شكر خاص لمؤسسة حمد الطبية

[معماري قطري]

بديت مشوار علاج ثاني .. من يوم الإثنين اللي راح خذت ابرة منع الشهية الاسبوعية .. هذي تخلي الواحد ما يبغي ياكل وتعادل عملية قص المعدة بدون قص

نزل وزني شوي وبديت اشوف ال 92 بعد ما كان 94 وأوقات 95 .. والأكل بصعوبة آكل شوية لقمات .. حتى البارحة نمت بدون ابرة لأني كلت قليل كلش واليوم الظهر السكر ما تعدى ال 140 ونزل لين ال 62 وشربت شاي بالعسل حتى ارفعه شوي وألحين 93

الحمد لله فرق كبير عن الاهمال قبل وزين تشجعت آخذ الابرة بعد ما سمعت إن شخص ياخذها نزل 18 كيلو في فترة بسيطة .. والدكتورة قالت انزال الوزن وقلة الأكل يساهمون في اعتدال السكر وفي الصحة العامة .. وعندي من حول شهرين وزين تشجعت آخذها وباستمر إن شاء الله

[نفسي عزيزه]

ماعليك شر يالذيب يالغالي يالاصيل عسى ربي يطول بعمرك وتشوف عيال عيالك





هذي تعتبر اقوى خلطه للانسولين بس تتقنها بيظبط السكر حتى لو البنكرياس تعبان وايد


الابره الرماديه هذا الانسولين تاخذه المغرب او الصبح كيفك مدته بالجسم 24 ساعه ماينزل السكر لانه عمودي فتاخذ معاه الابره البرتقاليه والزرقا وقت الاكل بس مثلا الرصاصيه تحط على حسب شغل بنكرياسك اذا يشتغل شوي تحط 40 والبرتقاليه تحط 7 حق مثلا شاي وسندوجات من مطعم اما اذا مجبوس مثلا تحط 8 البرتقاليه

اذا البنكرياس تعبان فحتمال الدكتور يخليك تحط 60 والبرتقاليه حاول ماتعدى 9 لان الانسولين السريع هذا مدته ثلاث ساعات وعقب يفتر خلاص


شوف يالذيب انجح طريقه هي ان يكون القلم الرصاصي من 40 او فوق بشوي مع القلم السريع وقت الاكل فقط هذي انجح طريقه وبيقل التراكمي


واي سوؤال حاظر

لاني عندي ناس انا اعطيهم الابر من كم سنه فأعرف متى الهبوط وغيرهم وهذي الخلطه صعبه يصير فيها الهبوط طول ما انت ماتجاوز 9 بالقلم البرتقالي وقت الغدى اما العشى والا الفطور يستحسن اقل من 9 من 6/7 زينه واذا مناحس فوق عطه 8 غصبن عنه بينزل

اريح لك من الحبوب والمشاكل وهاي الخلطه زينه مع حبوب ضغط لحماية الكلى من مضاعافات السكر الزلال وغيرها بس يكون حبوب من عائلة ACE inhibitor


وشكرا وماعليك شر يالغالي

[معماري قطري]

الله يسلمك إخوي نفسي عزيزة

أعرفهم هذيلا وقالت لي الدكتورة بيكون أفضل لي لو استعملت السريع .. حالياً ماشي مع المخلوط 30 سريع و 70 بطيء + الإبرة الاسبوعية والإسبوعية صراحة عجيبة خلتني احتد اخفف الجرعات اللي للغداء وللعشاء وبنفس الوقت كمية الأكل انقطعت لأقل من النص

خبرة 37 سنة ألحين والحمد لله إني انتبهت لنفسي وهدفي تنزيل الوزن حول السبعين من التسعين وزين قدرت انزله من 100 لين 91.7 ومع هذي الابرة كله احس نفسي شبعان ولا لي رغبة للأكل واشبع بسرعة

الهدف من نشر هذي المعلومات هو التثقيف الصحي عن هذا المرض وجزاك الله خير تشارك بمعلومات قيمة يستفيد منها الجميع

التراكمي عندي حسب فحص مستشفى حمد كان 7.5 واعتقد تعادل تحت ال 150 .. ألحين على الجهاز 145 حق اسبوع مضى و 142 حق 14 يوم و 148 حق شهر و 150 حق 90 يوم .. الحبوب آخذ الفوراكسيغا الصبح وحسب الارتفاع آخذ غلوفاج 1000 بعد الغداء أو بعد العشاء

قبل كان التراكمي عندي 11 وحولها

[نفسي عزيزه]

الله يعطيك الف عافيه يالذيب

مشكلة الغلوكفاج مع الوقت ينزل b12 شوي وهالفيتامين ضروري لمرضى السكر ونزوله مش مستحب للاعصاب انا عندي خبره بالسكر ومضاعفاته من سنيين الي حولي عجايز والغلوكفاج اذا نزل الفيتامين تصير وظايف الكلى اسرع وهذا مش مستحب ماتشوفي يوم اقول لك افضل خلطه الابرتين انا قصدي فيها لتجنب جميع المضاعفات مستقبلا من 10/15 سنه تبتدي المضاعفات اذا مانتظم السكر التراكمي اقل من 7 او نقول اخر اخر 7.2 يستحب للشخص المريض اما السليم يستحب 5

انا بالنسبه لي وعلى الحالات والمضاعفات الي اعرفها افضل الابرتين والابتعاد عن الحبوب بجميع انواعها الكلى تكون ضعيفه ماتقدر على كميات الحبوب واثارها بالتصفيه

انا انصح المتابعين الي فيه سكر خفيف ان ياخذ حبوب لاحول ولاقوه للتنظيم ومايكون غلوكفاج في غيره من نفس العايله بس ناسي اسمه

اما الي سكره ماينتظم مع الحبوب فالابرتيين هم الحل افضل من المكس الرماديه تخلي الواحد حتى اذا بينام يفكر بينزل السكر لانها متوسطه مش سريعه فمشكله شوي

الله يشفي كل مريض والرياضه مثل المشي مع الاكل المعتدل والخالي من النشويات الزايده والشوكلاته بيجنبه مشاكل وايد


صححححه عليكم يارب والله يشفي كل مريض ويكتشفون شي جديد ابره اسبوعيه بدون مساعده من ابره للوجبات او غلوكفاج يارب وتكون ناجحه مب مثل الي قبلها مش فعاله

[معماري قطري]

الله يعطيك الف عافيه يالذيب

مشكلة الغلوكفاج مع الوقت ينزل b12 شوي وهالفيتامين ضروري لمرضى السكر ونزوله مش مستحب للاعصاب انا عندي خبره بالسكر ومضاعفاته من سنيين الي حولي عجايز والغلوكفاج اذا نزل الفيتامين تصير وظايف الكلى اسرع وهذا مش مستحب ماتشوفي يوم اقول لك افضل خلطه الابرتين انا قصدي فيها لتجنب جميع المضاعفات مستقبلا من 10/15 سنه تبتدي المضاعفات اذا مانتظم السكر التراكمي اقل من 7 او نقول اخر اخر 7.2 يستحب للشخص المريض اما السليم يستحب 5

انا بالنسبه لي وعلى الحالات والمضاعفات الي اعرفها افضل الابرتين والابتعاد عن الحبوب بجميع انواعها الكلى تكون ضعيفه ماتقدر على كميات الحبوب واثارها بالتصفيه

انا انصح المتابعين الي فيه سكر خفيف ان ياخذ حبوب لاحول ولاقوه للتنظيم ومايكون غلوكفاج في غيره من نفس العايله بس ناسي اسمه

اما الي سكره ماينتظم مع الحبوب فالابرتيين هم الحل افضل من المكس الرماديه تخلي الواحد حتى اذا بينام يفكر بينزل السكر لانها متوسطه مش سريعه فمشكله شوي

الله يشفي كل مريض والرياضه مثل المشي مع الاكل المعتدل والخالي من النشويات الزايده والشوكلاته بيجنبه مشاكل وايد


صححححه عليكم يارب والله يشفي كل مريض ويكتشفون شي جديد ابره اسبوعيه بدون مساعده من ابره للوجبات او غلوكفاج يارب وتكون ناجحه مب مثل الي قبلها مش فعاله

ما قصرت بنصيحتك وانت أكيد تقصد الجوناميت .. ذاك وايد أحسن وجربته قبل بس قالوا لي يتعارض مع الابرة الاسبوعية .. انا مخفف من الغلوكوفاج وشكلي باوقفه نهائي تعب معدتي

عن المعدل التراكمي كنت مستانس أحسب 7.5 إنجاز كبير بعد ما كنت اشوف ال 11 .. والحمد لله المضاعفات خفت وايد .. جاتني أيام ما ارقد من الكهربة في الأقدام .. كل 3 ثواني لسعة تخليني انقز من عز النوم .. قمت آخذ حبوب خطرة وتسوي هلوسة وما يعطونها بسهولة .. بس ألحين بعد العلاج الحديث ذيه ما واجهت هذي المشكلة .. من المضاعفات الثانية شرايين العين وتسريب الدم لقاع العين وذكرت كيف مع ارتفاع السكر ل 270 صار تعتيم شبه كامل وقمت اشوف سواد .. بعد ما قصروا عيادة العيون 3 عمليات ليزر ورا بعض للعين اليمنى لين رجعت طبيعية .. وهذي المضاعفات أكيد تراكمت على سنوات طويلة

حتى تركي للعمل جاء بسبب السكر وحكومتنا ما قصرت بهذي الفرصة وأعفوني بدون أي نقصان في الراتب والله يقدرني في المستقبل القريب وأشغل أي شغلة هندسية

[نفسي عزيزه]

الله يوفقك يالغالي انت ماشاء الله عليك نشط وتحب تخدم الناس وان شاء الله ومن كلامك لاحظت انك قهرت السكر والمرض وباذن الله انك قادر تخدم غيرك بخبرتك في الهندسه وبما انك هزمت المضاعفات او حطيت حاجز لها فباذن الله تعيش حياه طيبه بفضل الله ثم العلاج وهتمامك

الله يسعدك بالدارين يالغالي وهالمرضوع وايد مفيد وان شاء الله يشاركونا ونستفيد منهم

[Qatar 2030]

شكرا على الفائدة ... والله يبعد عنا وعنكم الامراض

[معماري قطري]

الله يوفقك يالغالي انت ماشاء الله عليك نشط وتحب تخدم الناس وان شاء الله ومن كلامك لاحظت انك قهرت السكر والمرض وباذن الله انك قادر تخدم غيرك بخبرتك في الهندسه وبما انك هزمت المضاعفات او حطيت حاجز لها فباذن الله تعيش حياه طيبه بفضل الله ثم العلاج وهتمامك

الله يسعدك بالدارين يالغالي وهالمرضوع وايد مفيد وان شاء الله يشاركونا ونستفيد منهم

آمين وربي يسعدك كذلك ويسعد من يقرأ دنيا وآخرة

هذا المرض يبي له حماس وتشجيع على العلاج للكل وأتمنى للجميع الصحة

الله يحفظ بلادنا وأميرنا ووالديه اللي ما قصروا بشيء لصالح المواطن والمقيم .. والله يجزي من يعاديهم حسب نيته

[معماري قطري]

شكرا على الفائدة ... والله يبعد عنا وعنكم الامراض

العفو يا اخوي رسالة نتمنى توصل لمن هم لديهم هذا المرض ومن يعولون ناس لديهم هذا الداء

[بـن عدوان]

اخوي الكريم نفسي عزيزة

الوالد عنده سكر من عشرين سنة ، واشوف انه يستعمل الغلوكفاج

ومن زمان، وموضوع الكلى بدى عليه من فترة بسيطة

بس السكر عنده منتظم
وماظن ياخذ فيتامين b12

شنو نصيحتك