المتناقض مايضر الا نفسه ، لكن بنفس الوقت انا ضد التركيز على تصرفات وأفعال الأخرين وربطها لأيجاد التناقض ، مثال على ذلك ماذكر في الموضوع من مشهور لايملك اصدقاء ، ماشوف ان الموضوع يستدعي الضيقة او الأستياء لان هالشيء لايخص احد ، لكن ان قام هالمشهور وسوا شي غلط وواضح ولاشك فيه او روج لافكار مغلوطه هنا نقول ستوب .
سبحانك اللهم وبحمدك اشهد ان لا اله الا انت استغفرك واتوب اليك.
مساء الانوار..
قد.. أقول قد.. يكون صاحب الموضوع متابع جيد للمشهور هذا.. وقدر من خلال متابعته رصد كمية التناقض الموجودة فيه..
بما انه ما تطرق الى اسمه فهو بالشكل هذا يتكلم عن التصرف نفسه مب عن الشخص.. وان كان في داخله مركز على الشخص..
فالتناقض الواضح للي يتابعه ويركز معاه.. امر يستحق نقول عنده ستوب اخوي كريزما..
مثل ما احنا نشوف أمور غلط نقول عندها ستوب..
لذلك اميل الى بغض و رفض التناقض الواضح للعيان .. دون البحث عن خفايا الأشخاص
لاظهار ما يحملونه من تناقض لا يبدونه امام الناس.. ( لأن دام الله ساتر عليه.. مالي شغل انبش وراه)
ولكن دامه يناقض نفسه ويقول شي ويفعل شي ثاني امام الناس "عيني عينك" أكيد الواحد بيتضايق من تناقضه..
وان كان تناقضه هذا ما يضر الا نفسه.. في حين اشوفه لو كان مشهور ممكن يسحب معاه جيل المتابعين اللي
مب عارفين يأسسون قواعدهم بشكل صحيح وسليم..