شكر خاص لمؤسسة حمد الطبية

[يمامـة]

مثل هالمعلومات مفيده

جزاك الله الف خير

تتلف الخلايا العصبية..

لذلك من الافضل عدم مناقشة الانسان اللي يكون سكره
نازل و تجنب فتح مواضيع تثير غضبه..
قد يتصرف بنوع من الجنون .. و لا يلام ..

[يمامـة]

انا اتفق طبعا معاج ان مايصير اخذ الابره البرتقاليه قبل الكشف

يمكن مافهمتي قصدي لاني مارصلت لج المعلومه

انا قلبا وقالبا معاج بأن الابره البرتقاليه تعطى بعد معرفة نسبة السكر فالدم فاذا كان السكر نازل والاكل خفيف فمايحتاج اساسا هالبرتقاليه اما اذا الاكل دسم فتعطى مابين 4/6 بحيث ماتعدى 180
لكن السؤال شلون قدرتوا تخفضون الارقام بالابر البرتقاليه هنا السؤال فهو يعتمد على الابره طويلة الامد الي يسمونها العموديه كل مازادت وغطت كامل الجسم كان تفاعل البرتقاليه طيب وكل ماقل الانسلولين العمودي زادت حاجتنا للبرتقاليه معادله طبيه هذي طبعا

لان الانسان الطبيعي يكون يستهلك بالرماديه مابين 39/45 بالدراسات الامريكيه

فلذالك رقم 30 بالرصاصيه يكون للي عنده نسبه بسيطه شغاله من البنكرياس

اما الي يعطون 40 وما فوق فيكون البنكرياس عندهم منتهي

العموديه تعوظهم عنه

حلو النقاش بهالامور نستفيد جميعا اشكرج لطولت بالج وحوارج الهادف نستفيد من بعض ونفيد بأذن الله

هالموضوع المفروض يرفع للفائده

مريضا من ظ¤ظ¥ خلوه ظ¤ظ* عقب ظ£ظ¥ عقب ظ£ظ* عقب خليته له من نفسي ظ¢ظ¥ ضبط الوضع اخر زيارة خلوا له ظ¢ظ، او ظ¢ظ¢ بسبب
تعرضه لعمليتين في شهر واحد و قل اكله بشكل كبير..
مع مجهود جبار على جسده التعبان..
فمن جذيه ما اقدر أأكد لك اذا لو البنكرياس شغال او لا..
بس كل اللي اعرفه ان في رمضان نقلل الرصاصي لين ظ،ظ¥ مرات و البرتقالي ما نعطيه خير شر..
حتى يتجنب الهبوط و التعب..
و مثل ما قلنا الطبيعة الجسدية للمريض و نظامه الغذائي
و حركته لهم دور كبير في التحكم في السكر حتى البنكرياس
بكبره مب شغال زين..
فمريضا نااادر ما ياكل الحلويات يعني امس
بالغصب عطيته قطيعة صغيروووونة من كيكة
قلت له كل لان الكل ياكل.. مب راعي عصاير
او تمور او حلويات ..
حتى لو لقينا السكر عنده فوق ظ¢ظ¥ظ* على طول
يجهزون له نوع من انواع الاعشاب الطبية
ما اعرف اسمه لكنه يشبه الجعد و يشرب منه
علشان نحرص نعطيه الانسولين البرتقالي قبل الاكل
ظ،ظ* لان عارفين ان اكله مب بشكل عام مب وايد..
و هالمشروب لما نعطيه علشان ينزل له السكر
لين موعد الابرة اللي قبل العشا..

فالقلم الرصاصي مفعوله يكون قاسي على الوالد
بدايات الصباح بحيث ينزل له السكر في بدايته
لكن يرفعه له مع الظهر..
فلما نزلوا له الوحدات ما عاد يعاني من الهبوط
الحاد في السكر في الصباح و في الوقت نفسه
تعدل معدل السكر من الارتفاع الظهر و المغرب..

الا المرات اللي حالته الصحية تكون تعبانة
فهذه نستثنيها من الحسبة..

[يمامـة]

صحيح كلامج والتجارب هي الي تحدد

الله يشافيهم

اللهم اميين يارب و يأجرهم على تعبهم..

[معماري قطري]

صباح الخير يامن نفسك عزيزة..

اسمح بالمداخلة هذه..
وحدات الانسولين سريع المفعول ماله دخل بالانسولين
طويل المفعول..
غالبا طويل المفعول اللي يتحكم فيه قباس السكر
الصبح.. بمعنى انت عطيت المريض ١٠ وحدات من
الانسولين سريع المفعول قبل لا يرقد لقيت السكر عنده الصبح ٨٠ او ١٠٠ .. اهنيه تقلل من وحدات الانسولين
طويل المفعول ..

اما الانسولين قصير المفعول
هذيه ما تعطي للمريض قبل قياس السكر
بمعنى..
الريوق مثلا تقيس السكر
و لقيته نازل و نوع الريوق
اللي بياكله المريض خفيف جدا
مب شرط تعطيه الابرة..
لكن لو كان من النوع الدسم اللي ممكن يرفع السكر
و كان سكر المريض نازل.. اول شي ترفع له السكر
لمعدله الطبيعي و من ثم تعطيه وحدة صغيرة
في حدود ٥ الى ٧..

و هناك وحدات تلتزم فيها حسب قراءة قياس السكر
ما يصير تربط الانسولين البرتقالي بالرصاصي..

فلو قست سكر المريض و طلع
١٨٠ اهنيه تعطيه ١٠ وحدات
او اقل حسب طبيعة جسمه..
لو قراءة السكر كانت ٢٥٠ و اعلى تعطيه ١٥ وحدة
لو كانت القراءة عالية فوق ٣٥٠ تزيد من الوحدة..

فسريعة المفعول ما تنخذ الا قبل
الاكل علشان تساعد على حرق السكر
الناتج من الوجبة..
فمن جذيه لابد من قياس سكر
المريض اللي يستخدم الانسولين
البرتقالي يوميا قبل كل وجبة..

هذا اللي نتبعه مع مريضنا و نفس
الشي حصل لما ترقد في المستشفى كانوا يتبعون معاه نفس الطريقة ربنا يبارك لنا في عمره.. و الله يشافي كل مبتلى بهذا المرض..

مشكورة اختي على المعلومات المستفيضة وتطابق معلوماتي بس انا اعتمدت فترة على المخلوط 30/ 70 وكان نافع معاي أحسن من الاثنين .. ألحين غيروا عطوني طويل المفعول نوع ثاني بس للحين ما بديت فيه انطر يخلص عندي اللانتس

عن موت الأنسجة والأعصاب الظاهر هذا اللي صار معاي مع عظلة الفخذ والظاهر تراكمات من ارتفاع السكر على فترات طويلة .. النزول يسبب مثل فقدان للتفكير وللوعي الطبيعي أمس وصل عندي 63 ونزل بسرعة من 80 في خلال نص ساعة وانا في السيارة رايح لبيت الوالد الله يغفر له

أكيد النزول المتكرر يتسبب في موت خلايا المخ وفقدان الذاكرة ولازم له تأثير على الأعصاب

وسامحوني متابعتي كانت مقطوعة لفترة طويلة

[معماري قطري]

عودة مرة أُخرى ببعض الملاحظات الصحية خصوصاً المتعلقة بالسكر وفحصه المستمر .. شوي المعدل هالأيام ملخبط بس الحمد لله الوزن شوي نازل

من الملاحظات المهمة اللي هي في حال الارتفاع فوق 180 ضرورة نسوي تمارين بسيطة .. ممكن تمارين سريعة أي تمارين تحرك الدورة الدموية وأوقات يستصعب الإنسان يطلع يمشي .. ممكن يمشي في الحوش شوي وممكن يسوي تمارين إحماء وليونة واستطالة وهي كثيرة .. مهم قبل النوم نسوي استطالة عضلات الرجل والفخذ بمد رجل وحدة لأعلى مشكلين زاوية 90 درجة مع الجسم وتحريك الساق بثني القدم ومدها على استقامة الفخذ .. مهم نحس بشد في بطة الرجل .. وهذا يفيد في نزول الدم من الأقدام والساق ومهم عمله للكبار وعلى سرير النوم وياخذ فترة بسيطة

بالنسبة للفواكه وتجربتي معاها ومتابعتها بجهاز القياس .. الموز عادي يطير السكر .. التفاح الأخضر يرفع السكر أكثر من الأحمر والأصفر كذلك يعتبر وسط .. الأحمر الفرنسي أقل التفاح سكريات

الجح عجيب وكنت ماخذ عنه فكرة خطأ .. يرفع السكر بطيء شوي وارتفاع معقول بعدين يرجع ينزل .. بعد الغداء آكل منه كمية ويرجع طبيعي ولو ما كلت نفس الارتفاع يحصل من الرز أو الخبز

المنغا حسب النوع ودرجة الحلاوة لكن في الغالب ترفع .. الأفوكادو رفع بسيط بس بدون أي اضافة سكر لها

[معماري قطري]

إضافة موفقة لنظامي الغذائي هي الحبة الحمراء أو اللي يعملون منها الحسو .. هذي بدون تنقيع احطها الصبح مع الحليب البارد ومع اي نوع كورن فلكس خالي من السكر أو حبوب نخالة ملعقتين حبوب لملعقة حبة حمراء .. تحسسني بالشبع ومفيدة مثل ما سمعت وجربت للمفاصل .. شيء خيالي جربوها وقولوا لي رايكم حتى للانسان الغير مصاب بالسكري

[امـ حمد]

(لا بأس طهور إن شاء الله)أخوي ربي يشفيك ويعافيك ويحفظك من كل شر
أسأل الله العظيم رب العرش العظيم ان يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
اللهم اشفه انت الشافي لاشفاء الا شفاءك شفاء لايغادر سقما

[معماري قطري]

آمين اختي أُم حمد

قصدي من الملاحظات ذي نشر الوعي والتثقيف الصحي مهم للجميع

الجميع معرض للنوع الثاني وخصوصاً الكبار فوق ال 40 في الغالب لكن لو اكتشفوا الخلل من البداية بواسطة الفحص الدوري وعملوا حمية مناسبة وخففوا وزنهم يخف أو يروح ما يتطور ويحتاج علاج دائم .. بعض الناس يهملون بداياته وبعضهم يقول العمر واحد واحنا كلنا بنموت .. وهذا ولد عم لي تعبني معاه ما يقاوم الحلويات والسكر كمعدل يرتفع ولو قاس خلال اليوم يحصله 400 لدرجة عطوه ابر التزم بها يومين وترك

[مرتبش]

قواك الله اخوي معماري قطر
مواضيع التغذية والصحة مفيدة للكل واتمنى يضيفون في المنتدى قسم للصحة

[بو راشد 1]

شكرا يا بو عبدالله على فتحك هذا الموضوع و مشاركة معلوماتك معنا، من المهم جدا ان الحالة المعنوية للمريض و اهل المريض (خاصة اذا كان طفل) تكون عالية. فلابد ان يتعايش الشخص مع المرض و يتقبل علاجه و لو استمر معاه طول العمر. حبيت اشارك معكم الرابط التالي, لبعض المشاهير المصابين بمرض السكري، وشكرا

https://www.webmd.com/diabetes/ss/sl...-with-diabetes