلعت .. شيكت على الرصيد لقيته 26 ريال ههههههه

ما يسوى علي طلبته بدون وايرلس !!! ... شهالبرنامج الي يسحب كل هالمبلغ علشان مجرد .. افتح البرنامج .. اختار الرقم .. اضغط على العرض وافعله .

[aloosh]

يا شباب سبق وحذرت من نقطه تستخدمها اريدوا وتكون حجه على الزبون

افتح اعدات الخلوي انزل تحت اخر شي بتحصل خاصيه (مساعده الواي فاي ) سكرها
الخصيه هذي حتى لو كنت شابك على الواي في لو انخفض الواي قاي عندك نقطه اتوماتك يشبك على النت بالهاتف اغلاقها وفتك

هذي النقطه اللي تلعب عليها اوريدو

[بوخالد911]

اذا جاك مسج تم حل الشكوى اتصل عليهم وقول لهم شنو الي صار عشان تقولون لي تم حل الشكوى

اذا ماتصلت ماراح يسون لك شي

وفي مرات يتصلون لك رنه ويسكرون عقب على طول يجيك مسج انه تم حل الشكوى واذا اتصلت لهم يقولون اتصلنا لك ومحد رد علينا

لازم تنشب لهم ولا ماراح تاخذ حقك

والشي المضحك المبكي
يتصلون عليكم من رقم مكتب
وفرضا ما رديت عليهم مثلا كنت تصلي / تتسبح/ مشغول
ولما تبي ترد وتتصل عليهم يقطع الاتصال !!!!!

[بوخالد911]

ضحكني العرض الي مسوينه على برنامجهم على الايفون .. يقولك تقدر تطلب 10 ميجا مجانية كل يوم مره وحده ..

قلت اسوي تجربه اطلب بدون وايرلس .. كان رصيدي 29 ريال ونص تقريباً ,,, دخلت الابلكيشن وطلبت الـ 10 ميجا المجانية وطلعت .. شيكت على الرصيد لقيته 26 ريال ههههههه

ما يسوى علي طلبته بدون وايرلس !!! ... شهالبرنامج الي يسحب كل هالمبلغ علشان مجرد .. افتح البرنامج .. اختار الرقم .. اضغط على العرض وافعله .

يوميا أطلبه

لو يبون ( راحة ) العملاء ، كان سووها تتفعل يوميا
ودون الطلب من العميل