السلام عليكم .... أعضاء المنتدى الكرام ... حبيت استفسر عن المقاسات المناسبة للبورسلان في التركيب للصلات و الغرف مع العلم اني محصل عروض مختلفة .... ومن خلال تجربتكم بعد التركيب .... مع خالص تقديري و احترامي
|
المقاسات المناسبة للبورسلان
السلام عليكم .... أعضاء المنتدى الكرام ... حبيت استفسر عن المقاسات المناسبة للبورسلان في التركيب للصلات و الغرف مع العلم اني محصل عروض مختلفة .... ومن خلال تجربتكم بعد التركيب .... مع خالص تقديري و احترامي
حسب تجربتي الخاصة لقيت انه مقاس 80*80 وايد فخم وراقي للصالات وغرف الاستقبال والميالس ، ومقاس الباركيه وخاصة بلاط الباركيه ووايد حلو ودافي لغرف النوم
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
أي مقاس ينفع المهم تصميم وضعية التركيب ولو فيه بوردرات أو قطع زينة وسطية وحتى أوقات تقدر تخلط كم نوع وكم لون
لو عندك صالة معينة تبي تتخيل كيف الوضعية عطني المقاسات وباسوي لك مقترح
بعدين عندك الصالة الطوالية أو اللي تبي تعطيها طول ركب لها النوع الطويل في اتجاه الطول واللي مربعة لو تبي تضيع تربيعها ركب البلاط مربع على زاوية 45 درجة .. ولو تبي تكسر حدة لون ركب بلاطة بلون غير وحولها اللون اللي تبي تكسره
انا مركب لغرفة البنات بنفسجي على وردي وفيه عروق بمقاس 40 في 40 ووسط كل 8 بلاطات بلاطة سوداء فيها عروق بيضا
حصلت مرة عند تدمر بلاط رمادي وايد راقي وبسعر رخيص بس طار بسرعة شراه واحد للحوش كان 80 في 80 وسمكه حول 12 ملم
للمطبخ ركبت بلاط أبيض صغار 20 في 20 سيراميك وطلع حلو .. وفي الوسط ركبت بوردر غامرت فيه حوائط خليته ارضية .. ووسط هذا البوردر ركبت بلاط بني فاتح بزاوية 45 درجة بعد طلع حلو .. الأهم التركيب الجيد وعلى صبية سيراميك أو بورسلان صغير أو كبير لا تهتم
اختي ضوى شكرًا على مرورك و ردك الكريم
اخوي معماري قطري ... تدري الواحد يخجل من المعروف اللي تقدمة و دقة المعلومة و الجهد المبذول منك في الشرح و الكتابة .... الله يعطيك ع نيتك ياخوي ويبارك لك ... ويرزقك من حيث لاتحتسب .... اتعبت الناس من بعدك ...
مثل ماقال اخوي معماري والأخت ضوى
بالنسبة للصالات الطوليه تركب بلاط مقاس طولي تطلع احلا
أو مربع بمقاسات كبيرة
حالياً يوجد في السوق مقاس 120 * 60
ومقاس متر و 80 * 3 متر تسمى ألواح
ويوجد مقاس متر في متر و 90 * 90
الغرف بلاط الباركية حلو عليها وخاصه المقاسات الطويلة يوجد
مقاس 120 * 15 أو مقاس 120 * 20 أو 120 * 30
بس حاول ماتخلط بين اكثر من مقاسين.
مقاس واحد حلو مايصير عندك كمية قَص وهدر وايد
اما اذا اخذة ثلاث مقاسات راح تطر يصير عندك كمية هدر كبيره
المقاس الواحد يريح لو ينقص عليك بلاط في غرفه تقدر تركيبه في الغرفة الثانية
اما المقاسات المختلفه مع بعض راح تطر انك تقص وإلا تقدر تستخدم باقي البلاطة في غرفة ثانية
اذا حاب تركب باركية الفواصل خلها 2 مم تطلع احلا
مقاس تركيب 15 * 90 يتركب زي السلم تجي متوازية
اما المقاسات المختلفة في غرفة وحده متعبه شوي في التركيب مب اَي شخص يتقنها لازم تكون حذّر مع المبلط
تخلي السلم بين بلاطه وبلاطه اكثر مسافة 30 سنتيميتر عشان يطلع شكلها حلو
طبعاً كل ماقلت وزادة بين بلاطه وبلاطه بالنسبة لبلاط الباركيه تطلع احلا
وإذا حاب تركب بلاط للغرف مربع مقاس 60 * 60 احلا مقاس
هذا مخطط لعملية تركيب بلاط الباركيه
التعديل الأخير تم بواسطة Azizuk ; 15-02-2017 الساعة 04:23 PM
اذا حاب تشوف بلاط مركب بحجم مقاسات كبيرة روح مطعم المجلس بطريق سلوى مركب بلاط بمقاسات كبيرة
بس على شرط تتركب وتحتها صبه خرسانية
وتركب بمادة الغراء من النوع الممتاز
لان سماكة الألواح تجي خفيفه 6 مم
هذا النوع صورة لون المركب في مطعم المجلس
حالياً نزلت في السوق ألوان احلا
التعديل الأخير تم بواسطة Azizuk ; 15-02-2017 الساعة 04:47 PM
المكان الي تفكر فيه تركيب ( باركيه )
لازم تبلغ فيه المبلط عن نوع الباركيه الصناعي يحتاج نزول الارضية 1سم والطبيعي 2سم
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
المشاركة الأصلية كتبت بواسطة سعود.
اخوي سعود انا قصدي باركه سيراميك و بورسلان
انت قصدك الخشب مثل ماتفضلة لازم نزول في الارضيّة وتبليط بلاط شعبي والبعض يقول لو تركب سيراميك من النوع الرخيص أو بورسلان افضل
عارف قصدك اخوي ( ابا سعود )
وانا عطيت نصيحة عامه .
ومبارك عليك الحيا . بكرا بشيك على اغراضك الي حولنا
ههههههههه
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ضوابط المشاركة
رد مع اقتباس