هل صارت الوظائف محتاجه فيتامين (و)

[بحري]

الاشغال موجوده بس الناس ماتعرف شلون توصلها

"الناس مب قادره توصلها"

طيب شنو دور وزارة العمل أو إدارة التنمية

[معماري قطري]

ومن متى ما صارت الوظائف تحتاج فيتامين واو .. اللي توه خريج بعضهم وظيفته سوبر واو وحتى البعثات بعضهم اللي بالدز انجحوا يحصلون بعثة دسمة

[بوخالد911]

الله يسهل عليكم.

آن الآوان لإحلال القطريين بالوظائف التي يشغلها غير القطريين.

هناك توجهات من الدولة بذلك ، ويجب على وزارة التنمية الإدارية التنفيذ فورا.

[ذكي جدااا]

من زماااااااااااااااان الواسطه

[بوسالم2]

السلام عليكم ورحمة الله وبركاته

هل من الصعب ايجاد وظيفه للمواطن او الخليجيه المتزوجه من قطري امرا مستحيلا محتاجه فيتامين (و)؟
من 2013 وانا ابحث عن وظيفه لزوجتي ما خليت مكان الا وانا مقدم فيه
و عندي شباب ما قصروا معاي خذوا السيفي ويقدمون لي ولكن للاسف يتم الرفض
بحجه عدم وجود خبره و مطلوب 5 سنوات خبره
حتى الجامعيه ماتحصل على وظيفه و السبب الخبره
بعض الشباب يقولون ان سبب في عدم توظيف المواطن او الخليجي ان مدير التوظيف يوظف الاجانب ويتجنب توظيف المواطن او الخليجي وخصوصا الخريج الجامعي
الواحد يبي يعدل ظروفه شوي صار معاش الزوج مايكفي مع غلى الي صاير في البلد
صار لازم الزوجه تشتغل عشان تساعد الزوج وخصوصا اذا الزوج عليه دين من البنك او شاري ارض او يبني بيت هذا بروح يكسر الظهر


والله حتى صرت ادور على وظائف يبيلها شهاده ثانويه, اطلب من اعضاء المنتدى في مساعدتي على ايجاد وظيفه حتى لو كانت الوظيفه مطلوب فيها شهاده ثانويه
بس هي خريجه جامعه باكالوريس محاسبه و (gpa(3.3

و الحمدلله على كل حال

اخوي ارسلي رقمك على الخاص والله يقدرني على خدمتك ويكتب لكم التوفيق

[بوعلاوي]

انا معتمد على الله في كل اموري ما احتاج واسطات
واللي الله كاتبه انا راضي