يجماعه الخير حسب اطلاعي انه مايجوز ومنهى عن الاكل في اواني الذهب واكيد فيه حكمه ربانيه في ذلك بس اواني الفضه ماعرف الناحيه الشرعيه بس لاتصلح للاكل فيها لانها تتحلل مع الوقت وينقلب لونها اسود وخصوصا لمن تتفاعل مع الاكل الساخن بشكل مستمر وهي صحون ناقله للامراض والجراثيم ويقدر الواحد يتاكد من السيد قوقل عن مدى صحه الكلام
انا قطري ويحق لي لاتباهيت
لي الشرف لو افتخرت بلادي
اطرب بها ليمن نشدت وتغنيت
يزهى بها شعري ويشفي مرادي
الفتاوي لها جهات مختصة ورجال دين تقدر تسالهم بالتلفون أو شخصياً أو تاخذ معلومة من موقع تابع لهم .. أما الانترنت كثرت فيها المواقع اللي ما ندرى مدى مصداقيتهاالمشاركة الأصلية كتبت بواسطة مخطط قطري
لا إله إلا الله محمد رسول الله
أنا اعرف من ايام الدراسه إن آنية الذهب والفضه محرمه،، بس لما اكون بمحل أواني اشوف قطع جميله وغالبا تكون مطليه واحتار من صوبها خصوصا إن أكثر من محل يقول مو حرام لانها مطليه فحترتان الاكل والشرب في اواني من الذهب والفضة حرام وان كانت مطلية..
وسالت شيخ مفتي عن الاواني المطليه بالذهب والفضه وكان رده بالضبط
(اذا كان لونا لا يجتمع منه شيء لو حك فلا حرج)
حيرني اكثر بصراحه هههههه انا شدراني يطلع منه خام اذا حك او لا!!
اي شي مشكوك فيه تركه افضل
الله يعطيك العافيه اختي اليمامه
ماتوقعت في مطاعم ممكن تستخدم الفضه في الصحون والملاعق .....
مشكوره على التنبيه كنت ادش المطاعم ولا فكرت اسال ان كانت الصحون من فضه او لا ماتوقعت حد يستخدمها لانها حرام واتمنى منع استخدامها في المطاعم
الله يكفينا شر الفتن يوم شفت موضوعك تذكرت المواتر المطليه من الذهب الله يصلح الحال
شكرا على التنبية اخت يمامة ، وأتمنى ذكر اسم المطعم في هالحالة ماعتقد ان الموضوع بيكون تشهير ، لان المطعم نفسه أرتضى التقديم بهالطريقة .
يبقى السؤال : هل بالأمكان رفع شكوى على المطعم لأستخدامة الفضة ؟
سبحانك اللهم وبحمدك اشهد ان لا اله الا انت استغفرك واتوب اليك.
ويجزيك خير الجزاء يا اخوي معماري قطري..
بالفعل امر محتاج الى وقفة.. توني من كم أسبوع حضرت عرس لقيت الملاعق و الشوك والسكاكين من النوع
اللي تثير شبهة انها فضة.. مع وجود دمغة بالأرقام.. بس وايد كانت صغيرة الأرقام وما قدرت اميزها او الاحظها..
واشعقبه انتبهت؟
بعد خراب البصرة.. عقب ما زطيت وشبعت وبلعت فيه العافية.. انتبهت للشوك والملاعق..
فكانت معاي وحدة وراهم حفل زواج عقب كم شهر.. نبهتها للنقطة هذي وقلت لها ترى ذنب كل من بياكل
فيها في رقبتكم نبهوا الفندق اللي بتسوون فيه حفلتكم.. اللهم اني بلغت اللهم فاشهد..
اما بخصوص الأمور الثانية من المنتجات الضارة او المحرمة في الاكل نفسه.. يبي لنا صرامة من الجهات
المخولة بمتابعة مثل هالامور.. لانهم هم المسوؤلين امام الله لوقف مثل هالتجاوزات..
اما بالنسبة للاختلاط اليوم اغلب الناس بروحهم ما عادوا يبون حواجز.. كل شي يبونه مفتوح..
فشي طبيعي بتلقى الغاء الأقسام الخاصة للعوائل..
جميعا اللهم اميين..
أتمنى مثلج ان ينتبه الكل لمثل هالامر..
الاثنين ما يجوز تاكل وتشرب فيهم يا اخوي مخطط قطري..
وبعض المطاعم او الفنادق تفتخر باطقمها اللي من فضة او مطلية بالفضة ..
لذلك يا اخوي التنبيه واجب في مثل هالامور .. وربي يعيننا و يوفقنا على عدم الوقوع في مثل هالامور..
ضوابط المشاركة
رد مع اقتباس