شركه اوريدو تسرق زبائنها

[QATAR-2006]

وانا مثلك اخوي جبر، حولت كرتي هلا وتم يخصمون على 9 ( تسعه) ريال في الاسبوع "بدون موافقتي" وتوني من يومين اكتشفت ويوم كلمتهم قالوا مانقدر نرد فلوسك لان الفلوس تروح جهة خارجية<< وين حماية العميل وشلون تسحبون رصيدي بدون موافقه مني>>

[رجل الجزيرة]

السلام عليكم ورحمة الله،

هل يمكن أن ترسل إلينا رقمك في رسالة خاصة للتواصل ومعرفة مزيد من التفاصيل؟ وسيقوم مسؤولي حماية المستهلكين بالتواصل معك.
يمكنك أيضًا التواصل معنا من خلال الرقم الساخن لحماية المستهلك بهيئة تنظيم الاتصالات على الرقم 103

بيض الله وجيهكم.

[Bo Turky]

والله يا شباب انتوا موضوعكم ممتاز بالنسبه لي
يعني انا لو يصيدني نفسكم ما اشتكي بالعكس امشيها لان المده زادت وهذا الي ابغيه مابغي الرصيد

انا اروح مكينة اوريدو للدفع الألي وادفع فاتورتي في بطاقة البنك
تندفع والامور تمام
وعندي كرت هلا اعبيه عشان احتفظ بالرقم
ادفع له 35 او 50 وتنخصم من رصيد البنك ويجيني مسج على تلفوني ان دخل فيه رصيد
اسوي *129# عشان اشوف الرصيد بنفس الوقت القاه صفر ��

ادش اوريدو ارويهم مسج البنك الخصم ومسج اوريدو التعبئه وارويهم الرصيد صفر ويقولون اكيد المكينه
ما اقبلت عملية الدفع والفلوس بترجع في حسابك وقالوا لي راجع البنك

شفت موضوعكم ولا شفت الفلوس ������

لا فلوس ولا رصيد ولا مده ��

[Riku3]

وانا مثلك اخوي جبر، حولت كرتي هلا وتم يخصمون على 9 ( تسعه) ريال في الاسبوع "بدون موافقتي" وتوني من يومين اكتشفت ويوم كلمتهم قالوا مانقدر نرد فلوسك لان الفلوس تروح جهة خارجية<< وين حماية العميل وشلون تسحبون رصيدي بدون موافقه مني>>

سبحان الله جهة خارجية وفي الصورة الوصلة تقول انها من ooredoo.qa .. وحتى لو جهى خارجية تقدر تحط عليهم بلوك وتوقف حساباتهم او التحويل لهم ..

ما ادري ليش يحسسونا بردودهم ان مانعرف شلون التكنلوجيا تمشي واحنا للحين في 1995 والمفروض نصدقهم ان هالمواضيع مستحيل حلها !! .. بطاقة البنك لو اي حرامي يسحب من رصيدك وتشتكي خلال مدة معينة الفلوس ترجعلك .. حتى مشترياتك الشخصية تقدر ترفع فيها شكوى وممكن ترجعلك .. وذيل للحين عايشين في التسعينات .

[naklan]

عندي تلفون شهري ما اتصل منه ابدا بس رسايل
تجي لي وانا خارج البلد وفاتورتي ما تتجاوز ال 100 ريال
ساعات وبدون معرفة الأسباب تجي 1000 يه شلون
اشتكي يقولون بنرد عليك وما حد يرد حرامية
بالوراثة وحتى لو تغيرت الادارة الكمبيوتر
يسرق فلوسنا ههههههههه

[دايموند]

وانا بعد يا اخوان بين فترة وفترة يجيني مسج اني اشتركت بخدمه mobile mela - weekly
الي اصلا ماعرف شنهي هالخدمه وكل مرة الغيها تتجدد بعد كم شهر ..وطبعا مجرد ماتتجدد ينخصم مني مبلغ حتى لو لغيته بنفس اللحظه


و اوريدو تنفي علاقتها بالموضوع وتحمل المسؤوليه ولما خبرتهم عالاقل يسوون بلوك لهالخدمه علشان مايستغلون عملاء غيري قالوا بنقدم شكوتج للجهه المسؤوله والله وكيلكم ليحين اشوف تجيني هالاشتراكات واقعد كل شوي الغيها

[MAZEN37]

انا اطالب اوريدو ان العميل يقدر يسوي بلوك على الرقم او الاسم لانه هذه الاشتراكات ما تقدر تسوي عليهم بلوك ما تطلع الخاصيه هذه
كلمتهم مرة وقالولي ما نقدر هذه عن طريق النت
وانا اقول انهم يقدرون ويعرفون ولازم في طريقه للبلوك
والدليل ان اوريدو تعرف تحول لهم مبالغ الاشتراكات
فلوسنا تتحول لهذه الشركات عن طريق اوريدو شلون فهموني او انه اوريدو تتقاسم او يطلع لها نسبه وهذا مؤكد وحاطينهم بالصورة
حنا نطالب اوريدو بتفعيل خاصيه البلوك على كل الارقام وكل الاسامي والدعايات ومطالبتي لهيئة الاتصالات التدخل بهالموضوع

[جبر ال جبر]

ياجماعه الخير مشكورين جميعا ع التفاعل ،،، اريدووو مصختها نطالب بتدخل حاسم وفوري وقانوني،،،،،، قبل يسرقونا من الفواتير ولاندري بهم بس مايصيدهم الا الي عنده هلا لانه عارف الي له والي عليه والحين طالعين بالموضه الجديده استخدام نت !! طيب كل شي مسكر وين استخدمت النت زين تلفوني نوكيا ،، فيرتو اي شي مافيه نت وين خذتها يسكت يصير اطرم ،،، وبعدين الي صورر الشاشه وانخصمت 9 ريال وانا بعد تعرضت لهذي السرقه من اوريدوو بعدين شلون مالهم خص في المبلغ المخصوم ماشاءالله عليهم تمت اضافه رصيد يطلعونها من عينك ولاصار خصم رصيد مايعرفونك ،،، الاخ الي من تنظيم هيئه الاتصالات وصلتك 8 شكاوى بارقامها على شركه اوريدووو ورني وش بتسوي خصوصا الموضوع صار قضيه راي عام وانا سامح لك تنشر كل شي في الموضوع باستثناء رقم جوالي الشخصي واسمي ومرخوص بكل شي تقوله ونخلي هالموضوع علني بيني وبين شركه اوريدو وانت تمثل تنظيم الاتصالات وحمايه المستهلك وانا من صوبي بادخل معاهم في خط اخر مع السيد رئيس مجلس الاداره والرئيس التنفيذي للشركه المساله مش مساله ريالات انخصمت المساله مساله اكبر يمكن في موظفين حراميه في الشركه يسرقون من رصيدنا لحساب شركات خاصه فيهم مانعرف وين الحقيقه ولكن ماضاع حق وراه مطالب وراكم وراكم ياريدووو في هالموضوع لين اسقط شعاركم ( اوريدوووو ان انصب عليك)

[CH Engineer]

ما راح توصل لحل
موظف حماية المستهلك راح يرسل لهم ايميل وراح يجاوبونه بالطريقة الي يبونها بس على وقت أطول تكون نسيت ورضيت
تقدر تتواصل مع اوريدو وتقول للموظف يا تحل لي مشكلتي او عطني مديرك او رقم مكتبه بهالطريقه يمكن يهتم اذا ماحصلت حل حماية المستهلك مع اوريدو ما بيسوون لك شي غير انهم يتابعون لك

[qatarman8008]

كان عندي اشتراك شهري بقيمة 250 ربال..
ولافي شهر دفعت 250..
كل شهر ادفع 700 او 800 ريال ويقولون لي عليك متاخرات واستخدمت انترنت خارج الباقة..
..
اخر مرة عبيت كرت هلا بمية ريال من المطار وانا مسافر..
طلعت لي رسالة بطاقة مستخدمة..
اتصلت لهم قالوا لي هي دشت في حسابك..
والله ياجماعه لا دشت في حسابي ولا شي..