..................... استفسار اذا سمحتوا ,,,,,,,,,,,,,,,,,,

[ولد المنصور]

عندي قبه في البيت وابي اسوي لها ديكور من الخارج ,,, اصبغها ,, اركب عليها جي ار سي ؟؟؟
شسوي ...

[بوخالد911]

برايي
لو تزينها ب grc
بيكون أحلى
مع مراعاة صيانتها حوالي كل سنتين أو 3 سنوات.

كل التوفيق.

[معماري قطري]

فيه أصباغ عازلة للرطوبة وقوية وناس يلبسونها تكسية معدنية لامعة .. شوف الاختصاصي للألمنيوم عندهم حلول والاختيار الألماني ممكن يلبسونها غطاء يو بي في سي وشفت عندهم قبب على مستوى

انا سويت صبغ من تدمر عازل وطلع زين بس اللي عندي ورا البيت ولا تبين بسهولة

بعد الجي ار سي حل بس يحتاج ناس خبرة يسوونه تصميم وتنفيذ

لو توفقت في مغاربة يركبون لك فسيفساء زرقا بعد هذا تخصصهم وفنهم وبتعطيك شكل مميز

[معماري قطري]

حتى البلاط الرخيص يسوونه كسر ويركبه لك واحد عادي بينفع ومن بعيد ما تبين التفاصيل التركيز يكون على اللون والشكل العام .. أهم شيء يركبه بلاصق قوي وقراوت قوي كذلك ومناسب

[Azizuk]

فيه أصباغ عازلة للرطوبة وقوية وناس يلبسونها تكسية معدنية لامعة .. شوف الاختصاصي للألمنيوم عندهم حلول والاختيار الألماني ممكن يلبسونها غطاء يو بي في سي وشفت عندهم قبب على مستوى

انا سويت صبغ من تدمر عازل وطلع زين بس اللي عندي ورا البيت ولا تبين بسهولة

بعد الجي ار سي حل بس يحتاج ناس خبرة يسوونه تصميم وتنفيذ

لو توفقت في مغاربة يركبون لك فسيفساء زرقا بعد هذا تخصصهم وفنهم وبتعطيك شكل مميز

هلا معماري وين الاختيار الألماني يقول لي ان مسوي قبة لبيت في اللؤلؤة حق شخص من غير ذكر أسامي بمليون

القبة بس قيمتها بمليون

ممكن يشوف تدمر قسم البناء عندهم تلبيس بنحاس

بشكل عام القبة اذا تبي تخرجها بشكل حلو أتكلف


في قصر على الطراز الأندلسي في ميسمير ملبس القبة نحاس

وأطلعه القبة كأنها قصور قبب المسلسل الكرتوني قصص سندباد

حلوه وتلمع بلون المطفي شوي

[معماري قطري]

هلا معماري وين الاختيار الألماني يقول لي ان مسوي قبة لبيت في اللؤلؤة حق شخص من غير ذكر أسامي بمليون

القبة بس قيمتها بمليون

ممكن يشوف تدمر قسم البناء عندهم تلبيس بنحاس

بشكل عام القبة اذا تبي تخرجها بشكل حلو أتكلف


في قصر على الطراز الأندلسي في ميسمير ملبس القبة نحاس

وأطلعه القبة كأنها قصور قبب المسلسل الكرتوني قصص سندباد

حلوه وتلمع بلون المطفي شوي

ذكرتني قال لي مرة مسؤول المبيعات بس كلها قزاز وميزتهم يسوون القزاز محني بدون وصلات ممكن يجي قطعة وحدة

أما النحاسية والذهبية مثل قصر الشيخ محمد بن خالد بن حمد على طريق الفروسية روعة .. أشوفها ذهبية بس احتمال نحاسية بعد .. للتكلفة الرخيصة والشكل الجيد أفضل شيء قطع البلاط أو القطع المربعة نفس اللي لأحواض السباحة وهذي فيه تجي منها بشريحة ذهب من داخل ومغلفة بزجاج هذي بتعطينا شكل نظيف ولامع وبسعر معقول .. ما اذكر وين شفتها بس يبيعونها محلات وايد اعتقد العباس في طريق سلوى يبيعها وأكيد في دبي والسعودية متوفرة وبرخيص

هذا رابط للي أقصده وفيه نوعيات غير بألوان عاكسة فضية

https://www.google.com.qa/search?q=s...EVpgKAkZAFSd&*

[Azizuk]

هذا المزايك القزاز موجود عند السوق الصيني وانصار غلري

الكرتون في كم حبه مب متاكد أتوقع عشر حبات مقاس 30 * 30 على 250 ريال

[معماري قطري]

هذا المزايك القزاز موجود عند السوق الصيني وانصار غلري

الكرتون في كم حبه مب متاكد أتوقع عشر حبات مقاس 30 * 30 على 250 ريال

منه أنواع فيها الزين والمتوسط والرديء .. حاولت احصل صورة للي شفته لكن ما حصلت صراحة مثل ما يقولون اللبنانيين بيطير العئل .. لكن غالي وايد واللي داخل شرائح ذهب محاطة بزجاج نقي وشفاف 100% .. وميزته يجي قطع صغيرة تتركب على أي سطح حتى المنحني .. وفي النهاية بتعطيك منظر ذهبي لامع خصوصاً مع الشمس لكن يبي له تنظيف دائم

[معماري قطري]

غير عن ميزة المنظر للقبة هذا يعتبر حماية من الرطوبة وأي تبليط كذلك ويعطي نسبة عزل حراري بسيطة

[ولد المنصور]

كفيتوا و وفيتوا ,, فكره حلوه اني احط البلاط ( المزاييك )