المشاركة الأصلية كتبت بواسطة سعود.
الله يبارك فيك
اي والله ودي ازورهم اشف اخرتها معاهم
من سبوع وقعت على التصميم والله يستر منهم
المشكلة مكانهم بعيد على
وسبحان الله فكرت موقعهم بيكون قريب مني الا طلع صوبكم
انت محل النفس ياسعود
الا تعال ماتبي من التيرم عندي رولتين جدد يمكن تحتاج تستخدمها
التعديل الأخير تم بواسطة Azizuk ; 15-02-2017 الساعة 11:30 PM
هههههههههههه
ماتقصر يابوسعود
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
الله يوفق سعود وبوسعود
والله يبارك لك ويوفقك ويرحم والديك
أوقات نشوف في الممرات الطويلة فواصل تجميلية جاية بالعرض تعطينا احساس بتقصير الطول الكبير .. مثل ممرات المستشفيات والمطارات وتكون بلون حاد أكثر ونقش مثل مستشفى حمد اللي بيدخل ممره بيلاحظ بس التركيب كان سيء وطاحت قطع كثيرة .. وأوقات نشوف مجلس واسع نلاحظ حتى لو سجاد يكون فيه بوردر قرب الكراسي وتشكيلة في الوسط أو سجادة ثانية تقسم المساحة الكبيرة لمساحات متجهة نحو المركز
البعض يسوي رخام أو بورسلان وفي الوسط يخلي مستطيل مقصوص وفيه سجادة بحشوة من تحت منتفخة شوي تعطي شكل وفخامة ولو ما توجد غرفة للصلاة ممكن تستخدم هذي السجادة
ومن قال يابوعبدالله
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
مشكور اخوي العزيز على جهدك وردك المدعوم بالصور ....الله يبارك لك و يوفقك ويسخر لك
جزاك الله خير اخوي سعود الغالي ع النصيحة بس اتوقع اني بعض الغرف بتكون بورسلان بتشكيلة الباركية
هل عند اختيار بورسلان الصالة تحت و فوق ... لازم اختار لون رخام الدرج ....عشان تماشي الالوان بين الدرج و الصالة و الا..... اقصد قبل التركيب
والله إذا مب محتد على الرخام ركب بورسلان .. مع الوقت يتشمخ وتبهت لمعته الا لو بتركب نوع قوي ومحمي بطبقة خاصة بعد بتحتاج تجدد الحماية كل وقت
انا صراحة غامرت في الألوان والأحجام وطلعت مغامرتي الحمد لله محسوبة صح .. مثلاً تحت صالة توزيع صغيرة بين المجلسين ومدخل البيت ومدخل الصالة هذي سويتها بلون أسود بعروق .. نسيت اسمه بس هو في الأصل غرانيت نادر ايطالي وغالي جداً المتر وقت 2004 كان بحدود 7400 للغرانيت بس هذا طبقة قرانيت من نفس النوع تقدر تقول قشرة مدعمة بعجينة سيراميك تحت وكان ينباع ب 200 ريال للنخب الثاني و 700 ريال للأول عند العمودي وانا ركبت الثاني والثاني ما يركب زيرو جوينت تحتاج مونة وحطيت مونة ايبوكسي سودا ولا تغيرت للحين .. المجلسين واحد صغير سويته سجاد بنقوش مع أندرلي وواحد بورسلان 50 في 50 وكملت معاه الصالة التحتية وسويت نعلات من نفس النوع عند معمل رخام قصوها ووتر جت وحفوا أطرافها
ممكن لو حبيت تركب نعلات خشب على البورسلان بس تحتاج لحمايتها ضد الماء ولخط رفيع في الزاوية السفلية من السيليكون أبيض أو شفاف حتى ما تدخل حشرات تحت ولا تبين مفتوحة .. وحتى لباقي النعلات هذا ضروري المونة صعب تحطها أو شبه مستحيل وتنفك لكن السيليكون فعال ويتم وفيه مرونة يغطي الفتحة البسيطة دوم .. بعد فيه نعلات سيراميك جاهزة وفيه عندك النعلات المعمولة من الرخام أو الحجر وهذي تعطي فخامة غير وممكن تسويها بسمك شوي عريض وتسوي فيها أقواس مثل بعض الفنادق وتعطيها ارتفاع مضاعف 25 سم أو أكثر
الطريقة السائدة هي عمل نعلات من السيراميك والبورسلان لنفس النوع ونفس اللون وعمل خشب للسجاد
وحركة حلوة لو تحب تسويها حتى تفصل كل مكان عن الثاني مثلاً لو عندك صالة مفتوحة على غرفة طعام مفتوحة على مدخل ومفتوحة على المطبخ وتبي تعطي كل مكان لون غير وتصميم مقارب بس غير .. تقدر تركب فاصل نحاس في الأرض أو كروم بحدود 1 سم وحتى للفصل بين السجاد والبورسلان فيه نوع غير تقدر تستخدمه
جزاك الله خير اخوي بوعبدالله .... وبيض الله وجهك
ضوابط المشاركة
رد مع اقتباس