الله يجيرك من كل شر اخوي الفني والله يشفي جميع المسلمينالمشاركة الأصلية كتبت بواسطة الفني
|
الله يجيرك من كل شر اخوي الفني والله يشفي جميع المسلمين
آمين وانا على استعداد لأي سؤال بخصوص العلاج والنظام الغذائي للكل وكنت مقصر فترة في حق نفسي لكن الحمد لله تداركت هالتقصير أو بديت انتبه له
المثلث المتوازن هو التغذية + الدواء + النشاط لمرضى السكري ولكل نوع وشخص دواء مناسب ما يعطيه الا طبيب مختص .. النشاط حسب نشاطنا لازم نراقب السكر خوف من النزول ولازم ناخذ وجبات خفيفة ومتكررة وينصحون بخمس وجبات في اليوم خفيفة
استاذ معماري
الله يآجرك ويتمم عليك الصحه والعافية .. ويجزاك خير على مشاركتك المعلومات
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
الله يرحم والديج اختي الكريمة
اليوم خلصت كورس ال 14 يوم والسنسر ابرته مغروسة في يدي وشلتها بكل سهولة .. باريح من السنسر وهمه فترة بس بانتبه لنفسي وباواصل نفس العلاج .. أمس وقفت ابرة الظهر وخذت حبة جوناميت بس بدال حبة الصبح وحبة الليل والسكر ارتفع بعد العشاء وصل 310 .. يعني العلاج متكامل على بعض بالابر والحبوب ضروري مع تخفيف الأكل
عدد مرات الهبوط كانت 7 مرات وهي كثيرة ويمكن مرتين كانت قوية والباقي تلاحقت قبل ليزيد
الجهاز هذا المفروض يوفرونه بسهولة لكل مريض سكر وسهل استخدامه جداً وإن شاء الله تتطور أجهزة القراءة أكثر وتكون بسهولة وبدون ابرة
الحبوب تسبب ضعف شهية قوي واحساس بالشبعة وعادي اللي ياخذها يلغي وجبة الغداء
ما خذت ابرة الفيكتوزا وهي تسبب ضعف شهية أكبر واحتاج اعدل جرعة الانسولين لو خذتها ومخليها لمخطط نظام غذائي ثاني لتخفيف الوزن بإذن الله
الحمد لله تركت الجهاز فترة ورجعت له من كم يوم .. قصدي جهاز قياس السكر .. وهالمرة استويت أغامر لتنزيل الوزن واقلل الأكل واحاول اخلي السكر بين 80 و 150 .. ألحين 98 لكن المشكلة أوقات يصير نزول والدواء فعال لآخر درجة فرق كبير عن قبل أيام ال 350 و 400 حتى وزني نزل شوي حول 5 كيلو
حبيت أرفع الموضوع ليستفيد منه من عنده مريض بهذا المرض المزعج
سلامات بوعبدالله توي اشوف الموضوع
ما عليك شر وامورك طيبة
انت بس خذ لك سيارة كشف كديلاك 1959 وبيروح السكر بروحه
الله يرحم والديك
الحمد لله متعايش معاه والكدلك الكشف حلاته في ميامي والا المدن اللي حواليها ما ينفع في قطر
الموضوع بس للتنبيه .. أما أمس طول اليوم حول 100 لكن بعد الفطور عطوني شوربة بطاطس مع بروكلي وشكل البطاطس طاغي وحبيتها شربتها عكس الناس بعد الأكل ويرتفع السكر صاروخ .. سهم الجهاز بدال ما يشير لزاوية ارتفاع بسيطة مستوي عمودي لفوق .. ويستمر في الارتفاع لين 257 إنهدم كل اللي بنيته .. أُم العيال تقول ما فيها شيء بس شوية كريمة
بإختصار بدون الجهاز محد يعرف شنتائج الأكل عليه وبإختصار مغامرة الجهاز كنت خايف منها لأن يبقى السنسر مغروسة ابرته في كتف المريض اسبوعين لكن تعودت والحمد لله لا ألم ولا حكة ولا يحتك في الباب أوقات لأني قمت احطه في اليد أسفل خلف الكتف .. وبنتي تستانس وهي تعطيني الابرة بكل سهولة قصدي ابرة السنسر مال الجهاز وشفت ناس يروحون المستشفى وكنت واحد منهم أول مرة
ألحين 156 مرتفع بس ارتفاع معقول مب مثل البارحة
سلامتك أخوي معماري والله يكتب لك الشفاء العاجل،
ممكن أعرف كيف حالك مع الصيام والسكر؟
وضعي صعب والله ومحرج اقول
لو ما خذت الدواء يبقى السكر مرتفع وينشف الجسم ويستوي لازم اشرب ماي ولو خذت الدواء لازم اوازن مفعوله بأكل مناسب كمية ونوعية .. مثلاً اليوم بعد الفجر السكر كان 180 وشوي نمت البارحة بدون عشاء وبدون ابرة وكان قبل النوم 210 نزل شوي من 270 بعد الفطور
أول أمس قمت بعد نومة قصيرة بعد الفجر قمت الساعة 7 ونص قلبي يضرب وقست السكر كان 76 وبداية نزول لو اصبر ساعة بس حسب كمية السكر في جسمي وحسب الدواء وتفاعله إحتمال ما اعيش .. ثبات بيثبت بين 150 و 80 بمراعاة وملاحظة دقيقة وأكل منتظم وبكميات معقولة .. كان السكر وقتها 140 لكن نزل نزول كبير لين 76
نفعني كثير جهاز القياس والا قبل كنت لين نزل السكر اكل واكثر على أمل إنه يرتفع شوي ولا يرتفع سرعة ازيد الأكل ومن يبدأ ينهضم يرتفع ارتفاع كبير ويتعبني الارتفاع مثل ما تعبني النزول .. فيه طريقة تعتمد على حسابات وجهاز الفحص ومن يرتفع ياخذ الواحد انسولين سريع المفعول وكمية مناسبة حتى ينزل
الصيام يمكن يكون مناسب للي سكره حول 140 ومعتمد على الحمية والحبوب بدون ابر أو اللي ممكن ياخذ ابرة وحدة في اليوم وحبوب لكن اللي مثلي من كنت 17 ابرتين ولا ينتظم والحين 3 إبر ونوعين من الحبوب ثلاث مرات والابر مخلوطة الثلاث عن ست ابر الوضع صعب
ضوابط المشاركة
رد مع اقتباس