أسعار الخرائط وأفضل مكتب استشاري

[koketa]

أن شاء الله ببدأ أبني فله وأبحث عن تصميم مميز وراقي

هل تنصحون بمكتب استشاري معين وشلون أسعارهم ؟

وهل السعر يختلف حسب التصميم ؟

وهل ممكن اي تصميم يتنفذ ؟ ولا ممكن يعجبني تصميم واسوي الخرائط وعقب أتوهج في التنفيذ

تجاربكم وخبراتكم تهمني

[سعود.]

انصحك تاخذ وقتك بالكامل على الخرايط وشاور فيها كذا واحد من ربعك .

[معماري قطري]

عندنا كل مكتب له سياسة في التسعير وفي التصميم

الغالبية ما يلحقون على الشغل ويخلون الرسام أو مساعد المهندس أو مهندس مدني أو كهربائي أو ميكانيكي يتابع التصميم

تبغي مكاتب زينة عندك مكتب ابراهيم الجيدة .. العربي للشؤون الهندسية - مكتب الاستشاريون أو المهندسون العرب فرع محرم باخوم وفيه نفس الاسم حق واحد ثاني وذيلا ورثة ورثوا المكتب وقسموه قسمين بنفس الاسم لأن المكتب عالمي وفيه فرع في ايطاليا والكويت واعتقد السعودية ومصر الأساس مقرهم جنب وكالة البنتلي في شارع سحيم في الدور الثاني

مكتب عمار في السد حق مهندس معماري قطري وصراحة قال لي ما نبي فلل وحتى مكتب محرم باخوم لكن جرب حظك معاهم

مكتب غلف ديزاين كونسبت في مكان المعهد البريطاني قبل قبل جسر بو عبود

مكتب اتحاد قطر للتخطيط مجربه انا وكثير مختص وجيد ويسون كل شيء حتى انترير وحساب كميات بس توقع التكلفة للتصميم حول 200000 ولو تصيدهم بعقد كامل أفضل لك

سمعت عن مكتب سويسري فاتح فرع وبعد جيد بس ما عندي معلومات عنه واحد يبي يتفق وشكله ما اتفق الظاهر التكلفة عالية ولا أرسل لي اسمهم ورقمهم

تقريباً هذيلا اللي اذكرهم وفيه غيرهم وايد حتى السد سمعته زينة

وصدقني التصاميم الدارجة يمكن 10 تصاميم يغيرون ويزيدون فيها حسب العميل

[سعود.]

اخر سطرين يابوعبدالله
كلام من ذهب

[معماري قطري]

اخر سطرين يابوعبدالله
كلام من ذهب

عندي مجلة أمريكية فيها تصاميم وأسعارها حق هناك .. يمكن فوق 500 نموذج وكل نموذج سعره حول 150 دولار نسيت بالضبط كم بس السعر يختلف قليل من تصميم لتصميم وبعض الولايات تحتاج تصميم خاص للزلازل أو الثلوج أو الأعاصير .. هم يسوون التصميم ويرسلونه لك مختوم وكم نسخة تبي للمقاولين يعطونك بسعر تافه .. وحطيت في موضوع مراجعة التصاميم كم تصميم أمريكي بعد

[بوخالد911]

الله يسهل عليك

أهم شي تنتبه لتوزيع نقاط سويتشات الكهربا
وأماكن توزيع المكيفات

ابعد انك تخلي سبيلت يونيت وتحته كهربا التلفزيون

هاي من الأخطاء الشائعة

[koketa]

عندنا كل مكتب له سياسة في التسعير وفي التصميم

الغالبية ما يلحقون على الشغل ويخلون الرسام أو مساعد المهندس أو مهندس مدني أو كهربائي أو ميكانيكي يتابع التصميم

تبغي مكاتب زينة عندك مكتب ابراهيم الجيدة .. العربي للشؤون الهندسية - مكتب الاستشاريون أو المهندسون العرب فرع محرم باخوم وفيه نفس الاسم حق واحد ثاني وذيلا ورثة ورثوا المكتب وقسموه قسمين بنفس الاسم لأن المكتب عالمي وفيه فرع في ايطاليا والكويت واعتقد السعودية ومصر الأساس مقرهم جنب وكالة البنتلي في شارع سحيم في الدور الثاني

مكتب عمار في السد حق مهندس معماري قطري وصراحة قال لي ما نبي فلل وحتى مكتب محرم باخوم لكن جرب حظك معاهم

مكتب غلف ديزاين كونسبت في مكان المعهد البريطاني قبل قبل جسر بو عبود

مكتب اتحاد قطر للتخطيط مجربه انا وكثير مختص وجيد ويسون كل شيء حتى انترير وحساب كميات بس توقع التكلفة للتصميم حول 200000 ولو تصيدهم بعقد كامل أفضل لك

سمعت عن مكتب سويسري فاتح فرع وبعد جيد بس ما عندي معلومات عنه واحد يبي يتفق وشكله ما اتفق الظاهر التكلفة عالية ولا أرسل لي اسمهم ورقمهم

تقريباً هذيلا اللي اذكرهم وفيه غيرهم وايد حتى السد سمعته زينة

وصدقني التصاميم الدارجة يمكن 10 تصاميم يغيرون ويزيدون فيها حسب العميل

السعر عشرين الف تقريبا ؟

[معماري قطري]

السعر عشرين الف تقريبا ؟

200,000 مئتين ألف عند المكاتب اللي تصميمها اختصاصي ودرجة عالية .. وحسب طلباتك انت شتبي تبي حساب كميات له سعره تبي تصميم داخلي وهو درجات بعد له سعره

هم يحسبونها على إنها 5% من تكلفة البناء و200000 السعر التقريبي لفلة تكلفتها 4 مليون .. وتوفر راحة بال ومبالغ كبيرة في المبالغات التصميمية مثل الخرسانات الزايدة .. يعني لو بنيانك عظم ورحت حق مكتب ما فيه مهندس انشائي شاطر وبس يزيد ويبالغ بيكلفك الهيكل الخرساني مليون وما يقل عنها واللي يعطيك أقل بتحصله مقاول مقامر ولا ما حسبها صح والا بيجيب لك خرسانات رخيصة أو يمكن مرفوضة من مشروع ثاني .. المكتب لجيد بيحسب لك صح وبتطلع عليك كميات الخرسانة والحديد وايد أرخص في بعض الحالات توفر 30% يعني المليون تستوي 700000 فتكون موفر .. غير عن بعضهم شغلهم في الكهرباء كله نسخ والمواصفات مستحيل يضبطونها صح .. الاستشاري الجيد يسوي لك شبكة متوازنة ومواصفاتها صح ما تحترق الليتات سرعة وتضعف عندك الكهرباء

[koketa]

200,000 مئتين ألف عند المكاتب اللي تصميمها اختصاصي ودرجة عالية .. وحسب طلباتك انت شتبي تبي حساب كميات له سعره تبي تصميم داخلي وهو درجات بعد له سعره

هم يحسبونها على إنها 5% من تكلفة البناء و200000 السعر التقريبي لفلة تكلفتها 4 مليون .. وتوفر راحة بال ومبالغ كبيرة في المبالغات التصميمية مثل الخرسانات الزايدة .. يعني لو بنيانك عظم ورحت حق مكتب ما فيه مهندس انشائي شاطر وبس يزيد ويبالغ بيكلفك الهيكل الخرساني مليون وما يقل عنها واللي يعطيك أقل بتحصله مقاول مقامر ولا ما حسبها صح والا بيجيب لك خرسانات رخيصة أو يمكن مرفوضة من مشروع ثاني .. المكتب لجيد بيحسب لك صح وبتطلع عليك كميات الخرسانة والحديد وايد أرخص في بعض الحالات توفر 30% يعني المليون تستوي 700000 فتكون موفر .. غير عن بعضهم شغلهم في الكهرباء كله نسخ والمواصفات مستحيل يضبطونها صح .. الاستشاري الجيد يسوي لك شبكة متوازنة ومواصفاتها صح ما تحترق الليتات سرعة وتضعف عندك الكهرباء

كنت أقصد سعر الخرائط فقط من غير اشراف

هل اللي حدد تكلفه البناء الاستشاري ؟

[معماري قطري]

الاستشاري يحط سعر تقريبي على المتطلبات الأولية وبعد انتهاء التصميم والمواصفات يقدر يعطيك سعر أقرب للواقع .. بالمفاوضة كل شيء يصير وأوقات الاستشاريين عندهم قلة شغل ياخذون شغل بسعر منافس .. انا اتحاد قطر آخر مرة وديت ولد عمي يعني متوسط له عندهم صدموني وصدموه بسعر 180000 للتعديل و 50000 شهري للاشراف .. صج تصميمه كان يحتاج تعديل جذري ومساحة بيته 1700 لكن الاشراف وايد غالي .. نفسهم أشرفوا لي ب 1200 شهرياً سنة 2004