مشاهير السناب ( البعض )

[الحياة الخالدة]

,

,


مرحبا


شكرا على الموضوع

سناب برنامج الي يميزه انت ( تختار )

( انت ) تضيف من تحب تتابع او من تحب تأخذ المعلومه منه او فائده

انت من تقرر

اذا تتابع واحد ( تافه ) او ( سطحي ) امسحه

واختار الناس الي فيها خير والناس المفيده

كل مشاهير العالم العربي ( تحت يدك )

عاد انت حدد ( ميولك )

تبي المطربه أحلام

تبي واحد ( يستعبط ) وما يتابعه الا الأطفال

تبي الشيخ

عايض القرني

و

الشيخ

العريفي

جزاهم الله خير

وهناك العديد من الناس

( انت ) الي تقرر من تتابع

واحد يسوي دعايات وتحس انه ما يفيدك

واحد يستعرض اموره الخاصه

( احذف ) اسمه

لين تشكل عندك ( مجموعه )

تستحق المتابعه

على سبيل المثال

انا مسوي مجموعه

منها رجال الدين الي فيهم خير

ومنهم الرحاله الى يصورون في هذا العالم

ومنم من يقدم المعلومات عن قطر وعن الفعاليات الي تصير بقطر

ومنهم رجال اعمال

ومنهم ( ترفيه )

واي احد اضيفه واحس ما منه فايده امسحه

الخيار ( بيدنا احنا )

اعتبر السناب مثل اختيار ( الأصدقاء )

نختار الناس الي تستحق الصداقه

,

,

كلام عاقل ومتزن .. أحييك عليه

[Azizuk]

عليكم بخالد حرية من غير انانية

ماعنده الا طبخ واجدور واطياب وعطور وأسواق شعبية

وسواليف مالت اول

[toyota]

مشكورين على رايكم على عيني وراسي اللي تقبل واللي ماتقبل الموضوع ،، انا كنت ضايف كذا شخص من

اللي يسموون نفسهم مشاهير ولكن تفاجأت بمواضعيهم بصراحه كله كلام للاستهلاك فقط وطبعا اكل ببلاش وهدايا

ومادري شنو ،، يا اخي خلك عزيز نفس ولاتذل نفسك حق شي تافه ، ادري الموضوع وايد طول لكن الله يهديهم ويصلحهم ويصلحنا معاهم ،،

انا حذفتهم من يوم ماشفت سناباتهم بصراحه

[بومحمد المطاوعه]

تابع الي يستحق المتابعه
واترك السفيه والبليد

ترتاح نفسيآ

[يمامـة]

الحمدلله رب العالمين.. مريحة بالي من هالموضوع بكل ما فيه من المفيد والفاسد..

وربي لا تغير علي الا للاحسن.. وعلى الجميع.. اللهم اميين يارب العالمين..

[بوحارب]

كلامك صحيح يا راعي التويوتا وانا الحمدلله ماعندي ولا حد من هالخمه اللي تتكلم عنهم

اشكره ياخي يبين عليهم شحاتين لا اقل ولا اكثر

[بوخالد911]

أنت من تقرر وتختار.

[bohilal191]

تابعوني ومابتخسرون في الشهر مره انزل سناب

[sweet qatar]

مساكم الله بالخير
بعض مشاهير السناب بين قوسين اقولها بعض وليس الكل ، يفتح مواضيع يحسسك انه هو اللي بيحل الازمه او الموضوع ولكن للاسف الشديد يطلع بس لووك لوووك وهذا غير الهدايا اللي توصلهم من متابعينهم وبعضهم والله للاسف يعطي كاش في الويه يقول عيد ميلادي اليوم الفلاني ماوصيكم حطو الهدايا في المكان الفلاني وفي المكان الفلاني ومادري وين والشرهه على اللي يتابعه ويروح يحط له هديه ويصور ويقول هذي الهدايا اللي جاتني ، وبعضهم طبعا يمدح مطعم والا محل يطيره السمااا واخرتها ابو الشباب ماكل ببلاش وسفرات ببلاش والمحل معطيه هديه علشان الدعايه ومادري شنو يعني اكل ببلاش وملابس وعطورات وحركات مال بلاش هههه ( مال موفت ) .. الله يخليكم يا بعض بعض بعض مشاهير السناب خفو شوي من هالحركات الله يخليكم ولاتطلعون فيها وتنصحون وانتو اولى انكم تنصحون نفسكم اول ،،، وتصورون وانتو تسوقون بعد مصيبه ،،
وفي ناس في السناب مبدعين ويتكلمون عن مواضيع مهمه جدا والناس تتفاعل معاهم هذي النوعيه من المشاهير اللي الواحد يتابعهم بصراحه
طولتها وهي قصيرة السموحه لو كلامي جرح اي حد بس وجهة نظر فقط

موضوعك مهم لكن اسمح لي شلون تخاطبهم من منتدى ؟؟

دامك طرحت هالموضوع هني المفروض الكلام موجه لاولياء الامور والمربين .. جمهور المنتديات


في الفترة الاخيرة كثروا مشاهير السناب من الشباب اقصد فعلا شباب تحت العشرين


تأثيرهم كبير جدا على المراهقين الاصغر سناً


هالظاهرة تحتاج مناقشة وفهم اسباب تعلق الصغار فيهم و تمييز الزين من الشين
من الي عنده سالفه ومن الي ما عنده و جذي !

[sweet qatar]

سناب برنامج الي يميزه انت ( تختار )

( انت ) تضيف من تحب تتابع او من تحب تأخذ المعلومه منه او فائده

انت من تقرر

ولقد أسمعت لو ناديت حياً .. لكن لا حياة لمن تنادي


من جهة ثانية المؤثرين في كل السوشال ميديا لازم تنرسم لهم حدود من مؤسسات الدولة كلن في مجاله للحفاظ على المجتمع و السوق

ممكن بالنقاش والاخذ والرد تتوضح الصورة و توزيع المسؤليات

اذا البعض ترك المجال للحوار والمناقشة