هل أنت آيفوني أم سامسونجي ؟؟

[معماري قطري]

هل لا زال هناك وفاء للآيفون ؟؟
هل لا زال هناك تعصب وانتصار للسامسونغ ؟؟
حد غير رأيه ؟؟!!

أمس ولدي لاعب عليهم واحد هو وربعه وبايعهم ايون اكس ب 9000 ريال للواحد يسوى؟

[الحياة الخالدة]

أمس ولدي لاعب عليهم واحد هو وربعه وبايعهم ايون اكس ب 9000 ريال للواحد يسوى؟

9000 ؟؟!!!
ليش عاد ؟؟ انا من يومين قريت 7000 واستغربت السعر
يعني هو أصلاً سعره جذي ؟؟!!
كل هذا عشان بصمة الوجه ؟؟

[يمامـة]

هل لا زال هناك وفاء للآيفون ؟؟
هل لا زال هناك تعصب وانتصار للسامسونغ ؟؟
حد غير رأيه ؟؟!!

خوسيه يوم شاف جوالي الجالكسي اس 8 طاح على ويهه و انكسرت شاشته من الطرف
مع شلخين ناعمين بطول الشاشة.. و رفضي بتبديل الشاشة لان سعر الشاشة 1400 ريال
ورفضي اخذ جوال يديد..
ياني يعرض علي اصير ايفونية..
قلت له pardon
علاقتي بالاندرويد مب مرتبطة في الجوال بحد ذاته ولا حتى النظام
هذا لو استبعدت كل هالامور..
اليوم علاقتي بخدمات جوجل المربوطة بنظام الاندرويد
من الجي ميل و جوجل بلاس اللي صار مخزن لصوري بعد ما خصصت
فولدرات خاصة احفظ فيها صور حبايبي الصغار و فيديوهاتهم إضافة الى
استغلالي لجوجل درايف لحفظ الصور أيضا
و خدمة الجي الميل اللي كل تعاملاتي الخاصة و العامة مربوطة فيه..
إضافة الى المدونة اللى خصصتها لي اعبر فيها حق نفسي اللي ابيه او اكتب
كل ما يجول بخاطري..

كل هالأمور بايميل واحد و باسوورد واحد إضافة الى نظام تشغيل ما عندي مشاكل
تكرهني فيه وان كانوا مرات يبطون جبدي لما يغيرون شي نكون متعودين عليه مع النسخ اليديدة
للنظام.. الا ان النظام و لله الحمد مكفي و موفي و زي الفل ..

لذلك ما زلت اندرويدية حتى النخاع مثل ما كنت و ما زلت عرباوية حتى النخاع

[يمامـة]

أمس ولدي لاعب عليهم واحد هو وربعه وبايعهم ايون اكس ب 9000 ريال للواحد يسوى؟

وصلوا سعره 13 الف حسب ما يخبروني العيال امس..
وهو أساسا بحدود 5000 الى 5500 تقريبا حسب مساحة المميوري..

بس مب عارفة ليش يعني هالنهبة و ليش الناس متصربعين و متصروعين
ولازم يكونون من أوائل مقتني الجوال!!

[بوخالد911]

أمس ولدي لاعب عليهم واحد هو وربعه وبايعهم ايون اكس ب 9000 ريال للواحد يسوى؟

9000 ؟؟!!!
ليش عاد ؟؟ انا من يومين قريت 7000 واستغربت السعر
يعني هو أصلاً سعره جذي ؟؟!!
كل هذا عشان بصمة الوجه ؟؟

اليوم سألت عنه
قالوا ب 6000
5950

بس ناس ما فيها صبر.
وناس تنتهز هالفرصة وتقص على ناس.

[nooora]

لو كنت عارفه هذه الاسعار جان يبت كميه معاي من امريكا خاصة الي ما عندهم صبر هههه

[حمد 2002]

انا

عندي جوال مكسيكي ممم اسمه بلو BLU

و سامسونج قديم جدا ..


وبشتري جوال لافا للخدمه الوطنيه لاني سمعت انه مسموح به لانه يستقبل صور ب مايرسل ,,,


بأختصار هذا انا

[معماري قطري]

9000 ؟؟!!!
ليش عاد ؟؟ انا من يومين قريت 7000 واستغربت السعر
يعني هو أصلاً سعره جذي ؟؟!!
كل هذا عشان بصمة الوجه ؟؟

ولدي الثاني قال لي شريته ب 5000 وثاني يوم سئلته قال ب 6000 واتوقع لاعبين عليه بعد .. مثل ما سمعت سعره 4000 و 4000 وايد صراحة ولا افكر اشتريه الا بعد فترة و احتمال اخذ سامسونغ للحين محتار

[معماري قطري]

اليوم سألت عنه
قالوا ب 6000
5950

بس ناس ما فيها صبر.
وناس تنتهز هالفرصة وتقص على ناس.

والله وايد يا اخوي حرام

[معماري قطري]

انا ولدي الكبير يشتغل والا مني مستحيل اعطيه هالمبلغ حق تلفون والثاني معطيه رفيجه هدية ورفيجه ماخذ 4 كل واحد ب 9000