الله يعينهم ويرزقهم
يدورون لقمه العيش ولكن بالطريقة هذي غلططططط وغلط كبير
خصوصا لين يوقف قدام السيارة عشان يقولي فيه موقف هنا !!!
واللي يقهر اكثر لين يلحقني في المواقف ويسألني تبي غسيل
مع العلم موتري يكون مغسول ويلق والتواير تلمع من الباليس والأخ يسأل !!!
يعني ما تشوف الموتر نظيف كيف !
اللهم لك الحمد كما ينبغي لجلال وجهك وعظيم سلطانك
نثر العمالة باعداد ضخمة وبرواتب متدنية افرز وضع انساني لايجب السكوت عنه
وهذا مثال للتفكر
http://www.raya.com/mob/getpage/f645...4-8ce3e42294ef
السلام عليكم ورحمة الله وبركاته
معليش يا جماعة
يعني أكيد محد يكره عمل الخير وأنه يساعد المحتاج ومب شرط كل شي الواحد منا يسويه بيجي هنا يكتبه ويصرح فيه
هذا الموضوع خالصين منه .. في النهاية هو بيننا وبين الله .. وربنا عالم بالنوايا وما تخفي الصدور
لكن مب يجون يستغلونا ويوقفون في طريقنا غصب طيب و يدودهونا
يعني ما عسى الواحد يوقف عند الاشارة الا ياك موول عند التاير ينظف تحته
والا ما عساه يدش المواقف يبي يصف السيارة إلا تخرطف جدامك و اعترض لك مثل القضا المستعجل ووقف يأشر لك تعال جذي وحرك جذاك ويجابلك ويلصق بالطوفة وانت تعال جدم لين اقول لك بس وقف
زين فرضاً الواحد تدوده وتخربط وداس بترول بدال البريك لسبب أو لآخر .. غير بينرعص في الطوفة ويروح من چيس أهله
وتعال فچچ عقب
والا يلقفك من وسط مليون واحد ماشي ويجي لك انت بالذات يقول السلام عليكم بابا والا ماما
ماعليه نعطي ونتصدق والله يتقبل منا .. ولا فيها فضل ولا منة ان شاء الله
لكن مب جذيه عاد
فعلا غلط هالشي .
بس اكيد مايطرون بهالشكل الا للحاجه
احس القلوب ضاقت اكثر من قبل..
الحين اللي يشوف ان هالتصرفات غلط..
ليش ما وقف العامل وسئله هو لأي جهة ينتمي.. وياخذ رقم هالجهة و ينبههم للتجاوزات
اللي تصير من هالعمال.. وتعريض نفوسهم للخطر حسب ما هو مذكور في كلام الأعضاء..
ترى هالعمالة حتى في بلادينهم يلزقون في السيارات يعني مب بس اهنيه..
هذيه طبعهم في بلادينهم.. مب عادة اكتسبوها لما شافوا أصحاب السيارات الفارهة او الناس
اللي عندهم فلوس ..
يا مقسى قلوبكم..
غسيلهم أي كلام بغض النظر عن الحركات والملاغه اللي يسوونها لدرجة اني اذا طالعه كذا مكان لازم اشوف يا طراره يا عمال عند السياره اعصب بيني وبين نفسي والواحد ينضغط خاصة اذا كان متضايق بدون شي يجون يضايقونه هم بهالوقفه للاسف الطريقه كلها غير حضارية اذا بنفكر فيها من الاساس ونحللها وأغلبهم هالعمال غير حرفيين خاصة اذا ما كانوا تحت شركة معروفه لذلك يجب ان ننتبه اذا كنا نبي نتيجة مرضية اما اذا السالفة سالفة توزيع فلوس لشغل اي كلام فانا مع اني اعطي المال للمحتاج وليس لشخص لا يتقن حرفته لمجرد توزيع المال والاسترزاق.
سبحان الله وبحمده
بالعكس اشوفها عادي جدا واحيانا الواحد محتاج ينظف سيارته ويلمعها
وهالمسكين قاعد يترزق ومقابل الخدمة اعطيه اجر وين الطراره الله يهديكم بس
مب احسن من اللي يطر عيني عينك
ياجماعة خلوهم يترزقون هالفقاره المساكين كفايه واقفين في هالحر وحالتهم حالة والله اعلم بظروفهم