مشاهير السناب ( البعض )

[sweet qatar]

توقعت بشوف هجوم على كلامي بس زين.. هاها

اكيد الادمان غلط وانا ضد الادمان..
حاول تستخدم البرنامج بوسطيه واذا والله ماقدرت وشفت نفسك ادمنته حاول تقطعه كامل
بس السناب صج برنامج ممتع وخاصه اذا كنت ضايف ناس مبعدين
ممكن تشوف احداث واماكن أول مره تسمع فيها وممكن تستفيد من تجارب البعض وخبراتهم وحتى سوالفهم
عموما كنت ناوي اكتب كلام عن البرنامج وجي.. بس عقب كل هالرفض خلاص الوضع مايشجع اني اطرح وجهة نظري
محد خرب سمعه البرنامج الا الفاشنيسسطاط والمراهقين الي اين ماحلوا خربوا كل شي علينا هاهاها

عاد المراهقين آهم فئة المفروض النقاش هني يتطرق لها

ما اعتقد ان من بلغ من العمر عتيا يهمنا اذا كان ماسك سناب ولا عنده باث

بكل بساطة لانه صاحب قرار وقادر على الاختيار والتمييز

اما المراهق فهو لا يعرف يختار ولا يقدر يتوقع عواقب الامور

سهل الانقياد والتاثير فيه



لحظة

نسيت انك كنت في يوم ما مراهق ؟؟ ليش الحين تقلل من قيمتهم ؟

[MirusS]

عاد المراهقين آهم فئة المفروض النقاش هني يتطرق لها
ما اعتقد ان من بلغ من العمر عتيا يهمنا اذا كان ماسك سناب ولا عنده باث
بكل بساطة لانه صاحب قرار وقادر على الاختيار والتمييز
اما المراهق فهو لا يعرف يختار ولا يقدر يتوقع عواقب الامور
سهل الانقياد والتاثير فيه

لحظة
نسيت انك كنت في يوم ما مراهق ؟؟ ليش الحين تقلل من قيمتهم ؟

المراهق اهم شي توعيه وتعطيه كم محاضره وعقبها تخليه على راحته
مراهق عنده سناب شنو اسوء شي ممكن يسويه؟
يا انه بيتابع اشخاص افكارهم غلط وبيتاثر فيهم . أو انه بيتابع حساباات بايخه أو مخله
هني ايي دور الاهل فالتوعيه قبل الغلط والمحاسبه بعد الغلط

[MirusS]

حاب اوضح شغله يمكن البعض يجهلها
ان حسابك فالسناب مايكون مفتوح للكل
واغلب الناس ماتضيف غير الربع والاهل والمشاهير
ماعتقد حد بيضيف شخص مجهول وبيهتم يتابع يومياته
شخصيا مب ميت عالسناب وتمر ايام مابطل سنابي كلش..بس اشوف البرنامج ممتع ويقضي الوقت
( بشرط اذا عرفت كيفية استخدامه بفاعليه)
انا متاكد اغلب الي انتقدوا البرنامج مب عارفين كيف يستخدمونه

[يمامـة]

وايد اوفر .. على الاقل شوفي لج كلمة بديلة عن الجهاد اذا مصرة على المبالغة اللغوية !!

ان شاء الله تحت امرج.. في أي أوامر ثانية؟

[يمامـة]

حاب اوضح شغله يمكن البعض يجهلها
ان حسابك فالسناب مايكون مفتوح للكل
واغلب الناس ماتضيف غير الربع والاهل والمشاهير
ماعتقد حد بيضيف شخص مجهول وبيهتم يتابع يومياته
شخصيا مب ميت عالسناب وتمر ايام مابطل سنابي كلش..بس اشوف البرنامج ممتع ويقضي الوقت
( بشرط اذا عرفت كيفية استخدامه بفاعليه)
انا متاكد اغلب الي انتقدوا البرنامج مب عارفين كيف يستخدمونه

صباح الخير..

اعتقد ان هناك إشكالية في فهم اختلاف وجهات النظر و تقبل حرية الرأي عند البعض..

الكلام اهنيه لا يعنيك انت بالذات.. ولكن موجه لكل شخص يقف مع او ضد الاهتمام في مثل هالتطبيقات..
لذلك قد ترى تشنج او نرفزة من أي رأي يخالف توجه الآراء الثانية وقد يفقد الحوار ادبه بسبب هذا التشنج..
بينما كل ما في الموضوع ان كل منا في مثل هالاماكن يعبر عن رايه بالطريقة اللي يحس انه أدى اللي عليه..

ومن ثم أوجه لك كلامي بشكل خاص وأقول لك..

لابد ان نستوعب ان التطبيقات بحد ذاتها مب غلط.. ولا الاشتراك فيها والاستفادة منها غلط..
بدليل في ناس فاتحة بيوت وتكد عليها من خلال الاشتراك في هالتطبيقات.. وفي ناس تنشر الخير من خلال هالتطبيقات..

ولكن لما هالتطبيقات مفسدتها وسرقتها لاوقاتنا تكون اكبر من الفايدة منها.. اهنيه نقول الابتعاد عنها افضل..
وهذا رأي من يقف ضد الاشتراك في مثل هالتطبيقات..

فالسناب كتطبيق ما بيسوي لك شي .. حاله حال السيارة لو استخدمتها في مشاويرك.. لكن لما تعسس فيها من غير فايدة
اهنيه ما بنتهم السيارة قد ما نتهمك انت في تضييع وقتك وترك التعسس في السيارة..( طبعا هذا مثال لا يعنيك..)

اما موضوع ان اغلب اللي انتقدوا الرنامج مب عارفين يستخدمونه
اعتقد خانك التعبير في السطر السابق ..
فالسناب حاله حال أي تطبيق يطرح له محاسن وله مساوئ سواء اعرفوا يستخدمونه
او يفتحونه من غير ما يعرفون يستخدمونه.. فهو حاله حال تويتر حال جوجل بلاس حاله حال الوتس اب او اللاين او أي تطبيق
اخر يوصلك بالعالم من حولك.. في ناس مضيعة وقتها في الوتس اب وكل اشوي منزلين لك فيديو في التحديث اليديد له..
وهذا غير المسجات اللي تتحاذف عليك منهم صبح وليل ونهار.. ولكل فترة موده الخاص من المسجات!!
فلو ردينا للسناب
وبما ان الواحد متعلق فيه ( فشي طبيعي راح يقضي وقت كبير فيه.. قد يكون هالوقت مفيد بالنسبة له.. وقد يكون مب مفيد
بس يدعي انه يستفيد.. لأنه بيشوف الصالح والطالح.. وان ضاف الصالحين راح يطلعون الطالحين من اهنيه ومن هناك..
وقد يضغط عليهم ويشوفهم من باب الفضول.. او يشوف شنهي سالفتهم.. والبعض للأسف يسجل يومياته و يصوركل نملة تمر من صوبه
ويقول لك السناب مفيد..).....................> أتكلم عن واقع مشاهدة للي حولي وأتمنى لحد يتشنج من المنتدى ويعتبرني أتكلم عنه..

أتمنى لك من كل قلبي لك ولغيرك كامل الاستفادة من السناب وغير السناب.. لكن لو بتكلم عن رايي
ما أتمنى تواجد مثل هالتطبيقات في جواويل عيالي.. وأتمنى هالشي يكون نابع منهم ومن اعماقهم..

واعذرني خذت من وقتك..

[sweet qatar]

المراهق اهم شي توعيه وتعطيه كم محاضره وعقبها تخليه على راحته
مراهق عنده سناب شنو اسوء شي ممكن يسويه؟
يا انه بيتابع اشخاص افكارهم غلط وبيتاثر فيهم . أو انه بيتابع حساباات بايخه أو مخله
هني ايي دور الاهل فالتوعيه قبل الغلط والمحاسبه بعد الغلط

يحتاج اكثر من توعيه و محاضرات

يحتاج قيم واضحة تنزرع فيه .. ولا بيختلط عليه الصح والغلط

ان شاء الله تحت امرج.. في أي أوامر ثانية؟

شكراً .. الأمر لله


يكفي تشويه لكلمة الجهاد

اضافة ان اقتباس مثل هذه الالفاظ عليه محاذير شرعية

[يمامـة]

شكراً .. الأمر لله


يكفي تشويه لكلمة الجهاد

اضافة ان اقتباس مثل هذه الالفاظ عليه محاذير شرعية

العفو ..

انصحج تصححين معلوماتج بخصوص مصطلح" الجهاد"
وتستفيدين من علم اهل اللغة عند استخدام هالكلمة وما تربطينها بالشرع وتضعين محاذير على استخدامها..

[الماريّة]

وعليكم السلام ورحمة الله وبركاته..

يا حظج يا المارية انج تحملين هالألم عند استخدام مثل هالتطبيقات اللي تضيع الوقت
بينما كثيريين يعتبرون ما يقومون به جهاد في سبيل التطور و مواكبة الحضارة الرقمية..

اهنيج على مقدار الأسف والالم اللي تحملينه.. فاستبشري خير فأنت في الطريق الصحيح..


اللي نمر فيه لما نتعلق بمثل هالامور ما هو الا ادمان مثل ما ذكر كريزما في احدى مشاركته
لما اطق مصطلح الإدمان الرقمي على ما يحدث لنا عند تعلقنا بهذا العالم..

و مثل هالادمان علشان أكون صريحة معاج صعب تقضين عليه لمجرد حذف التطبيق من جوالج..
لأنج بتحنين وبتردينه مرة ثانية..

تدرجي في التخلص من التطبيق.. وان ما حبيتي تتخلصين منه.. حاولي تخصصين له وقت وزمن
تعطينه من وقتج..

وابعدي الجوال عن يدج وانتي تأدين أمور ثانية. اقلها افصلي النت عن الجوال..
واذا محتاجة للنت في أمور ثانية وقفي تنبيهات التطبيقات اللي انتي متعلقة فيها..

سوي تصفيات وغربلة للي اتابعينهم.. وابتدي باستبعاد الابعد الى الأقرب..
فالجيران اول شي ومن ثم الاهل .. اذا كنت ناوية بالفعل تحذفين التطبيق..

لا تهتمين بأي شي متعلق بمثل هالتطبيقات ولا تسئلين عنها لما تكونين في حضرة
ناس منشغلين فيها.. ولا تهتمين تعرفين اخبار سين او صاد من مشاهير هالتطبيقات..

وخلج مثل كثيريين يعبرون عن رغبتهم في عدم تضييع وقت اكثر بالانشغال بمثل هالتطبيقات
لما يسئلونج عن سبب عدم متابعتج لهم.. وانج في طريقج لغربلة مثل هالتطبيقات من جوالج..

اللي تمرين فيه تجربة تستحق انج تولينها كل اهتمام وتعملين على نفسج..
فربنا يسهل لج امورج يارب ويقدرج على التخلص على هالالم بما يرضي الله..

مرحبتين بشيخه المنتدى
ياهلا والله باليمامه قبل اي اشي ابي اعترف لج اني جدا معجبه بردودج
وبكتاباتج ربي يحفظج ماشاء الله لا اله الا الله

استمتع وانا اقرا اسلوبج في النقاش .. مثلج بعد بعض الاعضاء اقلام مميزه بالاسلوب
الراقي


وفديتج يارب يكتب لنا اجر هالاحساس الي نحس به من تساهلنا وتقصيرنا في القران
وهذا اقل شي نسويه محاسبه النفس

وبخصوص الادمان صدقتي غاليتي اشهد بالله انه ادمان وملهي ومضيع الوقت
على قولت شيبانا لول ( ملهي الرعيان ) لاحول ولاقوه الا بالله

وان شاء الله باخذ بنصيحتج وبنصيحه الاخوات مثلج وشرواج بحاول شوي شوي
ابتعد واخفف المتابعين ليما اتخلص منه

والحين رمضان مقبل علينا فرصه يكون عذر اسكره وثم احذفه يارب انك تعيني
وتعطيني قوه الاراده على ذلك

اللي تمرين فيه تجربة تستحق انج تولينها كل اهتمام وتعملين على نفسج..
فربنا يسهل لج امورج يارب ويقدرج على التخلص على هالالم بما يرضي الله

فعلا هي تجربه وصعبه جدا واعتبرها فعلا جهاد نفسي بين كسب الوقت واللهو بالوقت
اسال الله القدير لي ولكم جميعا ان يرزقنا البركه في الوقت وعدم تضييعه والاستفاده منه

وجعل ربي يرحم والديج ويحفظج من كل سوء وهالكلام الطيب الي يشجع ويريح الخاطر
من تأنيب الضمير
عسى ربي يرضى عليج اختي يمامه دنيا واخره

الف مليون شكر لج ولأمثالج الناصحين من كل قلوبهم

و مرحبتين يالغلا تقبلي كل احترامي وتقديري ,

/
\
/
اختج الماريه

[MirusS]

صباح الخير..

اعتقد ان هناك إشكالية في فهم اختلاف وجهات النظر و تقبل حرية الرأي عند البعض..

الكلام اهنيه لا يعنيك انت بالذات.. ولكن موجه لكل شخص يقف مع او ضد الاهتمام في مثل هالتطبيقات..
لذلك قد ترى تشنج او نرفزة من أي رأي يخالف توجه الآراء الثانية وقد يفقد الحوار ادبه بسبب هذا التشنج..
بينما كل ما في الموضوع ان كل منا في مثل هالاماكن يعبر عن رايه بالطريقة اللي يحس انه أدى اللي عليه..

ومن ثم أوجه لك كلامي بشكل خاص وأقول لك..

لابد ان نستوعب ان التطبيقات بحد ذاتها مب غلط.. ولا الاشتراك فيها والاستفادة منها غلط..
بدليل في ناس فاتحة بيوت وتكد عليها من خلال الاشتراك في هالتطبيقات.. وفي ناس تنشر الخير من خلال هالتطبيقات..

ولكن لما هالتطبيقات مفسدتها وسرقتها لاوقاتنا تكون اكبر من الفايدة منها.. اهنيه نقول الابتعاد عنها افضل..
وهذا رأي من يقف ضد الاشتراك في مثل هالتطبيقات..

فالسناب كتطبيق ما بيسوي لك شي .. حاله حال السيارة لو استخدمتها في مشاويرك.. لكن لما تعسس فيها من غير فايدة
اهنيه ما بنتهم السيارة قد ما نتهمك انت في تضييع وقتك وترك التعسس في السيارة..( طبعا هذا مثال لا يعنيك..)

اما موضوع ان اغلب اللي انتقدوا الرنامج مب عارفين يستخدمونه
اعتقد خانك التعبير في السطر السابق ..
فالسناب حاله حال أي تطبيق يطرح له محاسن وله مساوئ سواء اعرفوا يستخدمونه
او يفتحونه من غير ما يعرفون يستخدمونه.. فهو حاله حال تويتر حال جوجل بلاس حاله حال الوتس اب او اللاين او أي تطبيق
اخر يوصلك بالعالم من حولك.. في ناس مضيعة وقتها في الوتس اب وكل اشوي منزلين لك فيديو في التحديث اليديد له..
وهذا غير المسجات اللي تتحاذف عليك منهم صبح وليل ونهار.. ولكل فترة موده الخاص من المسجات!!
فلو ردينا للسناب
وبما ان الواحد متعلق فيه ( فشي طبيعي راح يقضي وقت كبير فيه.. قد يكون هالوقت مفيد بالنسبة له.. وقد يكون مب مفيد
بس يدعي انه يستفيد.. لأنه بيشوف الصالح والطالح.. وان ضاف الصالحين راح يطلعون الطالحين من اهنيه ومن هناك..
وقد يضغط عليهم ويشوفهم من باب الفضول.. او يشوف شنهي سالفتهم.. والبعض للأسف يسجل يومياته و يصوركل نملة تمر من صوبه
ويقول لك السناب مفيد..).....................> أتكلم عن واقع مشاهدة للي حولي وأتمنى لحد يتشنج من المنتدى ويعتبرني أتكلم عنه..

أتمنى لك من كل قلبي لك ولغيرك كامل الاستفادة من السناب وغير السناب.. لكن لو بتكلم عن رايي
ما أتمنى تواجد مثل هالتطبيقات في جواويل عيالي.. وأتمنى هالشي يكون نابع منهم ومن اعماقهم..

واعذرني خذت من وقتك..

يعني احنا مب مختلفين الا في نقطه تضيع الوقت
بس ترى ياليمامه في وايد امور فحياتنا ممكن يضيع الوقت فيها بدون ماننجز شي مفيد
وبعدين ضروري يعني كل شي لازم يكون مفيد؟
عموما السوشسال ميديا بشكل عام نقدر نعتبره متنفس للناس فطبيعي الامور الترفيهيه والغير مفيده تطغى على المفيد.
ولو انه في ناس وايد فالسوشيال ميديا يتنافسون على الابداع في الطرح
وانت بيدك تختار الي تبغيه
آمين وياج

[ameeer3]

ما اقدر اعبر عن رأي في الموضوع ، لاني (( والحمد لله مليون مره)) لحد الان ما استخدمت برنامج (السناب) وما شابه من برامج التواصل الأجتماعي ...

لكن بختصر مشاركتي أو تعبيري لموضوعكم المهم في مثل شعبي ( يا من شراله من حلاله عله).