والله ينور حياتك بالايمانالمشاركة الأصلية كتبت بواسطة سعود.
بكم حصلته وشنوعه وصناعته
|
والله ينور حياتك بالايمان
بكم حصلته وشنوعه وصناعته
من قال لاأعلم فقد افتى
مدري والله بس شفتة عندهم ولا سألت عنه .
تقدر تتواصل معهم بالارقام المذكورة اعلاه .
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
صحيح راح عن بالي وتوقعتك تدريمن قال لاأعلم فقد افتى
مدري والله بس شفتة عندهم ولا سألت عنه .
تقدر تتواصل معهم بالارقام المذكورة اعلاه .
عندي نفس المشكلة مع الصبغ الخارجي
كل ماينصبغ حد سنتين وخصوصا مع المطر يتقشر
مش عارف شاسوي ؟
الاخ معماري لو تعطيني رقم الصباغ على الخاص اكون شاكر لك
الصباغ يا اخوي الأهم إنت تحدد شيسوي لكن تطلبه شغلة وتركز على السعر هو ممكن ياخذ فلوسه ويخلص شغلة ترقيعية ويروح لكن للخارج لازم الصبغ مناسب وقوي ومقاوم للرطوبة ولازم معالجة البلاستر والبرايمر الأساسي والمعجون
ألحين الوقت زين والتقشير لو جاء بالرمل يكون أفضل لأن بالماي المشكلة الماي يدخل في الطابوق مع البرشر .. انا سووا لي بالماي ونطرت لين جف بعد الصبغ كان جوتاشيلد مع برايمر جوتاشيلد ومع طبقة حماية حول 3 - 5 ملم رش متدرج في السمك على شكل كرات مضغوطة بالرولر .. بعد سنة وشوي طلعت رطوبة بسيطة من تحت قرب أرضية البيت وهذي حلها بصبغ قوي ( ايبوكسي ) أو بنعلات حماية وتأثيرها بسيط إن شاء الله
الشركات المختصة مثل بن جاسم للديكور وكم شركة في طريق سلوى تسوي لك الشغل بمعدات قوية وصالحة للاستعمال وبسرعة .. صحيح شوي غالي بس شغل مضمون وزين حق فترة طويلة .. الباكستاني اللي اشتغل لي بجودة وبسعر حول ثلث سعر الشركات هذي المختصة وخذ حول شهر .. بارسل لك رقمه بس حاول يكون اتفاقك معاه على مراحل ما يسوي لك واجهة وينقز لواجهة ثانية أو جزء وينقز لجزء غير يعني يخلص المرحلة وبعدين يكمل اللي بعدها
تقدر تشتغل على واجهة تقشير وازالة للقديم وبعدها اصلاح للبلاستر وبرايمر ومعجون وتخليها وتتجه لواجهة ثانية بس خله يخلص الواجهة كاملة لكل مرحلة وانتبه شوف شسوى وتابعه .. لا تنسى تركيب أي ديكور أو جي ار سي أو انارة اضافية أو اخفاء بايبات في الحائط قبل المعجون والبرايمر
تامر يابو عبدالله لو تبي اي شي عن طريق النت انا حاضر وصارلي 11 سنه اشتري عن طريق النت اوفر بمراحل عن اسعارنا الخياليه
ساعات اطلب من فرنسا او المانيا او بريطانيا لو شي كهربائي عشان 220 فولت
اما الشغلات الثانية اطلبها من امريكا
ما تقصر الله يحفظك بو حمود
حصلناه موجود في قطر ولا يحتاج الطلب من برا
الأخ معماري قطري ماقصرت وسيتم العمل بنصائحك
ويعطيك العافية وصلني الرقم
الله يعافيك إخوي ولازم تنتبه انا مجرب هذا المقاول بس ما يعني إنه ما يلف ويدور خصوصاً التقشير هم يتعبون فيه ويخلون أماكن بدون تقشير كامل بس للأمانة شغلهم فرق كبير عن شغل مصري غشنا أثناء سفري وعدم تواجدي لمتابعته .. لهف الرز وراح وقام يبرر بعدين أصل الرطوبة عندك في كل الحيطان وأصل ما ادري وشو وشوي يقول لي بيتك لازم تهدمه
ضوابط المشاركة
رد مع اقتباس