(( المياه الكبريتيه )) في جنوب قطر ..!

[الماريّة]

بسم الله الرحمن الرحيم



السلام عليكم ورحمه الله

وبركاته

من زمان مانزلت اهنا مواضيع

موضوعي عن المياه الكبريتيه في قطر وبالتحديد في(( منطقه الحرجه )) بعد العامريه

نفس عين نجم الي في الحسا من سنين يتعنون لها العرب



المياه ساخنه ويهدر الماي بقوو
ومفيده جدا لامراض الحساسيه والصدفيه والثعلبه والاالام المفاصل

هذي العين قدييييمه وكنت اسمعها عند ابوي الله يرحمه من سنييين
بس استغربت ان اغلب الناس مايعرفونها

والحين صار عليها اقبال كبير ولما تروح لها لازم تحصل مجموعات من السيارات عندها

الي استغرب منه ليش الحكومه ماتهتم بها وتعلن عنها وتحط عندها مثل الحمامات وانتوا بكرامه عشان الناس يقدرون يتسبحون فيها براحتهم

واتوقع بعد لو الاجانب دلوها ماراح يتركونها ...

الي حاب ياخذ اهله هناك انصحه ياخذ معه سناح عشان اتذرى من الناس
،
،

هذا وصف الطريق لها وبعض صورها :-

بعد العامريه بمسافه 6 كيلو او اكثر
بتشوفون اعمده الضغط الكهربائي على يدكم اليسار على طول الطريق من عندها
طريق بر حصى بعد ماتاخذون هالطريق

بتشوفون العين بتكون على يدكم اليمين عندها شجر ومحوطه بشبك مفتوح

وهذي الصور :-

هذي لفتها


وهذي هي العين او المياه الكبريتيه



الماي على طول يهدر بالهطريقه



وهذا شكلها من برى محوطه بشبك وفيها شجر





،
،
،

اتمنى تستفيدون من الموضوع
يعلم الله نزلت الموضوع عشان الكل يستفيد من المياه الكبريتيه

:
:
ويعطيكم العافيه جميعا
الماريه

[أسد الجزيرة]

في حد استفاد منها ؟

[عاهد بن علي]

نعم انا
لأني اول مرة اسمع عنها
الف الف شكر

[نفسي عزيزه]

يبييييييييله وبشده

الف شكر لجميع مشاركاتج المفيده انتي عضوه نشطه ومفيده الله لايغير عليج وينفع بج

ماشاء الله تبارك الرحمن

[Charisma]

موضوع مميز !


جزاكم الله خير على الطرح ، وفي أنتظار تجارب واراء الأعضاء .

[المخفي]

نتمنى من الحكومة الاستفادة منها في عمل منتجع علاجي يجذب الزوار للعلاج

[بانغ بانغ]

أنا جربتها في مدينة فيشي في فرنسا

صراحة صحية بشكل كبير خاصة لكبار السن

[شبح الصمت]

وعليكم السلام ورحمة الله وبركاته ،،،


الله يجزاج خير يالماريه ويكتب اجرج يارب ..

هل المياه تنفع للاطفال الي فيهم أكزيما

حد يفيدنا بارك الله فيكم ..

وجعلكم ما تشوفون شر ومكروه لقريب أو بعيد ..

[سالم الزهران]

جزاك الله خير يا المارية

اخوي شبح, الأكزيما جت في ولدي الكبير وهو عمره سنتين و جلست اراجع كتور سعودي في جدة ومشهور جداً

عطاني مراهم هو يسويها بنفسه و بعدين فاتني كم موعد لانه يسافر الخارج ( المهم كتب لي علاج من الصيدلية قيمته ما تذكر و من اسبوع الا والاكزيما تلاشت و الى اليوم الحمدلله) تتخيل ؟ يعني اختصر علي الموضوع وهو كان يبيع المراهم بالميتين و الثلاث ؟؟

[شبح الصمت]

جزاك الله خير يا المارية

اخوي شبح, الأكزيما جت في ولدي الكبير وهو عمره سنتين و جلست اراجع كتور سعودي في جدة ومشهور جداً

عطاني مراهم هو يسويها بنفسه و بعدين فاتني كم موعد لانه يسافر الخارج ( المهم كتب لي علاج من الصيدلية قيمته ما تذكر و من اسبوع الا والاكزيما تلاشت و الى اليوم الحمدلله) تتخيل ؟ يعني اختصر علي الموضوع وهو كان يبيع المراهم بالميتين و الثلاث ؟؟

الله يجزاك خير ياخوي لو تعطيني اسم العلاج ..