لاباس طهور إن شاءالله
أجر و عافية يا بوعبدالله
وكلنا تصيدنا ابتلاءات و محد سالم
وعلينا بالصبر والرضى و الشكر
والحمدلله ان الامور تحسنت معاك..
لا يزال .. لسانك .. رطباً .. من ذكر الله ..
اذكر الله !
الحمد لله
أكيد وبلوى السكري بلوى بسيطة مقارنة بكثير أمراض خطيرة الله يبعد الجميع عنها ويصيب الواحد واعي وفاهم أفضل من يصيب طفل صغير يتعبه ويتعب هله
ما قصدته هنا التوضيح للكثيرين والتوعية وكذلك الشُكر المستحق لكل القائمين على العلاج .. بعضنا يستهين بمشكلة الارتفاع حول 200 ويعتبره بسيط ولو يتابع على مدار اليوم بيحصل إرتفاعات أكبر وهنا تكبر المشكلة والتأثير يكون على شرايين الجسم والأعصاب والعيون والكلى والقلب ويكون تدريجي غير محسوس به
الدواء القوي وهو حبة يومياً تشتغل على مدار اليوم Forxiga 10 mg وأوقات ما يكون متوفر لأنه جديد وغالي أكيد .. الحين بعد الغداء وكلت جح بعد وكان يرفع السكر بسرعة وفوق القراءة عندي 117 .. مع إني قللت الأنسولين 24 بدال 36 وبكرة باخذ أقل وإحتمال الغي ابرة الظهر .. الزم نفسي بأكل وجبة كاملة مع إن الشهية تكون ضعيفة وجزء من الصحن اخليه بسبب بعد حبة الجوناميت ما تخلي الشهية قوية وتخلي الواحد يحس بطنه مليان .. يعني بإذن الله المجال مفتوح لتخفيف الوزن
اجر وعافية والله يشفيك من هالمرض اللي انا اسميه مصيبه وانا فيني السكر وتعبت ومب قادره انتظم حتى على الدوا يوم اكل وعشرة ايام ماخذ الدوا ومب عارفة ايش اسوي
سلامات يامعماري وماتشوف مكروه، الله يعطيك الصحة والعافية
أكبر غلط إختي ترك الدواء .. شوفي جدول دوائي اليومي .. اصطبح مع الفجر بحبة الغدة الدرقية ونزلوها لي لخمس أيام في الاسبوع نهايته لا .. قبل لا اتريق اخذ الفوركسيجا ما ادري اذا نطقها هشكل والا غير Forxiga 10 mg وقبل لا اتريق اخذ ابرة أنسولين 54 وحدة ومن النوع المخلوط يعني ابرة عن ثنتين .. بعد الريوق اخذ حبة جوناميت وآخذ أبروفيل 150 ملغرام لحماية الكلى والمفروض آخذ فيتامين ب المخلوط وأوقات اخليه .. الغداء حق فيتامين دال لو وقته وأكثر شيء بدون دواء لكن لو نسيت الجوناميت اخذه مع الغداء وكذلك الوضع حق الابروفيل .. وإبرة قبل الغداء قمت اقلل الأنسولين ألحين الى 24 وحدة من المخلوط
الليل قبل العشا .. إبرة كنت اخذ 58 مخلوط وألحين 54 ويحتاج ضبط أكثر بعد .. بعد العشاء حبة جوناميت + حبة زيزال للحساسية + حبة ليبيتور للكلوسترول + أسبرين لسيولة الدم
صدقيني بدون نظام غذائي ودوائي للسكر وحتى رقابي من خلال الفحص ما يستفيد الانسان وتتعب حالته
للي سكرهم من النوع الثاني البسيط الحمية ضرورية والرياضة ومتابعة الطبيب والفحص كل 3 شهور لمتابعة التراكمي + أخذ الأدوية اللي يوصفها الطبيب في وقتها حسب الجدول .. واللي ينسى يرتب دواه في علبة مجزأة باليوم وحتى ممكن اليوم مجزأ لأجزاء ويعبيها اسبوعياً أو شهرياً وياخذ كل وقت بوقته
ماتشوف شر اخوي الغالي ان شاء الله اجر وعافية والله يشفي مرضانا ومرضى المسلمين جميعا
حفظ التوقيع
اسال الله العظيم رب العرش العظيم في هذه الساعه من يوم الجمعه ان يمن عليك بالشفاء العاجل وطولة العمر بالصحه والعافيه والطاعه انت ومن تحب وكل من دخل للموضوع يابطل
بارك الله فيك ونفع بك معلوماتك وايد حلوه وناس وايد بتستفيد اتمنى مثل هالمواضيع تثبت للاهميه لانه مرض العصر ومنها يستفيدون من تجاربك مع الابر وغيرها
الله يشفيك يالبطل يالنشمي