راح ابتدي من آخر سطر ذكرته اخوي :
رايك على العين والراس أيا كان
وواجب علي وعلى غيري نحترم رايك ونظرتك ، لان في النهاية لا نظرتي قرآن ولا نظرتك اخوي ، وكلنا نخطئ ونصيب ، وكل واحد له زاوية يشوف منها الموضوع
فبالتالي احترم رايك وتحترم رايي
هاذي اول نقطة
ثاني نقطة طال عمرك : راح اعقب على كلامك جزئية جزئية :
هل الأمور اللي ذكرتها أمور استثنائية او طارئة اخوي ؟ هاذي أمور يومية تقريبا (باستثناء الموعد وراح أوضح لك بعد الموضوع)انه لو عندك مشوار او زياره او موعد او دوام
بضطر اضطرارا انك توصل على موعدك
واذا الشارع مزحوم : ف اشلون بتوصل ؟؟
الكل عنده دوام
والكل عنده زيارات
والكل عنده مواعيد ومشاوير
هل هذا يبرر المخالفات ؟؟ قطعا لا
مااتكلم عن الحالات الطارئة مثل اسعاف مريض مثلا او حالة مستعجلة ، وفي هاذي حتى القانون يسمح لك تتجاوز
لكن اتجاوز وأقول وراي دوام؟؟؟ !!! الكل وراه دوام مب انا بس ، وانا عارف موعد ووقت دوامي وعارف ان في زحمة ، اذن واجب علي آخذ احتياطاتي
كلامك عن السرعة اخويالقصد لو ان الشوارع فيها انسيابيه وماشيه : ما اتوقع ان في احد بيخالف
طيب والمخالفات الثانية ؟؟ وش علاقة الزحمة بالوقوف في الممنوع مثلا ؟(بغض النظر عن الاستثناءات)
وش علاقة الزحمة بضرب الأرصفة والدخول من اليمين على خلق الله ؟
يعني على الكل مب على ناس وناسصاير شارع ولا اروع وتبدا الاختناقات فيه من جسر اللاند باتجاه الدوحه عكس قبل اسبوع اللي كانت تبدا فيه الزحمه من ام صلال خاصه الصبح والعصر ..
اذن الكل المفروض يلتزم ومايخالف
وبعدين اذا خذنا باهالمنطق اخوي : معناها اللي مايخالف غلطان !!!!! انقلبت الآية
بدال مايصير اللي يخالف غلطان صار اللي مايخالف غلطان !!!!
اما اللي فلوسه زايدة ويبي يدفعها للمرور فاقول له : جزاك الله خير
في النهاية : ارجع وأقول لك اخوي رايك على العين والراس وكل شخص يؤخذ من كلامه ويُترك
وبالله التوفيق