زين كبود ديكا هذي وين في تركيا وشلون وصلتوها وشكثر تاخذ من اسطنبول
ملف مرفق 99708
للذهاب يوجد مطارين بالقرب من كابادوكيا ، ولكن يجب النزول ترانزيت اولا مطار اسطانبول ( اتاتورك او صبيحه )
المطارات بالقرب من كابادوكيا : ( تبعد ساعه طيران )
1- مطار قيصري والمسمى بـ Kayseri Erkilet Airport ويرمز له بـ ( ASR ) ( يبعد ساعه بالسياره الى وسط كابادوكيا )
او
2- مطار نيفشير يدعى بـ Nevsehir Kapadokya Airport ويرمز له ب ( NAV ) وهو الخيار الثاني جواً لكنه الأقرب. ( يبعد ربع ساعه حتى وسط كابادوكيا )
خطوط الطيران الداخلي :
Pegasus Airlines و Turkish Aairlines
وللي مايبغي طيران ترانزيت ممكن ينزل دايركت مطار انقره وياخذ سياره
وتبعد عن انقره مسافه 3 ساعات ونصف
التعديل الأخير تم بواسطة monatee ; 23-03-2017 الساعة 09:00 AM
الحمدلله ع السلامة تقرير مبسط وتجربة فريدة وممتعة بس التقرير ناقص ومحتاج الاجابة على هالاسئلة لتعم الفائدة :
1- كيف تم ترتيب الحجوزات ( تذاكر السفر + السكن ) ؟؟ هل من هنا مباشرة .. والا من هنا وهناك
2- كيف يتم الحجز لرحلة المنطاد ؟ هل موقع الكتروني متاح للحجز هل متاح عن طريق الفندق او فقط المكاتب السياحية هناك ؟ ممكن معلومات اكثر هل يوميا الرحلات ؟؟ اوقاتها هل الصبح فقط وكم عدد الرحلات في اليوم الواحد ؟؟ وماهو افضل وقت ؟؟
الاعمار المسموح بها ؟ الاغراض اللي مسموح بها ع المنطاد ؟؟ كم تستغرق الرحلة ؟؟
وشكرا
" أستغفر الله الذي لا إله إلا هو الحيُّ القيّوم وأتوب إليه "
قال رسول الله صلى الله عليه وسلم : "من صلى عليّ صلاة صلى الله عليه بها عشرا". رواه مسلم
http://www.safeshare.tv/w/AMTlGDPGGT
كل شي انا حجزته اون لاين
الذهاب من الدوحه على اسطانبول صبيحه .. وبعدها بدلنا طياره على خطوط بيغاسوس
ونزلنا على مطار قيصري .. واجرنا سياره ورحنا بنفسنا لكابادوكيا مسافه 50 دقيقه او ساعه
اما حجوزات المنطاد .. حجزته بالنت من شركه رويال بالون Royal Balloon .. الشركات كثيييره وماتخلص
لكن انا شفت هاذي الانسب لي .. مجرد تكتب حجوزات منطاد كابادوكيا في قوقل راح تطلع لك الشركات
وايضا ممكن تشوف الشركات اللي ريتها عالي ويمدحونها الناس عن طريق موقع تريب ادفايزر tripadvisor.com
يفضل الحجز المسبق للمنطاد .. وليس عند الذهاب هناك وخاصه اذا كان موسم سياحه
بالاضافه ان الفندق نفسه اللي راح تحجزه راح يخدمك بحجوزات المنطاد
اغلبيه الفنادق هناك تقدم هالخدمه بالتعاون مع محلات السياحه
والفندق حجزته عن طريق بوكينك اسمه ميراس هوتيل Miras Hotel
بالنسبه للمنطاد جميع المناطيد تقلع في اول الصباح فقط .. مكتب السياحه بنفسه راح ياخذك من الفندق
وياخذون الجميع لمقر المكتب ويقدمون لهم وجبه الافطار
المكتب بنفسه راح يتواصل معاك ل يبلغك الساعه كم بالضبط راح ياخذونك للمنطاد
الرحلات تكون حول ساعه الى 90 دقيقه
الرحلات يوميا على مدار السنه
نادرا ماتلغى الرحلات بسبب حاله الطقس
اعمار الاطفال المسموح بها :
ابتداءا من 4 سنين ( 4 - 5 سنين ) مجانا ( السله اللي نركب فيها راح تكون عاليه عليهم فمابيشوفون شي )
من ( 6 -12 ) نصف السعر
مافي اي تعليق منهم بخصوص نوعيه الاغراض التي يجب حملها من عدمه
الجميع كان معاهم شنطهم العاديه وكاميرات التصوير
مثل ماقلت كل شي انا حجزته بنفسي اون لاين
وتقريبا تكفله الرحله كامله اطلعت بحدود 5000 ريال الى 6000 ريال لشخصين ، 3 ليالي