انت من كتبت 5 نجوم شككتني إنك بتأجر البيت أو بتحوله فندق
الله يهنيك تخيلت الوضع .. يعني انفتاح البلكونة بيكون من الأمام ومن فوق بس .. إخوي الله يسلمك مسوي تغطية سقف بحديد مغلف بالألمنيوم لحوض سباحة ومعاه تجهيز كهربي لستائر بلاستيكية تنفتح حسب الحاجة لإدخال النور من فوق .. القزاز كله مربعات ودبل ومعزول وطالع كثير حلو
بالنسبة لك تقدر تخلي الحديد مغطى بيو بي في سي تشكيلة خشب أو بخشب من داخل ومن الخارج بيو بي في سي أو ألمنيوم وترفع السقف أرفع ما يمكن لقريب لحد سور السقف الأعلى .. ممكن تسويه مايل شوي جهة الأمام ولتفوت ترك جزء بسيط من البلكونة خارجي ومزروع حتى اللي داخل يشوف الزراعة والزراعة في اصيصات أو توانكي مقصوصة أو فريمات فيبر أو روتومولد .. ما ادري شظروف الواجهة عندك ممكن خلفية ولا بمهمة تقدر تبني تمديد بسيط بحدود متر ونص للبلكونة الخارجية .. تحتاج لممر بسيط للخروج لترتيب الزراعة وسقيها
لو موقعها على واجهة تقدر تسوي شلال من فوق يصب لتحت ويطلع من بين الشجر .. يعني طرف البلكونة خزان الشلال ووينزل على لوح قزاز نزول خفيف للماء بحيث ما يثقل على القزاز وينزل سيدة وبعيد شوي عن البيت .. وراه الزراعة ووراه واجهة القزاز المتصلة مع السقف
التغطية بالقزاز وايد يسوونها والاختصاصي فنانين فيها .. بتكلفك بحدود 300 - 400 ألف ريال
تبي شيء أرخص عندك الدوحة يو بي في سي وقطر كويك سبان هم نفس الشركة وعندهم بلاستيك من طبقتين بينهم فراغات هواء ويجون بألوان مثل الأزرق ويقدرون يسوون لك الفريم مقوس وستانلس ستيل لو تبي لأن البلاستيك سهل لفه ويجي ألواح كل لوح 6 في 2 متر واحتمال فيه أطول .. انا شريت من عندهم الألواح وركبها لي حداد وكانت رخيصة .. الحداد يمني محترم بس غلطت ما طلبت منه تغطية الحديد أو صبغه بالايبوكسي وصدأ شوي لأني غطيت سقف حوض سباحة به
دورت الفيديو ما حصلته وسبق حطيته في موضوع خاص بأحواض السباحة من فترة بسيطة
الحل الأخير التغطية بفريم ألمنيوم أو يو بي في سي وانتبه للربلات وطريقة التركيب والضمان عن التسريب وأي شركة مختصة تقدر تسويه لك وبحدود معقولة .. وما تحتاج ستاير في رأيي للسقف ولا حتى للواجهة ومخفي لو بتسويه خل أجزاء بدون حتى تقدر تشوف الخارج في الليل
|
رد مع اقتباس
المشاركة الأصلية كتبت بواسطة MAZEN37
