-
استفسار عن باريس
السلام عليكم*
ناوي اسافر باريس و قلت اسالكم عن افضل الأماكن السياحية و افضل مكان للسكن
الافضل تاجير سياره او استخدام التكاسي؟
مناطق خارجيه قريبه من باريس او مناطق بعيده بس سهل اوصل لها بالقطار
أماكن لازم أزورها!!
8 ايام تكفي لباريس او لا؟
-
توني جاي من رحلة عائلية من باريس
بالنسبة للمواصلات استخدم دائماً المواصلات العامة (المترو) اريح واوفر ان تكاسي باريس جداً جداً مكلفة.. استخدمه حتى من والى المطار أو مشاويرك داخل باريس
أنا شخصياً كنت أستخدم سيارات أوبر لأن عددنا 5 منهم 3 أطفال فالحركة بتكون صعبة اذا بالمترو
بالنسبة للسكن.. أنت وميزانيتك.. في باريس ممكن تسكن في نص الشانز فندق كلاردج أو ماريوت.. وممكن أماكن حلوة تجارية وتسوق قريبة من جاليري لافييت مثل فندق ويستن .. واذا بغيت شقق أو بدائل ارخص ممكن في لاديفونس وتقضي مشاويرك بالمترو للشانز وحواليها
أنا سكنت في لاديفونس لأني بغيت شقة غرفتين فطلعت علي بنص سعر الشانز .. بدال 5000 ريال حق 3 ليالي في استوديو في الشانز دفعت 2500 ريال حق شقة غرفتين في لاديفانس... ميزة هالشقة مسافة 5 دقايق لكارفور ومسافة 10 دقايق لمول الفصول الأربعة.
الأماكن السياحية في باريس معروفة: شارع الشانز، متحف اللوفر، قصر فرساي، برج ايفل، دولة بحرية على نهر السين.. الخ
وعندك بعد ديزني ممكن تروح لها بالمترو.. وممكن تسكن هناك .. انا سكنت في ماريوت فيلاج خذت فيلا دورين عبارة عن غرفتين نوم وصالة ومطبخ وغسالة ومجفف كلفتني 1000 يورو (4000 ريال) حق 4 ليالي
ديزني تحتاج لها يومين لأنها حديقتين (الألعاب + الاستوديو) عدك بعد يوم تسوق في الاوتليت Le Valley .. لكن حاول تروح لهم في أيام غير الويكند (السبت والأحد) عن الزحمة
والله يوفقك
-
عساك عالقوه اخوي عبدالله
بالنسبه لاستخدام الباص الاحمر تعرف عنه شي؟
-
الله يقويك
لا والله ماجربته
-
هذا موضوع لملفات تفصيلية لأحد المشاركين جزاه الله خير
بيفيدك وايد
http://www.qatarshares.com/vb/showth...-عن-اوروبا-هنا
-
تسلم اخوي عبدالله ماقصرت*
سهلت الموضوع علي ����
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس