الف الف الف الحمدلله على سلامتك ولا تجهد نفسك اكثر بالتفكير والضغط النفسي وهالفتره هذي حاول قدر المستطاع انك تتبع نظام غذائي صحي عشان تضبط السكر
أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
الله يعينك ويشفيك وكل مسلم اللهم امين
الحمدلله على سلامتك وشاكر لك على مشاركتك لنا بهالموضوع الي بيفيد كثير ناس
اللهم آمين
صحيح مرض السكر الواحد يحتاج لهمة ولنفس طويل لمكافحة تأثيراته والله يعينني عليه ويعين كل مصاب به بدأ معاي في ال 17 وكنت ما اعرفه حتى وشو وغصب علي تعلمت .. كنت من أوائل اللي افتتحوا مستشفى حمد وكان فاضي وقتها بس جزء من الطابق السادس مشغول .. أتذكر غرفتي وين بس ما اذكر رقمها .. كانت جنوب من أول بوابة يمين بعد فصل لتدريب الممرضات .. كنت ملول وبعد ما خلصت المغذي والأدوية المخلوطة معاه اللي تنزل السكر بديت اتحرك اتمشى في الممرات وحتى وصلت لسطح المستشفى .. وقتها كانت العناية أفضل والأطباء أكثر من المرضى ولا يخلون المريض يطلع .. ذكريات كثيرة تمر علي في ذيك الفترة بعضها يضحك
من السوالف اللي تضحك كان ممنوع احضار أي طعام للمرضى لكن جدتي الله يرحمها هربت لي علبة شكولاتة تحت العباية واكل 6 أو 5 حبات دفعة وحدة .. وكان الفحص يسوونه دائم ويتابعون وضعي .. فجأة جاووني عدد كبير من الأطباء منهم كبار شياب استشاريين ومنهم شباب متدربين .. كبيرهم يقول لي حمد شو عملت انته وانا متلخبط ولا اعرف شقصتهم .. واحد منهم راح لسلة المهملات وواحد فتش وحصل العلبة واللي راح للسلة تم يطلع قراطيس تغليف حبات الشيكولاتة ويعد وانا اقول له خلاص بس 3 ويطلع واقول له بس 4 ويطلع لين وصل لرقم وقالوا لي السكر مرتفع وايد وكنا بنغير العلاج ولو استمريت على هذا الوضع مب قادر تتزوج ولا يجونك عيال ومن وقتها خفت والتزمت