يا اخوي انت أفكارك خطيرة
صج الجهة ذيك تكون باردة وعندك ألاسكا تعتبر مصيف للكثير من الأمريكان
انا يوم رحت سياتل الصيف كان جوها حلو وبارد وأسعار السيارات للايجار غالية .. سئلت ليش قالوا لي موسم لأن كثيرين يجون يصيفون .. وسياتل بينها وبين تورنتو أجمل وأنظف مدينة في العالم حول ساعتين بالسيارة
الإماراتية تطير الى سياتل كانت ولا ادري لو للحين ايه أو لا وسياتل هادية وعلى البحر وفيها طبيعة حلوة وشعبها طيب والجالية العربية كبيرة فيها وفي مناطق كثيرة حولها .. عندك تكوما جنوب سياتل حول ساعة تبعد عنها وفيها جامع وفيها عرب ومسلمين كثير .. كتبت تقرير عن سفرتي بس اتوقع الصور ضاعت مع موقع غلف أب .. وفيها منطقة جبلية حلوة بعد وتوصل للثلج في عز الصيف
ولو حاب كندا بس كندا عندك كم مدينة كبيرة فيها بس بالطيارة مسافة كندا بروحها بلاد شاسعة .. سمعت إن نياغرا فولز من الجانب الكندي أحلى بس ما اذكر أي مدينة بتكون