الايباد والجوال يسبب التوحد للأطفال

[Qtr37]

يعني ممكن الواحد يصاب وهو مولود سليم؟

[سالم الزهران]

(لا) محد يصاب وهو مولود سليم في حدود علمي. ولكن هل ممكن يتأخر ظهور علامات واعراض السلوك التوحدي ؟؟ الله اعلم
برغم ان النظريات الحديثة تذهب عكس الاتجاه بحيث يزعمون انه بالامكان التعرف على اعراض التوحد حتى في الاسبوع الأول من الولادة!

اللي يحذر منه المختصين واطباء النمو هو عدم ترك الاطفال في فترة الطفولة المبكرة(الخمس سنوات الاولى) مع الاجهزة والالعاب فقط؛ لأنها فترة تعلم وتنمية مهارات و اولها مهارات التخاطب والتركيز والفهم و التحليل

اي انسان حتى لو بالغ بتلاحظ عليه مع شدة تعلقة بالجوال ,, عدم التفاعل مع المحيط ولا يشترك مع المجموعة ( كلنا نشوف هالشيء) بس الكبير خلص تعلم الكلام والتخاطب والفهم و دخل مدرسة, فالمشكلة في الصغير اللي يتعلق بالجوال وهو عنده ميول انعزالية لاي سبب مثلاً الاهل مب في البيت او انه ما عنده اخوان ..الخ فهذ راح يميل الى قلة الكلام وقلة التفاعل والتخاطب بجمل طويلة وفي النهاية تأثر على نفسيته وسلوكه (حتى لو سليم ).

[عاشق العديد]

ارفض وبشده ..

انه البزران يمسكون هالالعاب او هالتلفونات او هالاجهزه الكترونيه ..

ولهم حريه ومسساحه يسون كل الي يبونه ..

الام صارت من يبجي البزر ..

تشغله اغنيه جوني جوني ويالله خذ .. وتصير عاده اموت واعرف ..
امهاتنا أيام الأول الي مافي فرق بينك وبين اخوانك الخمسه اللهم سنه .. شلون كانو ماسكينه كلنا وبدون خدم وبدون أي شي
والحين مع كل سبل الراحه من فتح حلجه البيبي عطوه ايباده خل يسكت ..
اما عن التوحد شدراني بس أتوقع انه كلام حمد صح .. لانهم يتعلقون بالايباد بشكل مب طبيعييييييييييي

[Qt.1]

الاجهزه محرمه على عيالي معاد الخميس الجمعه فقط
التلفزيون من بعد المغرب لين 8 مساء ويطفي اللهم سهره الخميس والجمعه على راحتهم

والله والله لو يفاحطون لين بكره مانكسر قانون البيت

الزوجه متعاونه معي بالنظام ذا وشهاده لله نظامها ههههههههه هي وبتكارها

بصراحه كنت اظن اني انا الوحيد الي مسوي قانون صارم طلعت مثلي بس انت تخليهم لين 8 انا 7 ونص عشاهم بارز وقبل 8 يروحون فوق والاايباد يمسكونه بس في الويكند وعقب مايدرسون , يمكن ناس اتظن ان احنى متشددين لكن في النهايه هذا كله لمصلحتهم ولين كبرو بيعرفون ليش كنا انسوي لهم هشكل ,,

[aloosh]

المشاهده عادي
ولكن البلاء هي العاب التي يلعبونها تعمل لهم تشنج وعصبيه

من ارد السلامه لطفله يبعده عن اي لعبه في الجوال
واذا لبد منه يشعل له كرتون فقط

من تجربه لي شخصيه